完整藏文原文 · 德格版页 当前仅加载第 72 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་པ་ན་རིགས་དང་ཡུལ་དང་དུས་དང་རྒྱུད་དང་བུད་མེད་དེ་གཟིགས་པ་རྣམ་པ་ལྔས་གཟིགས་པར་མཛད་དོ། །བྱང་ཆུབ་སེམས་དཔའ་རྣམས་རྒྱུ་གང་གིས་རིགས་ལ་གཟིགས་པར་མཛད་ཅེ་ན། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ནི་འདི་སྙམ་དུ་
D301.072.0004a01.01དགོངས་ཏེ། བྱང་ཆུབ་སེམས་དཔའ་རྣམས་རིགས་ཇི་ལྟ་བུ་ཞིག་ཏུ་ཉིང་མཚམས་སྦྱོར་བ་ལེན་སྙམ་ན། བྲམ་ཟེའི་རིགས་སམ། རྒྱལ་རིགས་སུ་ཡིན་ལ། དེ་ལ་རེས་འགའ་ནི་བྲམ་ཟེའི་རིགས་བཙུན་པར་བཀུར། རེས་འགའ་ནི་རྒྱལ་རིགས་ཏེ། ད་ལྟ་ན་ནི་རྒྱལ་རིགས་བཙུན་པར་བཀུར་
D301.072.0004a02.01བར་གཟིགས་ནས། མ་ལ་བདག་ལ་གཞན་དག་བྱང་ཆུབ་སེམས་དཔས་རིགས་ངན་པར་ཉིང་མཚམས་སྦྱོར་བ་བླངས་སོ། །ཞེས་གཞི་འདིས་ཁ་ཟེར་བར་མི་འགྱུར་བར་བདག་གིས་རྒྱལ་རིགས་སུ་ཉིང་མཚམས་སྦྱོར་བ་བླང་བར་བྱའོ་སྙམ་མོ། །འདི་ལྟར་བྱང་ཆུབ་སེམས་དཔས་ཐོག་མ་མེད་པའི་
D301.072.0004a03.01དུས་ནས་སྨད་པར་མི་འགྱུར་བའི་ལས་བྱས་ཤིང་བསགས་པ་དང་། སངས་རྒྱས་བཅོམ་ལྡན་འདས་རྣམས་ནི་ཆོས་བཤད་པ་འབྲས་བུ་མེད་པ་མ་ཡིན་པས་རྒྱུ་འདིས་ན་བྱང་ཆུབ་སེམས་དཔའ་རྣམས་རིགས་ལ་གཟིགས་པར་མཛད་དོ། །བྱང་ཆུབ་སེམས་དཔའ་རྣམས་རྒྱུ་གང་གིས་ཡུལ་ལ་
D301.072.0004a04.01གཟིགས་པར་མཛད་ཅེ་ན། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ནི་འདི་སྙམ་དུ་དགོངས་ཏེ། བྱང་ཆུབ་སེམས་དཔའ་རྣམས་ཡུལ་ཇི་ལྟ་བུ་ཞིག་ཏུ་ཉིང་མཚམས་སྦྱོར་བ་ལེན་སྙམ་ན། འབྲས་དང་བུ་རམ་ཤིང་དང་བ་ལང་དང་མ་ཧེ་ཕུན་སུམ་ཚོགས་པ། སློངས་མོ་
D301.072.0004a05.01པ་བརྒྱ་འདུ་བ། མཐའ་འཁོབ་ཀྱི་སྐྱེ་བོ་མེད་པ། དབུས་པའི་སྐྱེ་བོ་གནས་པ་གང་དུ་སྐྱེ་བོ་གཅིག་བཏུལ་བས་སྐྱེ་བོའི་ཚོགས་ཆེན་པོ་འདུལ་བར་འགྱུར་བའི་ཡུལ་གང་ཡིན་པ་གཟིགས་སོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། དབུས་ཀྱི་ཡུལ་འདི་ནི་བུ་རམ་
D301.072.0004a06.01ཤིང་གི་ཕྲེང་བ་དང་འབྲས་དང་བ་ལང་དང་མ་ཧེ་ཕུན་སུམ་ཚོགས་པ། སློངས་མོ་པ་བརྒྱ་འདུ་བ། མཐའ་འཁོབ་ཀྱི་སྐྱེ་བོ་མེད་པ། དབུས་པའི་སྐྱེ་བོ་གནས་པ། གང་དུ་སྐྱེ་བོ་གཅིག་བཏུལ་བས་སྐྱེ་བོའི་ཚོགས་ཆེན་པོ་བཏུལ་བར་འགྱུར་བ་ཡིན་གྱིས། མ་ལ་བདག་ལ་གཞན་དག་
D301.072.0004a07.01