完整藏文原文 · 德格版页 当前仅加载第 72 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་རྒྱལ་པོ་ཆེན་པོ་བཞི་ལས་ལྷུང་བཟེད་བཞི་བཞེས་ལ་ལྷུང་བཟེད་གཅིག་ཏུ་བྱིན་གྱིས་བརླབ་པར་བྱའོ་སྙམ་ནས་དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལས་ལྷུང་བཟེད་བཞི་བཞེས་ཏེ། ལྷུང་བཟེད་གཅིག་ཏུ་བྱིན་གྱིས་བརླབས་སོ། །དེ་ནས་བཅོམ་ལྡན་འདས་ཀྱིས་ཚོང་
D301.072.0054a01.01པ་ག་གོན་དང་། བཟང་པོ་ལས་སྲོག་ཆགས་རྣམས་ལ་ཕན་པའི་ཕྱིར་བསོད་སྙོམས་བཞེས་སོ། །དེ་ནས་བཅོམ་ལྡན་འདས་ཀྱིས་ཚོང་པ་ག་གོན་དང་། བཟང་པོ་ལ་འདི་སྐད་ཅེས་བཀའ་སྩལ་ཏོ། །ཚོང་པ་དག་ཁྱེད་ཚུར་སངས་རྒྱས་ལ་སྐྱབས་སུ་དེང་ཤིག་ཆོས་ལ་སྐྱབས་སུ་དེང་
D301.072.0054a02.01ཤིག །མ་འོངས་པའི་དུས་ན་འབྱུང་བར་འགྱུར་བའི་དགེ་འདུན་ཞེས་བྱ་བ་གང་ཡིན་པ་དེ་ལ་ཡང་སྐྱབས་སུ་དེང་ཤིག །བཙུན་པ་བདག་ཅག་སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །མ་འོངས་པའི་དུས་ན་འབྱུང་བར་འགྱུར་བའི་དགེ་འདུན་གང་ལགས་པ་དེ་
D301.072.0054a03.01ལ་ཡང་སྐྱབས་སུ་མཆིའོ། །དེ་ནས་བཅོམ་ལྡན་འདས་ཀྱིས་ཚོང་པ་ག་གོན་དང་། བཟང་པོའི་སྦྱིན་པ་དེ་ལ་རྗེས་སུ་ཡི་རང་བ་མཛད་དེ། གང་གི་དོན་དུ་སྦྱིན་པ་བཏང་། །དེ་ཡི་དོན་དུ་འགྱུར་བ་སྟེ། །བདེ་བའི་དོན་དུ་སྦྱིན་བཏང་ན། །དེ་ནི་བདེ་བར་འགྱུར་བ་ཡིན། །བསོད་ནམས་རྣམ་
D301.072.0054a04.01སྨིན་བདེ་བ་དང་། །བསམ་པ་ཡང་ནི་འགྲུབ་པར་འགྱུར། །མྱུར་དུ་ཞི་བ་དམ་པ་ཡི། །མྱ་ངན་འདས་པ་རྟོགས་པར་འགྱུར། །ཕ་རོལ་ལས་བྱུང་གནོད་པ་ནི། །ལྷ་དང་བདུད་ཀྱི་རིས་དག་གིས། །བསོད་ནམས་ཁོ་ན་བྱེད་པ་ན། །བར་ཆད་བྱ་བར་མི་ནུས་སོ། །གལ་ཏེ་འཕགས་པའི་
D301.072.0054a05.01ཤེས་རབ་ཕྱིར། །གཏོང་ལྡན་དེ་ནི་འབད་བྱེད་ན། །སྡུག་བསྔལ་ཐ་མར་བྱེད་པ་དག །རྣམ་པར་མཐོང་ཞེས་རེག་པར་འགྱུར། །དེ་ནས་ཚོང་པ་ག་གོན་དང་། བཟང་པོ་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་སྟེ་རྗེས་སུ་ཡི་རངས་ནས་བཅོམ་ལྡན་འདས་ཀྱི་ཞབས་གཉིས་
D301.072.0054a06.01ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་དོང་ངོ་། །དེ་ནས་བཅོམ་ལྡན་འདས་ཀྱིས་ཚོང་པ་ག་གོན་དང་། བཟང་པོ་ལས་བསོད་སྙོམས་བཞེས་ནས་ཆུ་ཀླུང་ནཻ་རཉྫ་ནཱ་གང་ན་བ་དེར་གཤེགས་ཏེ་བྱོན་ནས་ཆུ་ཀླུང་ནཻ་རཉྫ་ནཱའི་འགྲམ་དུ་བཞུགས་ཏེ་ཞལ་ཟས་ཀྱི་བྱ་བ་མཛད་
D301.072.0054a07.01