完整藏文原文 · 德格版页 当前仅加载第 72 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
མུན་པ་བྱུང་བ་ན་ཉི་མ་དང་ཟླ་བ་གཉིས་འཇིག་རྟེན་དུ་འབྱུང་བར་འགྱུར་རོ། །རྒྱུ་སྐར་དང་། སྐད་ཅིག་དང་། ཐང་ཅིག་དང་། ཡུད་ཙམ་དང་། མཚན་མོ་དང་། ཉིན་མོ་དང་། ཟླ་བ་དང་། ཟླ་བ་ཕྱེད་དང་། དུས་ཚིགས་དང་། ལོ་འཇིག་རྟེན་དུ་འབྱུང་བར་འགྱུར་རོ། །དེ་
D301.072.0108b01.01རྣམས་དེ་ཟ་ཞིང་ཟས་སུ་ཟ་བ་ལ་ཚེ་རིང་ཞིང་ཡུན་རིང་དུ་གནས་སོ། །དེ་རྣམས་ལས་ཟས་ལ་ཆེས་ཉུང་ཟད་དུ་ཟ་བ་གང་ཡིན་པ་དེ་ནི་ཁ་དོག་དང་ལྡན་པར་འགྱུར་རོ། །ཁ་ཟས་ལ་ཆེས་མང་དུ་ཟ་བ་གང་ཡིན་པ་དེ་ནི་ཁ་དོག་ངན་པར་འགྱུར་ཏེ། ཁ་ཟས་ཀྱི་ཚད་གཉིས་ལ་བརྟེན་ནས་ཁ་དོག་གི་
D301.072.0108b02.01རྣམ་པ་གཉིས་མངོན་ཏེ། ཁ་དོག་རྣམ་པ་གཉིས་ཡོད་པས། ཀྱེ་སེམས་ཅན་ཁོ་བོ་ནི་ཁ་དོག་དང་ལྡན་ནོ། །ཁྱོད་ནི་ཁ་དོག་ངན་པ་ཡིན་ནོ་ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་དོ། །ཁ་དོག་གི་མངོན་པའི་ང་རྒྱལ་ཅན་དེ་རྣམས་སྡིག་པ་མི་དགེ་བའི་ཆོས་དེ་དག་ཉིད་
D301.072.0108b03.01བླངས་པའི་རྒྱུས་སའི་བཅུད་དེ་ནུབ་པར་གྱུར་ཏོ། །གཽ་ཏ་མ་དག་སའི་བཅུད་དེ་ནུབ་པ་ན་སེམས་ཅན་དེ་རྣམས་ཚོགས་ཤིང་འདུས་ནས་འདི་སྐད་ཅེས། ཀྱི་ཧུད་བྲོ་བ་ཀྱི་ཧུད་བྲོ་བ་ཞེས་སྨྲ་ཞིང་སྨྲེ་སྔགས་འདོན་ལ་མྱ་ངན་དང་སྡུག་བསྔལ་བར་གྱུར་ཏོ། །དཔེར་ན་ད་ལྟར་གྱི་མི་རྣམས་ཀྱིས་
D301.072.0108b04.01ཟས་ཞིམ་པོ་{ཆུང་ཟད་,ཅུང་ཟད་}ཅིག་ཟོས་ནས་སྔོན་གྱི་ཡི་གེ་དང་། ཚིག་དང་། ཚིག་འབྲུ་དེ་ཉིད་རྗེས་སུ་དྲན་ནས་འདི་སྐད་ཅེས། ཀྱི་ཧུད་བྲོ་བ་ཀྱི་ཧུད་བྲོ་བ་ཞེས་སྨྲ་བ་དེ་བཞིན་དུ་སེམས་ཅན་དེ་རྣམས་སའི་བཅུད་དེ་ནུབ་པ་ན་ཚོགས་ཤིང་འདུས་ནས་འདི་སྐད་ཅེས། ཀྱི་ཧུད་བྲོ་བ་ཀྱི་ཧུད་བྲོ་བ་ཞེས་སྨྲ་
D301.072.0108b05.01ཞིང་སྨྲེ་སྔགས་འདོན་ལ་མྱ་ངན་དང་། སྡུག་བསྔལ་བར་གྱུར་ཀྱང་སྨྲས་པ་འདིའི་དོན་ནི་འདི་ཡིན། སྨྲས་པ་འདིའི་དོན་ནི་འདི་ཡིན་ནོ་ཞེས་དེའི་དོན་ནི་མི་ཤེས་སོ། །གཽ་ཏ་མ་དག་སེམས་ཅན་དེ་རྣམས་ཀྱི་སའི་བཅུད་དེ་ནུབ་པ་ན། སའི་ཞག་ཁ་དོག་ཕུན་སུམ་ཚོགས་པ་རོ་ཕུན་སུམ་
D301.072.0108b06.01ཚོགས་པ་བྱུང་བར་འགྱུར་ཏེ། ཁ་དོག་ནི་འདི་ལྟ་བུ་ཡིན་ཏེ། དཔེར་ན་དོང་ཀའི་མེ་ཏོག་ལྟ་བུའོ། །རོ་ནི་འདི་ལྟ་བུ་ཡིན་ཏེ། །དཔེར་ན་སྦྲང་མའི་སྦྲང་རྩི་བཙིར་བ་ལྟ་བུའོ། །དེ་རྣམས་དེ་ཟ་ཞིང་དེ་ཟས་སུ་ཟ་བ་ལ་ཚེ་རིང་ཞིང་ཡུན་རིང་དུ་གནས་སོ། །དེ་རྣམས་ལས་ཁ་ཟས་ལ་
D301.072.0108b07.01