完整藏文原文 · 德格版页 当前仅加载第 72 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་སེང་གེའི་སྒྲ་བསྒྲག་པར་བྱའོ་ཞེས་གསུངས་ནས་ཚིགས་སུ་བཅད་དེ་ཡང་གསུངས་པ། སེང་གེ་གཅིག་གིས་གཅན་གཟན་ཚོགས་ནི་དུ་མ་འཇོམས། །རྡོ་རྗེ་གཅིག་གིས་བྲག་གི་རྩེ་མོ་དུ་མ་འཇིག །བརྒྱ་བྱིན་གཅིག་གིས་ལྷ་མ་ཡིན་དབང་དུ་མ་འཇོམས། །ཉི་མ་
D301.072.0006b01.01གཅིག་གིས་མུན་པ་དུ་མ་རྣམ་པར་སེལ། །གྲོགས་པོ་དག་ཁྱེད་ཅག་ལས་གང་བདུད་རྩི་དོན་དུ་གཉེར་བ་དེ་ཡུལ་དབུས་ཀྱི་གྲོང་ཁྱེར་ཆེན་པོ་དྲུག་ཏུ་ཉིང་མཚམས་སྦྱོར་བ་ལོང་ཤིག །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འདི་སྙམ་དུ་སེམས་ཏེ་བྱང་ཆུབ་སེམས་དཔའ་འདི་ནི་བཙུན་མོ་སྒྱུ་
D301.072.0006b02.01འཕྲུལ་ཆེན་མོའི་ལྷུམས་སུ་ཉིང་མཚམས་སྦྱོར་བ་ལེན་པར་བཞེད་ཀྱིས་མ་ལ་དེ་ལ་བདག་གིས་གཟི་བརྗིད་བསྒྲུབ་པར་བྱ། ལྷུམས་ཀྱང་སྦྱང་བར་བྱའོ་སྙམ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཙུན་མོ་སྒྱུ་འཕྲུལ་ཆེན་མོ་ལ་གཟི་བརྗིད་བསྒྲུབས་ཤིང་ལྷུམས་ཀྱང་གཙང་མར་བྱས་སོ། །
D301.072.0006b03.01དེ་ནས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་རིགས་དང་། ཡུལ་དང་། དུས་དང་། རྒྱུད་དང་། བུད་མེད་ལ་གཟིགས་པ་སྟེ། གཟིགས་པ་ལྔས་གཟིགས་ནས་ནམ་གྱི་གུང་ལ་གླང་པོ་ཆེར་བསྟན་ཏེ་དགའ་ལྡན་གྱི་ལྷའི་རིས་ནས་འཕོས་ནས་ཡུམ་གྱི་ལྷུམས་
D301.072.0006b04.01སུ་ཞུགས་སོ། །གང་གི་ཚེ་བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ནས་ཤི་འཕོས་ཏེ་ཡུམ་གྱི་ལྷུམས་སུ་ཞུགས་པ་དེའི་ཚེ་ས་ཆེན་པོ་འདི་ཤིན་ཏུ་གཡོས་པར་གྱུར་འཇིག་རྟེན་འདི་ཐམས་ཅད་སྣང་བ་རྒྱ་ཆེན་པོས་གསལ་བར་གྱུར་ཅིང་འཇིག་རྟེན་ན་འཇིག་རྟེན་གྱི་བར་གྱི་མུན་པ་མུན་གནག་
D301.072.0006b05.01སྨག་ཏུ་གྱུར་པ། གང་དུ་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བདག་གིས་ཀྱང་འོད་ཀྱིས་སྣང་བར་མི་ནུས་པ་དེ་དག་ཀྱང་དེའི་ཚེ་སྣང་བ་ཆེན་པོས་གསལ་བར་གྱུར་ཏོ། །དེར་སེམས་ཅན་གང་དག་སྐྱེས་པ་དེ་དག་རང་གི་ལག་པ་བརྐྱང་བ་མི་མཐོང་བ་ལས། དེ་རྣམས་སྣང་བ་
D301.072.0006b06.01དེས་གཅིག་གིས་གཅིག་མཐོང་ནས་ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་བྱ་བར་ཤེས་སོ། །ཇི་ལྟར་སྤྲིན་ནི་རྒྱ་ཆེན་ལེགས་འདུས་པ། །ཆུ་མང་བསགས་པ་རླུང་གིས་བསྐྱོད་པ་ལྟར། །དེ་བཞིན་བློ་ལྡན་དེ་ནི་
D301.072.0006b07.01