完整藏文原文 · 德格版页 当前仅加载第 72 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའི་ཞབས་གཉིས་ལ་གཏུགས་ནས་གུས་པ་དང་བཅས་པས་ཕུལ་ལོ། །བྱང་ཆུབ་སེམས་དཔའ་རྩྭ་འཚོང་བཀྲ་ཤིས་ལས་རྩྭ་བཞེས་ཏེ་ལྷ་དང་མི་རྣམས་ཀྱི་ཡིད་སྡུད་པར་བྱེད་པའི་སྤྱོད་ལམ་གྱིས་འགྲོ་
D301.072.0045a01.01བ་རྣམས་དད་པར་མཛད་ཅིང་ལྷ་རྣམས་ཀྱིས་བསྟན་པའི་ལམ་ནས་བྱང་ཆུབ་ཀྱི་སྙིང་པོ་གང་ན་བ་དེར་གཤེགས་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་འཁོར་ལོའི་ལྟེ་བ་ལྟ་བུའི་རྡོ་རྗེའི་གདན་ལ་བརྟེན་ཞིང་ངེས་པས་ཉིད་ཀྱིས་རྩྭ་རྣམས་མ་འཁྲུགས་པ་དང་།
D301.072.0045a02.01སྟུག་སྲབ་མེད་པར་བཀྲམ་ནས་ཐུགས་བསྐྱེད་ཅིང་ཚིག་ཏུ་ཡང་གསུང་བ། ཇི་སྲིད་སྡུག་བསྔལ་ཀུན་གྱི་མཐའི། །ཟག་ཟད་ཡང་དག་མ་ཐོབ་པ། །དེ་སྲིད་སྲོག་ནི་མཐར་གྱུར་ཀྱང་། །སྐྱིལ་ཀྲུང་འདི་ནི་གཞིག་མི་བྱ། །ཞེས་གསུངས་ནས་བྱང་ཆུབ་སེམས་དཔའ་རྡོ་རྗེའི་
D301.072.0045a03.01གདན་ལ་འཛེགས་ཏེ་བྲང་གིས་འགྲོའི་རྒྱལ་པོ་གཉིད་ལོག་པའི་ལུས་བསྐྱིལ་བ་ལྟ་བུའི་སྐྱིལ་མོ་ཀྲུང་བཅས་ནས་སྐུ་དྲང་པོར་བསྲང་དྲན་པ་མངོན་དུ་བཞག་ནས་བཞུགས་སོ། །བཞུགས་པའི་མོད་ཁོ་ན་ལ་བདུད་སྡིག་ཅན་གྱི་གནས་གཡོས་པར་གྱུར་ཏོ། །དེ་ནས་བདུད་
D301.072.0045a04.01སྡིག་ཅན་འདི་སྙམ་དུ་སེམས་ཏེ་ཅིའི་ཕྱིར་ངའི་གནས་གཡོས་སྙམ་པ་དང་། ཅི་ཙམ་ན་བྱང་ཆུབ་སེམས་དཔའ་རྡོ་རྗེའི་གདན་ལ་བཞུགས་པ་མཐོང་ངོ་། །དེ་ནས་བདུད་སྡིག་ཅན་འདི་སྙམ་དུ་སེམས་ཏེ། ཤཱཀྱ་ཟས་གཙང་གི་བུ་རྡོ་རྗེའི་གདན་ལ་འདུག་གིས་ཇི་ཙམ་
D301.072.0045a05.01བདག་གི་ཡུལ་ལས་མ་འདས་ཀྱི་བར་དུ་དེ་ལ་བགེགས་བྱའོ་སྙམ་དུ་བསམས་ནས་ཕྲིན་ཡིག་སྐྱེལ་བ་སྐྲ་གྱེན་དུ་འགྲེང་ལ་ཤ་ནའི་སྨད་གཡོགས་བགོས་པ་ཞིག་གི་ཁ་དོག་ཏུ་མངོན་པར་སྤྲུལ་ནས་བྱང་ཆུབ་སེམས་དཔའ་གང་ན་བ་དེར་སོང་སྟེ་ཕྱིན་ནས་རྟབས་པར་སྨྲས་པ། གྲོང་ཁྱེར་སེར་
D301.072.0045a06.01སྐྱའི་གཞི་ནི་ལྷ་སྦྱིན་གྱིས་མནན། ཕོ་བྲང་ནི་བཅོམ། ཤཱཀྱ་རྣམས་ནི་ཁ་བཏག་ན། ཁྱོད་ཅིའི་ཕྱིར་གནས་བཏབ་སྟེ་འདུག །དེ་ནས་བྱང་ཆུབ་སེམས་དཔའ་ལ་སྡིག་པ་མི་དགེ་བའི་རྣམ་པར་རྟོག་པ་གསུམ་སྐྱེས་པ་འདི་ལྟ་སྟེ། འདོད་པའི་རྣམ་པར་རྟོག་པ་དང་། གནོད་
D301.072.0045a07.01