完整藏文原文 · 德格版页 当前仅加载第 72 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་གཏམ་ནི་དོན་དང་ལྡན་ཆོས་དང་ལྡན་པ་ནས་ཚངས་པར་སྤྱོད་པའི་བར་དང་ལྡན་པ་ཡིན་ཏེ། དགེ་སློང་དག་རིགས་ཀྱི་བུ་དད་པས་རབ་ཏུ་བྱུང་བས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་པའི་ཆོས་ཀྱི་གཏམ་གཟུང་ཞིང་བཀླག་པའི་རིགས་སོ། །
D301.072.0123a01.01དེ་ནས་སེར་སྐྱའི་གཞིའི་ཤཱཀྱ་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རངས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་དོང་ངོ་། །དེའི་ཚེ་གྲོང་ཁྱེར་སེར་སྐྱའི་གཞི་ན་རྒྱལ་པོ་སེང་
D301.072.0123a02.01གེ་འགྲམ་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་གང་བ། འཐབ་པ་དང་། ཐབ་མོ་དང་། རྩོད་པ་དང་། འགྱེད་པ་དང་། ཆོམ་རྐུན་མེད་ཅིང་ནད་རབ་ཏུ་ཞི་བར་གྱུར་པ། འབྲས་དང་། བུ་
D301.072.0123a03.01རམ་ཤིང་གི་ཕྲེང་དང་། བ་ལང་དང་། མ་ཧེ་ཕུན་སུམ་ཚོགས་པ་ན་བུ་གཅིག་པ་ལ་སྡུག་པ་བཞིན་དུ་རྒྱལ་སྲིད་སྐྱོང་བར་བྱེད་དོ། །གྲོང་ཁྱེར་ལྷས་བསྟན་དུ་རྒྱལ་པོ་ལེགས་པར་རབ་སད་ཅེས་བྱ་བ་རྒྱལ་སྲིད་བྱེད་དུ་འཇུག་སྟེ། འབྱོར་པ་དང་། རྒྱས་པ་དང་། བདེ་བ་དང་། ལོ་
D301.072.0123a04.01ལེགས་པ་དང་། སྐྱེ་བོ་དང་མི་མང་པོས་གང་བ། འཐབ་པ་དང་། ཐབ་མོ་དང་། རྩོད་པ་དང་། འགྱེད་པ་དང་། ཆོམ་རྐུན་མེད་ཅིང་ནད་རབ་ཏུ་ཞི་བར་གྱུར་པ། འབྲས་དང་། བུ་རམ་ཤིང་གི་ཕྲེང་བ་དང་། བ་ལང་དང་། མ་ཧེ་ཕུན་སུམ་ཚོགས་པ་ན། བུ་གཅིག་པ་ལ་
D301.072.0123a05.01སྡུག་པ་བཞིན་དུ་རྒྱལ་སྲིད་སྐྱོང་བར་བྱེད་དོ། །རྒྱལ་པོ་ལེགས་པར་རབ་སད་ཀྱི་བཙུན་མོ་དམ་པ་གཟུགས་བཟང་བ། བལྟ་ན་སྡུག་པ། མཛེས་པ། ཡུལ་གྱི་བཟང་མོ་ལུམ་བི་ནཱི་ཞེས་བྱ་བ་ཡོད་དོ། །ལྷས་བསྟན་ན་ཁྱིམ་བདག་ཕྱུག་ཅིང་ནོར་མང་ལ་ལོངས་སྤྱོད་ཆེ་བ་ཡོངས་
D301.072.0123a06.01སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་པ་དེའི་ཀུན་དགའ་ར་བ་མེ་ཏོག་ཕུན་སུམ་ཚོགས་པ་དང་། འབྲས་བུ་ཕུན་སུམ་ཚོགས་པ་དང་། ཆུ་ཕུན་སུམ་ཚོགས་པ་དང་། བྱ་སྣ་ཚོགས་སྐད་
D301.072.0123a07.01