完整藏文原文 · 德格版页 当前仅加载第 72 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དེ་ལྷུ་ང་ངོ་། །དེ་ནས་བྱང་ཆུབ་སེམས་དཔས་བཟུང་ནས་མདའ་ཕྱུང་སྟེ་སྨན་གྱིས་བྱུགས་པས་སོས་སོ། །ལྷ་སྦྱིན་གྱིས་སྨྲས་པ། བྱང་ཆུབ་སེམས་དཔའ་ངང་པ་འདི་ནི་ངས་ཡོངས་སུ་བཟུང་བ་ཡིན་གྱིས་བསྐུར་ཅིག །བྱང་ཆུབ་སེམས་དཔས་སྨྲས་པ། ངས་ཆེས་སྔར་
D301.072.0018b01.01ཡོངས་སུ་བཟུང་སྟེ་གང་གི་ཚེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་ཁོ་ནའི་ཚེ་ཡོངས་སུ་བཟུང་ངོ་། །དེར་བྱང་ཆུབ་སེམས་དཔའ་ལ་ལྷ་སྦྱིན་གནོད་སེམས་དང་། བཟོད་པ་མ་ཡིན་པ་དང་། ཕེབས་པ་མ་ཡིན་པ་བྱུང་བར་གྱུར་ཏོ། །དེ་ནས་ལྷ་སྦྱིན་ལ་
D301.072.0018b02.01སོགས་པ་ཤཱཀྱའི་གཞོན་ནུ་ལྔ་བརྒྱ་བྱུང་བ་དང་། ལྷ་སྦྱིན་གྱིས་རས་ཀྱིས་བཅིངས་ནས་ཤཱཀྱའི་གཞོན་ནུ་ལྔ་བརྒྱ་བསྒྱེལ་ཏོ། །ཅི་ཙམ་ན་བྱང་ཆུབ་སེམས་དཔའ་ཕྱོགས་དེར་བཞུད་པ་དང་། ལྷ་སྦྱིན་གྱིས་སྨྲས་པ། བྱང་ཆུབ་སེམས་དཔའ་ཅི་ལ་སྡོད། བྱང་ཆུབ་སེམས་དཔས་ཀྱང་
D301.072.0018b03.01རས་བཅིངས་ཏེ་ཤཱཀྱའི་གཞོན་ནུ་ལྔ་བརྒྱ་བསྒྱེལ་ཏོ། །དེ་ནས་ལྷ་སྦྱིན་རས་ཀྱིས་བཅིངས་པ་དང་། བྱང་ཆུབ་སེམས་དཔས་ཀྱང་བཟུང་སྟེ་རྐང་པ་གྱེན་དུ་བསྟན་ནས་གན་རྒྱལ་དུ་བསྒྱེལ་པ་དང་། དེར་ཡང་བྱང་ཆུབ་སེམས་དཔའ་ལ་ལྷ་སྦྱིན་གནོད་སེམས་དང་། མི་བཟོད་པ་དང་།
D301.072.0018b04.01བག་མི་ཕེབས་པའི་སེམས་གཉིས་པ་བསྐྱེད་པར་གྱུར་ཏོ། །དེ་ནས་ཤཱཀྱ་གཞོན་ནུ་ལྔ་བརྒྱ་མདའ་གཞུ་ཐོགས་ཏེ་ཕྱི་རོལ་དུ་བྱུང་ནས་ཏ་ལ་ལ་ཚབས་བྱེད་པ་ལ་ཞུགས་པ་དང་། ལ་ལས་ནི་ཏ་ལ་གཅིག་ཕིགས་སོ། །ལ་ལས་ནི་གཉིས་སོ། །ལྷ་སྦྱིན་གྱིས་ནི་གསུམ་མོ། །བྱང་ཆུབ་
D301.072.0018b05.01སེམས་དཔས་ལྕགས་མདའ་འཕངས་པ་དང་ཤིང་ཏ་ལ་བདུན་ཕིགས་པ་ལས་ཇི་སྲིད་རླུང་གིས་བསྐྱོད་དེ་ཐམས་ཅད་འགྱེལ་བའི་བར་དུ་རྒྱ་ཆེར་སྦྱར་རོ། །དེ་ནས་གཙང་མའི་ལྷ་རྣམས་ཀྱིས་འབབ་ཆུ་རོ་ཧི་ཏ་ཀའི་འགྲམ་ན་ཤིང་དགེ་བའི་སྙིང་པོ་ཞེས་བྱ་བ་ཉི་མ་གཅིག་ཅིང་ཁྲུ་བརྒྱར་སྐྱེ་བ་མཚན་
D301.072.0018b06.01མོ་ནི་སེན་མོས་ཀྱང་གཅད་དུ་རུང་ལ་ཉིན་པར་ནི་མཚོན་གྱིས་ཀྱང་གཅད་པར་མི་ནུས་པ་ཞིག་ཡོད་པ་དང་། གནས་གཙང་མ་པའི་ལྷ་རྣམས་ཀྱིས་གང་གིས་ཤིང་དགེ་བའི་སྙིང་པོ་རྩ་བ་སྟེང་དུ་བཏོན་ནས་རོ་ཧི་ཏ་ཀའི་ནང་དུ་བཅུག་པ་དེ་ལྟ་བུའི་རླུང་དང་ཆར་དྲག་ཅིག་སྤྲུལ་ཏོ། །དེ་རྒྱལ་པོ་ཟས་གཙང་མ་དང་།
D301.072.0018b07.01