完整藏文原文 · 德格版页 当前仅加载第 72 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
དཔས་སྨྲས་པ། འདི་ནི་ངས་ཤེས་སོ། །དེ་ནས་དེས་ཡི་གེ་གཉིས་དང་གསུམ་ནས་དེ་བཞིན་དུ་ལྔ་བརྒྱའི་བར་བྲིས་ནས་ཕོག་པ་དང་། བྱང་ཆུབ་སེམས་དཔས་སྨྲས་པ། འདི་དག་ཐམས་ཅད་ཀྱང་ངས་ཤེས་ཀྱིས་གཞན་དག་སྨྲོས་ཤིག །སྲིན་བུ་གོ་ཆས་
D301.072.0018a01.01སྨྲས་པ། འཇིག་རྟེན་ན་ནི་ཡི་གེ་འདི་ཙམ་སྤྱོད་ཀྱི་གཞན་ནི་བདག་གིས་མ་འཚལ་ཏོ། །དེ་ནས་བྱང་ཆུབ་སེམས་དཔའ་ཉིད་ཀྱིས་ཡི་གེ་བྲིས་ཏེ་སྲིན་བུ་གོ་ཆ་ལ་བྱིན་ནས་གསུངས་པ། ཡི་གེ་འདི་མིང་ཅི་ཡིན་སྨྲོས་ཤིག །དེས་སྨྲས་པ་མ་འཚལ་ཏོ། །བྱང་ཆུབ་སེམས་དཔས་
D301.072.0018a02.01གསུངས་པ། འཇིག་རྟེན་དུ་གཉིས་ཤིག་བྱུང་ནས་མངོན་པར་འགྱུར་ཏེ་བྱང་ཆུབ་སེམས་དཔའ་དང་འཁོར་ལོས་སྒྱུར་བའོ། །ནམ་མཁའི་ངོས་ལ་གནས་པའི་ཚངས་པས་སྨྲས་པ། སྲིན་བུ་གོ་ཆ་བྱང་ཆུབ་སེམས་དཔས་ཇི་སྐད་གསུངས་པ་དེ་དེ་བཞིན་ཏེ། ཡི་གེ་འདི་ནི་
D301.072.0018a03.01འཇིག་རྟེན་དུ་གཉིས་ཤིག་བྱུང་ན་མངོན་པར་འགྱུར་ཏེ་བྱང་ཆུབ་སེམས་དཔའ་འམ། འཁོར་ལོས་སྒྱུར་བའི་རྒྱལ་པོའོ། །བྱང་ཆུབ་སེམས་དཔས་ཡི་གེ་དེ་ཚངས་པའི་དབྱངས་ཀྱིས་བཀླགས་ལ་ནམ་མཁའི་ངོས་ལ་གནས་པའི་ཚངས་པས་དབང་བྱས་པས་ཚངས་པའི་ཡི་གེ་ཞེས་བྱ་
D301.072.0018a04.01བར་གྱུར་ཏོ། །དེ་ནས་བྱང་ཆུབ་སེམས་དཔའ་ཡི་གེའི་མཐར་ཕྱིན་པ་དང་འཁོར་ལྔ་བརྒྱ་དང་བཅས་པར་བཟང་ལེན་དང་། ལྷར་བཅས་ཞེས་བྱ་བ་འཕོང་གི་སློབ་དཔོན་གྱི་གན་དུ་འཕོང་གི་གནས་སུ་གཏད་དོ། །དེ་ནས་བྱང་ཆུབ་སེམས་དཔའ་གནས་ལྔ་པོ་རྒྱང་ནས་ཕོག་པ་དང་། སྒྲ་
D301.072.0018a05.01གྲག་པར་ཕོག་པ་དང་། གནད་དུ་ཕོག་པ་དང་། མི་འཆོར་བར་ཕོག་པ་དང་། ཚབས་ཆེ་བ་ལ་བྱང་བར་གྱུར་ཏོ། །དེ་ནས་བཟང་ལེན་དང་། ལྷར་བཅས་འདི་སྙམ་དུ་སེམས་ཏེ་བྱང་ཆུབ་སེམས་དཔའ་འདི་ནི་སྙིང་རྗེ་ཅན་ཡིན་པས་བསླབ་པར་བྱ་བ་ཐམས་ཅད་བསླབ་ཀྱི་ལྷ་སྦྱིན་འདི་ནི་གདུག་
D301.072.0018a06.01པ་ཡིན་པས་འཇིག་རྟེན་ཐམས་ཅད་དུ་གནོད་པར་འགྱུར་ན་མི་རུང་གིས་འདི་ལ་གནད་དུ་བསྣུན་པར་བསླབ་པར་མི་བྱའོ་སྙམ་མོ། །དེ་ནས་དུས་གཞན་ཞིག་ན་ལྷ་སྦྱིན་གྱིས་ངང་པ་ལྕགས་མདས་བསྣུན་པ་དང་། བྱང་ཆུབ་སེམས་དཔའ་སྟེང་གི་ཁང་{བཟངས་ཀྱི་,བཟང་གི་}གཞི་ལ་བཞུགས་པ་དེའི་པང་
D301.072.0018a07.01