完整藏文原文 · 德格版页 当前仅加载第 72 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་མི་མ་ཡིན་པ་རྣམས་ཀྱིས་ཕྱེ་ནས་སྐད་ཀྱང་མི་གྲག་པར་བྱས་སོ། །དེ་ནས་རིགས་ཀྱི་གཙོ་བོའི་བུ་གྲགས་པ་གྲོང་ཁྱེར་གྱི་སྒོ་གང་ན་བ་དེར་སོང་སྟེ་ཕྱིན་ནས་གྲོགས་པོ་བདག་ནི་གཙེས་སོ། །གྲོགས་པོ་བདག་ནི་ཉམས་སོ་ཞེས་སྐད་ངན་ཕྱུང་བ་དང་། དེའི་སྒོ་མི་མ་ཡིན་པ་རྣམས་ཀྱིས་ཕྱེ་
D301.072.0063b01.01ནས་སྐད་ཀྱང་མི་གྲག་པར་བྱས་སོ། །དེ་ནས་རིགས་ཀྱི་གཙོ་བོའི་བུ་གྲགས་པ་འབབ་ཆུ་གནོད་པ་ཅན་དེ་གང་ན་བ་དེར་སོང་བ་ན། དེའི་ཚེ་བཅོམ་ལྡན་འདས་འབབ་ཆུ་གནོད་པ་ཅན་གྱི་འགྲམ་ན་གཙུག་ལག་ཁང་གི་ཕྱི་རོལ་བླ་གབ་མེད་པ་ན་རིགས་ཀྱི་གཙོ་བོའི་བུ་གྲགས་པ་འོང་བ་ལ་
D301.072.0063b02.01ཡང་དང་ཡང་དུ་བཞེངས་ཤིང་འཆག་པས་འཆག་གོ། །རིགས་ཀྱི་གཙོ་བོའི་བུ་གྲགས་པས་བཅོམ་ལྡན་འདས་འབབ་ཆུ་གནོད་པ་ཅན་གྱི་འགྲམ་ན་འཆག་པ་རྒྱང་རིང་པོ་ནས་མཐོང་ངོ་། །མཐོང་ནས་ཀྱང་དགེ་སྦྱོང་བདག་ནི་གཙེས་སོ། །དགེ་སྦྱོང་བདག་ནི་ཉམས་སོ་ཞེས་སྐད་
D301.072.0063b03.01ངན་ཕྱུང་ངོ་། །དེ་ནས་བཅོམ་ལྡན་འདས་ཀྱིས་རིགས་ཀྱི་གཙོ་བོའི་བུ་གྲགས་པ་ལ་འདི་སྐད་ཅེས་བཀའ་སྩལ་ཏོ། །གཞོན་ནུ་ཚུར་ཤོག །གནས་འདི་ནི་ཁྱོད་ལ་འཚེ་བ་མེད་པ་ཡིན། འདི་ནི་ཉམས་པ་མེད་པ་ཡིན་ནོ། །དེ་ནས་རིགས་ཀྱི་གཙོ་བོའི་བུ་གྲགས་པ་རིན་པོ་ཆེའི་ལྷམ་
D301.072.0063b04.01བརྒྱ་སྟོང་རི་བ་ཟུང་ཅིག་པོ་འབབ་ཆུ་གནོད་པ་ཅན་གྱི་འགྲམ་དུ་ཕུད་ནས་འབབ་ཆུ་གནོད་པ་ཅན་རྒལ་ཏེ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་
D301.072.0063b05.01ཀྱིས་རིགས་ཀྱི་གཙོ་བོའི་བུ་གྲགས་པ་ཁྲིད་དེ་ཉིད་ཀྱི་གཙུག་ལག་ཁང་གང་ན་བ་དེར་གཤེགས་ནས་བྱོན་པ་དང་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་རིགས་ཀྱི་གཙོ་བོའི་བུ་གྲགས་པ་ལ་ཆོས་དང་ལྡན་པའི་གཏམ་གྱིས་ཡང་དག་པར་
D301.072.0063b06.01བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དོ། །སངས་རྒྱས་བཅོམ་ལྡན་འདས་རྣམས་ཀྱི་ཐོག་མའི་དུས་སུ་ཆོས་ཀྱི་གཏམ་གླེང་བ་གང་ཡིན་པ་འདི་ལྟ་སྟེ། སྦྱིན་པའི་གཏམ་དང་། ཚུལ་ཁྲིམས་ཀྱི་གཏམ་
D301.072.0063b07.01