完整藏文原文 · 德格版页 当前仅加载第 72 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་ལྔ་བཅུ་བཞོས་ནས་ཀྱང་བརྒྱ་ལ་བླུད་དོ། །བརྒྱ་བཞོས་ནས་ལྔ་བཅུ་ལ་བླུད་དོ། །ལྔ་བཅུ་བཞོས་ནས་ཉི་ཤུ་ལ་བླུད་དོ། །ཉི་ཤུ་བཞོས་ཏེ་མེ་སྤར་ནས་ཤེལ་ལས་བྱས་པའི་སྣོད་ཀྱི་ནང་དུ་བླུགས་ནས་འོ་ཐུག་བསྐོལ་བར་བརྩམས་པ་ན། བྲམ་ཟེ་རྣམས་ཀྱིས་
D301.072.0043a01.01བསམས་པ། འདིར་ངེས་པར་བག་མ་ལེན་ཏམ་བག་མ་གཏོང་བར་འགྱུར་རོ་སྙམ་ནས་བྲམ་ཟེ་མང་པོ་འདུས་པར་གྱུར་པ་དང་། འོ་ཐུག་སྟོང་དུ་བསྒྲེས་པ་བསྐོལ་བ་ན་བུམ་པ་བཟང་པོ་དང་། དཔལ་བེའུ་དང་། གཡུང་དྲུང་འཁྱིལ་པའི་མཚན་མ་དག་བྱུང་བ་སྣང་བ་དང་།
D301.072.0043a02.01ཀུན་ཏུ་རྒྱུ་ཉེ་འགྲོ་ཞེས་བྱ་བས་མཐོང་ནས་བསམས་པ། འོ་མའི་ཐུག་པ་འདི་སུས་འཐུངས་པ་དེས་ནི་བླ་ན་མེད་པའི་ཡེ་ཤེས་འཐོབ་པར་འགྱུར་གྱིས་མ་ལ་བདག་གིས་བསླང་ངོ་སྙམ་མོ། །དེ་ནས་བརྒྱ་བྱིན་འདི་སྙམ་དུ་སེམས་ཏེ། བྱང་ཆུབ་སེམས་དཔའ་དེ་ནི་དཀའ་ཐུབ་
D301.072.0043a03.01ཀྱིས་སྐུ་ལུས་ཉམ་ཆུང་ཞིང་སྐུ་ལ་སྦྲེབས་པ་དང་། སྐྱེམས་པས་ཉེན་པ་ཡིན་ལ་བྱང་ཆུབ་སེམས་དཔའ་འོ་ཐུག་གསོལ་ན་བླ་ན་མེད་པའི་ཡེ་ཤེས་ཐུགས་སུ་ཆུད་པར་འགྱུར་ན། བྲམ་ཟེ་འདི་དག་ནི་རང་བཞིན་གྱིས་བརྐམ་པ་དག་འདིར་འདུས་པར་གྱུར་པས་གལ་ཏེ་བྱང་ཆུབ་སེམས་
D301.072.0043a04.01དཔའ་ལ་གནོད་པ་བྱེད་པར་འགྱུར་རོ་སྙམ་ནས། རི་སྤོས་ཀྱི་ངད་ལྡང་ནས་ལྷའི་སྨན་བླངས་ཏེ་དེ་ཤིན་ཏུ་གཟུགས་བཟང་བའི་བྲམ་ཟེ་ཞིག་ཏུ་མངོན་པར་སྤྲུལ་ནས་འོ་ཐུག་དེ་སྐོལ་བའི་སྟེང་དུ་འདུག་སྟེ། ལྷའི་དབང་པོ་བརྒྱ་བྱིན་གྱིས་དེར་སྨན་མཐུ་བསྐྱེད་པ་ཞེས་བྱ་བ་བླུགས་སོ། །དེ་
D301.072.0043a05.01ནས་དགའ་མོ་དང་། དགའ་སྟོབས་མས་འོ་ཐུག་སྦྲང་རྩི་ལྟར་མངར་བ་སྟོང་དུ་བསྒྲེས་པ་བསྐོལ་ནས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཁྱོད་ཉིད་རྒྱལ་པོ་ཟས་གཙང་མའི་སྲས་དེ་ཡིན་ནམ། བརྒྱ་བྱིན་གྱིས་སྨྲས་པ་དེ་ནི་ངའི་མཁན་པོ་ཡིན་ཏེ་ང་ནི་དེའི་སློབ་མ་ཡིན་
D301.072.0043a06.01ནོ། །དེ་ནས་ལྷའི་དབང་པོ་བརྒྱ་བྱིན་གྱིས་འོ་ཐུག་སྦྲང་རྩི་ལྟར་མངར་བ་སྟོང་དུ་བསྒྲེས་པ་བླངས་སོ། །བླངས་ནས་ཀྱང་དགའ་མོ་དང་། དགའ་སྟོབས་མ་གཉིས་ལ་སྨྲས་པ། སྦྱིན་པ་འདིས་ཁྱེད་གཉིས་ཅི་ཞིག་དོན་དུ་གཉེར་གང་གི་དོན་དུ་ཡོན་བསྔོ་བར་བྱ། དེ་གཉིས་
D301.072.0043a07.01