完整藏文原文 · 德格版页 当前仅加载第 72 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་སྔོན་གྱི་རིགས་རྒྱུད་གང་ཡིན་པ་ཡང་མི་ཤེས་ན་ཇི་སྐད་དུ་ལུང་བསྟན། ཚུར་བདག་ཅག་བཅོམ་ལྡན་འདས་གང་ན་བ་དེར་དོང་ལ་ལྷགས་པ་དང་། བཅོམ་ལྡན་འདས་ལ་དོན་འདི་ཉིད་ཞུས་ཏེ། བཅོམ་ལྡན་འདས་ཀྱིས་བདག་ཅག་ལ་ཇི་སྐད་དུ་ལུང་བསྟན་པ་དེ་བཞིན་དུ་གཟུང་བར་
D301.072.0107a01.01བགྱིའོ་སྙམ་ནས་དེའི་སླད་དུ་བཅོམ་ལྡན་འདས་ལ་བདག་ཅག་དོན་འདི་ཉིད་ཞུ་ལགས་ན། བཅོམ་ལྡན་འདས་ཤཱཀྱ་རྣམས་ནི་གང་ལས་སྐྱེས་ལགས། ཐོག་མ་ནི་གང་ལགས། རྒྱུ་ནི་ཅི་ཞིག་ལག་ལགས། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ལགས། དེ་ནས་བཅོམ་ལྡན་འདས་
D301.072.0107a02.01འདི་སྙམ་དུ་དགོངས་ཏེ། གལ་ཏེ་ངས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ནས་ཆོས་ཀྱི་གཏམ་གླེངས་ན། མུ་སྟེགས་ཅན་དང་། ཀུན་ཏུ་རྒྱུ་གཞན་དག་འདི་སྐད་ཅེས་དགེ་སློང་གཽ་ཏ་མ་ནི་ཅི་འདོད་པ་དེ་ལུང་སྟོན་པས་བདག་ཉིད་སྟོད་པར་བྱེད་དོ་ཞེས་སྨྲ་བ་གང་ཡིན་པའི་གནས་
D301.072.0107a03.01འདི་ཡོད་པས་ངའི་ཉན་ཐོས་ལས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ནས་ཆོས་ཀྱི་གཏམ་གླེངས་པར་ནུས་པ་སུ་ཡོད་སྙམ་མོ། །དེའི་ཚེ་ཚེ་དང་ལྡན་པ་མཽད་གལ་གྱི་བུ་ཆེན་པོ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་
D301.072.0107a04.01གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ང་རོ་རྒྱབ་བསྙུང་བས་རེ་ཞིག་དེ་བས་ལ་གྱིས་ཁྱོད་ཀྱིས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ནས་དགེ་སློང་རྣམས་ལ་ཆོས་ཀྱི་གཏམ་བྱ་བར་སྤོབས་པར་གྱིས་ཤིག །ཚེ་དང་ལྡན་པ་མཽད་གལ་གྱི་བུ་ཆེན་པོས་བཅོམ་ལྡན་འདས་ལ་ཅང་མི་
D301.072.0107a05.01སྨྲ་བས་ཁས་བླངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོས་ཅང་མི་སྨྲ་བས་ཁས་བླངས་པར་ཐུགས་སུ་ཆུད་ནས་སྣམ་སྦྱར་བལྟབ་སྟེ་སྔས་སུ་བཅུག་ནས། གློ་གཡས་པས་ཕབ་སྟེ། ཞབས་ཀྱི་སྟེང་དུ་ཞབས་བཞག་ནས་སྣང་བའི་འདུ་ཤེས་དང་། དྲན་
D301.072.0107a06.01པ་དང་། ཤེས་བཞིན་དང་ལྡན་པའི་འདུ་ཤེས་ཁོ་ན་ཡིད་ལ་མཛད་པས་མནལ་ཏོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་འདི་སྙམ་དུ་སེམས་ཏེ། མ་ལ་བདག་གིས་སེམས་ཇི་ལྟར་མཉམ་པར་བཞག་ན་ཤཱཀྱ་རྣམས་གང་ལས་སྐྱེས་པ་དང་། ཐོག་མ་གང་ཡིན་པ་དང་།
D301.072.0107a07.01