完整藏文原文 · 德格版页 当前仅加载第 72 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
མ་བདག་གིས་འཇིག་རྟེན་ལོང་བ་འདྲེན་པ་མེད་པ། ཡོངས་སུ་འདྲེན་པ་མེད་པ། ཆོས་མ་ཡིན་པ། འདོད་ཆགས་ཀྱི་དབང་དུ་འགྲོ་བ། ལོག་པའི་ཆོས་ཀྱིས་ཡོངས་སུ་ཁྱབ་པ། སེམས་ལ་མི་བཟད་པའི་ཆགས་པས་ཟིལ་གྱིས་ནོན་པ། ཁྲོ་བ་མང་བ། ལྟ་བ་ངན་པའི་
D301.072.0003a01.01ཚང་ཚིང་གིས་རྣམ་པར་བརླག་པ། ཕྲག་དོག་དང་སེར་སྣས་ཀུན་ཏུ་བཅིངས་པ། ལེགས་པར་སྤྱོད་པ་ལ་འཇུག་པ་ལ་རྒྱབ་ཀྱིས་ཕྱོགས་ཤིང་ཉེས་པར་སྤྱོད་པ་ལ་ཀུན་ཏུ་གཞོལ་བར་གྱུར་པ་རྣམས་ལ་བདག་སངས་རྒྱས་སུ་གྱུར་ནས་སེམས་ཅན་མ་རྒལ་བ་རྣམས་ནི་བསྒྲལ་བར་བྱའོ། །མ་གྲོལ་
D301.072.0003a02.01བ་རྣམས་ནི་དགྲོལ་བར་བྱའོ། །དབུགས་མ་ཕྱིན་པ་རྣམས་ནི་དབུགས་དབྱུང་བར་བྱའོ། །ཡོངས་སུ་མྱ་ངན་ལས་མ་འདས་པ་རྣམས་ནི་ཡོངས་སུ་མྱ་ངན་ལས་བཟླ་བར་བྱའོ་ཞེས་ངས་ཡུན་རིང་དུ་མངོན་པར་འདོད་པ་ཡིན་ནད་ནི་དོན་དེ་བྱ་བའི་དུས་ལ་བབ་པ་ཡིན་གྱིས། མ་ལ་བདག་གིས་
D301.072.0003a03.01འཇིག་རྟེན་གྱི་གནས་སྐབས་ཅི་ཞིག་ཡིན་པ་བལྟས་ན་གདུལ་བར་ནུས་སོ། །གདུལ་བར་ནུས་སོ་ཞེས་དེ་ལྟར་རྣམ་པར་དགོངས་ནས་འཇིག་རྟེན་འདི་དག་ཐམས་ཅད་ལ་གཟིགས་པ་འཇུག་སྟེ། སུ་ནི་འགྲིབ། སུ་ནི་དགེ་བའི་ཆོས་རྣམས་ཀྱིས་འཕེལ། སུ་ནི་གནོད་པར་གྱུར། སུ་ནི་
D301.072.0003a04.01ཉམ་ཐག་པར་གྱུར། སུ་ནི་སྡུག་བསྔལ་བར་གྱུར། གང་ལ་ནི་ངས་མ་འཇིགས་ཤིག །མ་འཇིགས་ཤིག་ཅེས་མི་འཇིགས་པ་སྦྱིན་པས་དབུགས་དབྱུང་བར་བྱ། སུ་ནི་ངན་སོང་ལ་གཞོལ། སུ་ནི་ངན་སོང་ལ་འབབ། སུ་ནི་ངན་སོང་ལ་བབ། སུ་ནི་ངས་ངན་སོང་ལས་བཏོན་ཏེ།
D301.072.0003a05.01མཐོ་རིས་དང་ཐར་པའི་འབྲས་བུ་ལ་གཞག་པར་བྱ། སུ་ནི་འདོད་པའི་འདམ་དུ་བྱིང་བ་ལ་ལག་ནས་དྲང་བར་བྱ། སུ་ནི་འཕགས་པའི་ནོར་དང་བྲལ་བ་རྣམས་ལ་འཕགས་པའི་ནོར་གྱི་དབང་ཕྱུག་གི་བདག་པོ་ལ་གཞག་པར་བྱ། གང་གི་དགེ་བའི་རྩ་བ་མ་བསྐྱེད་པ་དག་ནི་བསྐྱེད་པར་བྱ། གང་གི་དགེ་
D301.072.0003a06.01བའི་རྩ་བ་བསྐྱེད་པ་དག་ནི་ཡོངས་སུ་སྨིན་པར་བྱ། གང་གི་ཡོངས་སུ་སྨིན་པ་རྣམས་ནི་རྣམ་པར་གྲོལ་བར་བྱ་ཞེས་ཡེ་ཤེས་ཀྱི་གཟིགས་པ་འཇུག་པར་མཛད་པ་ན་སྲོག་ཆགས་བརྒྱ་སྟོང་དཔག་ཏུ་མེད་པ་ལ་ལ་ནི་དགེ་བའི་རྩ་བ་མ་བསྐྱེད་པར་བསྐྱེད་པར་འོས་པ་དང་། ལ་ལ་དགེ་བའི་རྩ་བ་མ་སྨིན་པ་
D301.072.0003a07.01