完整藏文原文 · 德格版页 当前仅加载第 72 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཐ་མ་ནི་རྒྱལ་པོ་རྣ་བ་ཅན་ཞེས་བྱ་བ་བྱུང་ངོ་། །གཽ་ཏ་མ་དག་རྒྱལ་པོ་རྣ་བ་ཅན་ལ་བུ་གཉིས་ཏེ། གཽ་ཏ་མ་དང་། བྷ་ར་དྭ་ཛའོ། །དེ་གཉིས་ལས་གཽ་ཏ་མ་ནི་མངོན་པར་འབྱུང་བར་དགའོ། །བྷ་ར་དྭ་ཛ་ནི་རྒྱལ་སྲིད་ལ་མངོན་པར་དགའོ། །དེ་ཕ་ཆོས་དང་ཆོས་
D301.072.0116a01.01མ་ཡིན་པས་རྒྱལ་སྲིད་བྱེད་པ་མཐོང་ནས་དེས་བསམས་པ། བདག་ཡབ་འདས་ནས་རྒྱལ་པོར་གྱུར་ཏེ། བདག་གིས་ཀྱང་ཆོས་དང་ཆོས་མ་ཡིན་པས་རྒྱལ་སྲིད་བྱས་ནས་སེམས་ཅན་དམྱལ་བར་གཞོལ་བར་འགྱུར་བས་འདིར་ཅིའི་དུས་ལ་བབ་ཅེ་ན། ཁྱིམ་ནས་ཁྱིམ་མེད་པར་རབ་ཏུ་
D301.072.0116a02.01འབྱུང་བར་བྱའོ་སྙམ་དུ་བསམས་ནས། རྒྱལ་པོ་རྣ་བ་ཅན་གང་ན་བ་དེར་སོང་སྟེ་ཕྱིན་པ་དང་རྐང་པ་གཉིས་ལ་གཏུགས་ཏེ་གསོལ་བ་བཏབ་པ། ཡབ་མཁྱེན་པར་མཛོད་ཅིག །བདག་ནི་དད་པས་ཁྱིམ་ནས་ཁྱིམ་མ་མཆིས་པར་རབ་ཏུ་འབྱུང་ངོ་། །དེས་སྨྲས་པ། བུ་གང་གི་ཕྱིར་
D301.072.0116a03.01མཆོད་སྦྱིན་མཆོད་པར་བྱེད་པ་དང་སྦྱིན་སྲེག་སྲེག་པར་བྱེད་པ་དང་། དཀའ་ཐུབ་དཀའ་ཐུབ་སྤྱོད་པ་དེ་དག་ནི་འདིའི་ཆེད་ཡིན་ཏེ། ང་འདས་ན་རྒྱལ་སྲིད་ལག་མཐིལ་དུ་འོངས་ཏེ་རྒྱལ་པོ་བྱེད་པར་འགྱུར་ན་ཅིའི་ཕྱིར་རབ་ཏུ་འབྱུང་། དེས་སྨྲས་པ། ཡབ་བདག་གིས་ཆོས་དང་ཆོས་མ་ཡིན་
D301.072.0116a04.01པས་རྒྱལ་སྲིད་བགྱིད་རྔོ་མི་ཐོགས་སོ། །དེ་ལྟ་བས་ན་མཁྱེན་པར་མཛོད་ཅིག །རབ་ཏུ་འབྱུང་ངོ་། །དེ་ནས་རྒྱལ་པོས་གལ་གྱིས་འཆུ་བར་ཤེས་ནས་གནང་ངོ་། །དེའི་ཚེ་བསྟི་གནས་ཞིག་ན་དྲང་སྲོང་མདོག་གནག་ཅེས་བྱ་བ་གནས་སོ། །དེ་ནས་གཞོན་ནུ་གཽ་ཏ་མ་རྒྱལ་པོས་
D301.072.0116a05.01གནང་ནས། དགའ་ཞིང་མགུ་ལ་དགའ་བ་རྒྱ་ཆེན་པོ་དང་ཡིད་བདེ་བ་སྐྱེས་ནས། དྲང་སྲོང་མདོག་གནག་གང་ན་བ་དེར་སོང་སྟེ་ཕྱིན་པ་དང་། སྤྱོད་ལམ་དུལ་བས་རྐང་པ་གཉིས་ལ་ཕྱག་བྱས་ནས་སྨྲས་པ། དྲང་སྲོང་ཆེན་པོ་བདག་རབ་ཏུ་འབྱུང་བར་འདོད་ཀྱིས་བདག་རབ་ཏུ་ཕྱུང་
D301.072.0116a06.01ཤིག །དེས་དེ་རབ་ཏུ་ཕྱུང་ངོ་། །དྲང་སྲོང་མདོག་གནག་ནི་འབྲས་བུ་དང་། རྩ་བ་དང་། ཆུ་འཐུང་བས་དེ་ཡང་དྲང་སྲོང་གཽ་ཏ་མ་དྲང་སྲོང་གཽ་ཏ་མ་ཞེས་བྱ་བར་གྱུར་ཏོ། །ཇི་ཙམ་ན་དུས་གཞན་ཞིག་ན་རྒྱལ་པོ་རྣ་བ་ཅན་ཤི་ནས་གཞོན་ནུ་བྷ་ར་དྭ་ཛ་ཕའི་རྒྱལ་སྲིད་ཀྱི་དབང་ཕྱུག་ལ་དབང་
D301.072.0116a07.01