完整藏文原文 · 德格版页 当前仅加载第 72 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མཛད་དེ། དེ་ཐོས་པས་ཟས་དཀར་ལ་སོགས་པ་ཤཱཀྱ་བདུན་ཁྲི་བདུན་སྟོང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ་རྒྱལ་པོ་ཟས་གཙང་ནི་མ་གཏོགས་སོ། །ལྷ་སྦྱིན་ང་རྒྱལ་ལས་ང་རྒྱལ་ཅན་སྡིག་པ་འདོད་པ་དེས་བདེན་པ་མཐོང་བར་མ་བྱས་པས་ཁྲོ་བས་ཀུན་
D301.072.0097b01.01ནས་དཀྲིས་པ་དང་བཅས་པས་སྨྲས་པ། གལ་ཏེ་བདག་གིས་འདི་འདྲ་བའི་སྒྱུ་མས་དབང་དུ་བྱེད་པ་ཤེས་ན། བདག་གིས་ཀྱང་འཇིག་རྟེན་ཐམས་ཅད་དབང་དུ་བྱ་བ་ཞིག །དེ་ལ་ཤཱཀྱ་རྣམས་ཀྱིས་གཤེ་བའི་ཚིག་གིས་སྨྲས་པ། ལྷ་སྦྱིན་བཅོམ་ལྡན་འདས་ནི་རྫུ་འཕྲུལ་
D301.072.0097b02.01ཆེ་བ་ཡིན་གྱིས་དེ་སྐད་མ་སྨྲ་ཤིག་ཅེས་བཟློག་ནས་ཅང་མི་སྨྲ་བར་འདུག་གོ། །ཚངས་པས་བསྐོར་བའི་སྐྱེད་མོས་ཚལ་དུ་འདི་ལྟ་བུའི་ཆོས་བཤད་པ་མཛད་དེ། དེ་ཐོས་པས་རྒྱལ་པོ་ཟས་གཙང་མ་གཏོགས་པར་བྲེ་བོ་ཟས་ལ་སོགས་པ་ཤཱཀྱ་དྲུག་ཁྲི་དྲུག་སྟོང་གིས་རྒྱུན་དུ་ཞུགས་
D301.072.0097b03.01པའི་འབྲས་བུ་མངོན་སུམ་དུ་བྱས་པ་ན་ཡང་ལྷ་སྦྱིན་དེ་ཁོ་ན་བཞིན་དུ་ཟེར་རོ། །རོ་ཧི་ཏ་ཀའི་སྐྱེད་མོས་ཚལ་དུ་འདི་ལྟ་བུའི་ཆོས་བཤད་པ་མཛད་དེ། དེ་ཐོས་པས་རྒྱལ་པོ་ཟས་གཙང་མ་གཏོགས་པར་བདུད་རྩི་ཟས་ལ་སོགས་པ་ཤཱཀྱ་བདུན་ཁྲི་ལྔ་སྟོང་གིས་རྒྱུན་དུ་ཞུགས་པའི་
D301.072.0097b04.01འབྲས་བུ་མངོན་སུམ་དུ་བྱས་པ་ན་ཡང་ལྷ་སྦྱིན་དེ་ཁོ་ན་བཞིན་དུ་ཟེར་རོ། །འཁོར་ལྷག་མ་རྣམས་ལས་ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ་ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ།
D301.072.0097b05.01ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ། ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པར་གྱུར། ཁ་ཅིག་གིས་ནི་སངས་རྒྱས་
D301.072.0097b06.01ལ་སྐྱབས་སུ་སོང་། ཁ་ཅིག་གིས་ནི་ཆོས་ལ། ཁ་ཅིག་གིས་ནི་དགེ་འདུན་ལ་སྟེ་འཁོར་དེ་དག་ཕལ་ཆེར་ཡང་སངས་རྒྱས་ལ་གཞོལ། ཆོས་ལ་འབབ། དགེ་འདུན་ལ་བབ་པར་བཀོད་དོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། སྔོན་ནི་བཅོམ་ལྡན་འདས་ལྷ་
D301.072.0097b07.01