完整藏文原文 · 德格版页 当前仅加载第 72 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
ནོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ནས་སྤྱན་མི་འཛུམས་པར་གཟུགས་རྣམས་ལ་ལྟ་སྟེ། དེ་སྤྱན་མི་འཛུམས་པ་ནི་དཔེར་ན་སུམ་ཅུ་རྩ་གསུམ་གྱི་ལྷ་རྣམས་བཞིན་ནོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ནས་སྔོན་གྱི་ལས་
D301.072.0015a01.01ཀྱི་རྣམ་པར་སྨིན་པ་ལས་སྐྱེས་པའི་ལྷའི་སྤྱན་དེས་དེ་ཉིན་དང་མཚན་དུ་དཔག་ཚད་གཅིག་ཁོ་ར་ཁོར་ཡུག་ཏུ་གཟིགས་སོ། །ལས་བཅས་ལས་བྱུང་དྲི་མེད་སྤྱན་གྱིས་ནི། །གཟུགས་ཆེན་པོ་དང་དེ་བཞིན་ཕྲ་རབ་རྣམས། །ཉིན་དང་མཚན་དུ་ཁོར་ཡུག་དཔག་ཚད་གཅིག །མདུན་
D301.072.0015a02.01ན་གནས་པ་བཞིན་དུའང་གཟིགས་པར་འགྱུར། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ནས་གསུང་སྙན་ཅིང་འཇེབས་པ་དང་། གསུང་སྙན་པ་དང་། གསུང་ཡིད་དུ་འོང་བ་ཡིན་ཏེ། དཔེར་ན་གངས་ཅན་གྱི་བྱ་སྐད་སྙན་ཅིང་འཇེབས་པ་དང་། སྐད་སྙན་པ་དང་།
D301.072.0015a03.01ཡིད་དུ་འོང་བ་དེ་བཞིན་དུ་བྱང་ཆུབ་སེམས་དཔའ་བལྟམ་པའི་མོད་ནས་གསུང་སྙན་ཅིང་འཇེབས་པ་དང་། གསུང་སྙན་པ་དང་། གསུང་ཡིད་དུ་འོང་བ་ཡིན་ནོ། །རི་བོ་ཀུན་འཛིན་ལ་དྲང་སྲོང་ཉོན་མོངས་མེད་ཅེས་བྱ་བ་མངོན་པར་ཤེས་པ་ལྔ་དང་ལྡན་པ། བྱམས་པའི་བདག་ཉིད་ཅན་སྙིང་
D301.072.0015a04.01རྗེ་དང་ལྡན་པ། སྐྱེ་དགུ་ལ་མཉེས་གཤིན་པ་ཞིག་གནས་ཏེ་དེ་ལ་ཚ་བོ་མིས་བྱིན་ཞེས་བྱ་བ་ཡོད་པ་དང་། དེ་དེའི་ཚེ་ཕུག་ཏུ་ཞུགས་ཏེ་བསམ་གཏན་བྱེད་པ་ན་བྱང་ཆུབ་སེམས་དཔའ་བལྟམ་སྟེ། །འཇིག་རྟེན་ཐམས་ཅད་སྣང་བ་རྒྱ་ཆེན་པོས་གསལ་བར་གྱུར་པའི་སྣང་བ་དེ་མཐོང་བ་དང་ཉོན་མོངས་མེད་
D301.072.0015a05.01ལ་སྨྲས་པ། མཁན་པོ་འདིར་ནི་ཉི་མ་ཐམས་ཅད་དག །ཅིག་ཅར་བྱུང་བར་གྱུར་ཏམ་ཅི། །འདི་ལྟར་རི་ནི་ཕུག་བཅས་པ། །འདི་ནི་འོད་ཀྱིས་གསལ་བར་གྱུར། །ཉོན་མོངས་མེད་ཀྱིས་དེ་ལ་སྨྲས་པ། ཉི་མའི་འོད་ནི་རྒྱུན་དུ་རྣོ། །བུ་གཅིག་སྣང་བ་འདི་དག་ནི། །ཡན་ལག་རེག་
D301.072.0015a06.01ན་འོད་བསིལ་བས། །ངེས་པར་ཐུབ་པ་དེ་ཡི་འོད། །བྱང་ཆུབ་སེམས་དཔའ་འོད་ཅན་ནི། །ངེས་པར་ལྷུམས་ནས་བལྟམ་གྱུར་ལ། །བལྟམས་ནས་སེམས་དཔའ་ཆེན་པོ་དེའི། །འོད་ཟེར་གསེར་དང་འདྲ་བ་ནི། །དྲི་མ་མེད་པ་འདི་དག་གིས། །འཇིག་རྟེན་གསུམ་ནི་སྣང་བྱས་ཡིན། །
D301.072.0015a07.01