完整藏文原文 · 德格版页 当前仅加载第 72 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
བཅུར་འབྲོས་པར་འགྱུར་བ་དེ་ལྟ་བུའི་རླུང་དང་ཆར་དྲག་པོ་ཞིག་སྤྲུལ་ནས་དེ་རྣམས་བྲོས་པ་དང་། བདག་ཉིད་མ་མ་རྒན་མོའི་ཆ་བྱད་དུ་མངོན་པར་སྤྲུལ་ནས་བཙུན་མོ་སྒྱུ་འཕྲུལ་ཆེན་མོའི་མདུན་དུ་འདུག་གོ། །ཆོས་ཉིད་ཀྱིས་བྱང་ཆུབ་སེམས་དཔའ་ནི་མཁྱེན་བཞིན་དུ་ཡུམ་གྱི་ལྷུམས་
D301.072.0009b01.01སུ་འཇུག་པ་དང་། མཁྱེན་བཞིན་དུ་གནས་པ་དང་། མཁྱེན་བཞིན་དུ་འབྱུང་བ་ཡིན་ནོ། །དེ་ནས་བྱང་ཆུབ་སེམས་དཔའ་དེ་འདི་སྙམ་དུ་དགོངས་ཏེ་གང་བདག་སྐྱེས་བུ་ཐ་མལ་པ་བཞིན་དུ་མངལ་གྱི་སྒོ་ནས་འབྱུང་བ་ནི་ཚུལ་དང་འཐུན་པ་མ་ཡིན་གྱིས་མ་ལ་བདག་གིས་ཡུམ་གྱི་
D301.072.0009b02.01དཀུ་གཡས་པ་བརྟོལ་ལ་འབྱུང་བར་བྱའོ་ཞེས་དེ་ནས་བྱང་ཆུབ་སེམས་དཔའ་ཡུམ་གྱི་དཀུ་གཡས་པ་བརྟོལ་ཏེ་བྱུང་བ་དང་། ལྷའི་དབང་པོ་བརྒྱ་བྱིན་གྱིས་ལག་པ་གཉིས་ཀྱིས་བླངས་པ་དང་། བྱང་ཆུབ་སེམས་དཔའ་འདི་སྙམ་དུ་དགོངས་ཏེ་བརྒྱ་བྱིན་འདི་བདག་གིས་བྱང་ཆུབ་སེམས་
D301.072.0009b03.01དཔའ་འདི་བླངས་སོ་ཞེས་དྲེགས་པ་སྐྱེ་བར་འགྱུར་བར་མཁྱེན་ནས་ངོ་བོ་ཉིད་ཀྱི་རྡོ་རྗེའི་སྙིང་པོ་ཅན་གྱི་སྐུར་བྱིན་གྱིས་བརླབས་ཏེ་ལྷུམས་སུ་ནི་ཡུམ་འཛིན་པས་ཉོན་མོངས་པར་མ་གྱུར་ཅིག་སྙམ་དུ་དགོངས་ནས་ཡང་བར་མཛད་དེ་བཞུགས་པ་ཡིན་ནོ། །དེ་ནས་ལྷའི་དབང་པོ་བརྒྱ་བྱིན་
D301.072.0009b04.01གྱིས་འཛིན་པར་མ་ནུས་པ་དང་འདར་བར་གྱུར་ཏོ། །བྱང་ཆུབ་སེམས་དཔས་བཀའ་སྩལ་པ། ཀཽ་ཤི་ཀ་ཐོང་ཐོང་། དེ་སྐད་ཅེས་བཀའ་སྩལ་པ་དང་། ལྷའི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའ་ས་ལ་བཞག་གོ། །བཞག་པ་ཙམ་གྱི་མོད་ལ་སུས་ཀྱང་མ་
D301.072.0009b05.01བཟུང་བར་ཕྱོགས་བཞིར་གཟིགས་ནས་གོམ་པ་བདུན་བདུན་བོར་ཞིང་ཚིག་ཏུ་ཡང་གསུང་བ། ཀཽ་ཤི་ཀ་ཕྱོགས་འདི་གང་ཡིན། བྱང་ཆུབ་སེམས་དཔའ་ཤར་ཕྱོགས་ལགས་སོ། །བྱང་ཆུབ་སེམས་དཔས་བཀའ་སྩལ་པ། ཀཽ་ཤི་ཀ་སེམས་ཅན་ཐམས་ཅད་ཀྱི་སྔོན་དུ་འགྲོ་
D301.072.0009b06.01བར་བྱའོ། །ཕྱོགས་འདི་གང་ཡིན། ལྷོ་ཕྱོགས་ལགས་སོ། །འགྲོ་བ་ཐམས་ཅད་ཀྱི་ཡོན་གནས་སུ་གྱུར་པར་བྱའོ། །ཕྱོགས་འདི་གང་ཡིན། བྱང་ཕྱོགས་ལགས་སོ། །སྲིད་པའི་རྒྱ་མཚོ་ལས་བརྒལ་བར་བྱའོ། །ཕྱོགས་འདི་གང་ཡིན། ནུབ་ཕྱོགས་ལགས་སོ། །
D301.072.0009b07.01