完整藏文原文 · 德格版页 当前仅加载第 72 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སངས་རྒྱས་གྲགས་ལྡན་པ། །རྙེད་པར་དཀའ་བ་མཐོང་བར་འགྱུར། །དེ་ནས་དུས་གཞན་ཞིག་ན་རྒྱལ་པོ་ཟས། གཙང་མས་གཞོན་ནུ་མ་མའི་པང་ན་འདུག་པ་ལ་ཡང་དང་ཡང་དུ་ལྟ་ཞིང་ངའི་བུ་ཅི་འདྲ་བ་དེ་ལྟ་བུ་ནི་སའི་སྟེང་ན་སུ་ལ་ཡང་མེད་དོ་སྙམ་དུ་
D301.072.0017a01.01སེམས་ཤིང་ཤིན་ཏུ་དགའ་བར་གྱུར་ཏོ། །དེ་ནས་བྱང་ཆུབ་སེམས་དཔའ་འཁྲུངས་ནས་རིང་པོར་མ་ལོན་པར་མ་མའི་པང་དུ་བཞུགས་ནས། གསེར་གྱི་གཞོང་པར་འབྲས་དང་ཤར་བསྲེས་པའི་ཆན་གསོལ་བ་ན་དེ་མ་མས་བཀག་ཀྱང་མ་ཐུབ་པར་མང་པོར་གསོལ་ནས་དབྲོག་པར་
D301.072.0017a02.01བརྩམས་པ་དང་། དབྲོག་མ་ནུས་ནས་དེས་རྒྱལ་པོ་ཟས་གཙང་ལ་སྦྲན་པ་དང་། རྒྱལ་པོ་བཙུན་མོ་དང་ལྷན་ཅིག་གིས་དབྲོག་པར་བརྩམས་པ་དང་དེས་ཀྱང་མ་ནུས་སོ། །དེ་ནས་རྒྱལ་པོས་བློན་པོ་རྣམས་དང་སེར་སྐྱ་ན་གནས་པའི་སྐྱེ་བོའི་ཚོགས་རྣམས་ལ་བསྒོ་ན་དེ་རྣམས་ཀྱིས་
D301.072.0017a03.01ཀྱང་དབྲོག་པར་མ་ནུས་སོ། །དེ་ནས་གླང་པོ་ཆེ་ལྔ་བརྒྱ་ལ་བཏགས་པ་དང་། བྱང་ཆུབ་སེམས་དཔས་བསམས་པ། འདི་རྣམས་ཀྱིས་བདག་གི་སྟོབས་ཉམས་ན་མི་རུང་གིས་མ་ལ་བདག་གིས་མཛུབ་མོ་བཀུག་པས་གསེར་གྱི་གཞོང་པ་ནས་གཟུང་ངོ་སྙམ་ནས་དེས་མཛུབ་མོ་
D301.072.0017a04.01བཀུག་པས་གསེར་གྱི་གཞོང་པ་བཟུང་ནས་དྲངས་པ་དང་། གླང་པོ་ཆེ་ལྔ་བརྒྱ་པོ་དེ་དག་ཁ་ཕྱིར་བསྒྱུར་ཏེ་དྲངས་ནས་དེ་དག་གིས་ཀྱང་གསེར་གྱི་གཞོང་པ་དབྲོག་པར་མ་ནུས་སོ། །རྒྱལ་པོ་ཟས་གཙང་གིས་བསམས་པ། ཇི་ལྟར་བྱང་ཆུབ་སེམས་དཔའི་ལག་པ་གཡོན་པས་གླང་པོ་
D301.072.0017a05.01ཆེ་ལྔ་བརྒྱ་དྲངས་པ་དང་སྦྱར་ན་གདོན་མི་ཟ་བར་ལག་པ་གཉིས་ཀྱིས་ནི་གླང་པོ་ཆེ་སྟོང་ཐུབ་ཀྱིས་དེ་བས་ན་གཞོན་ནུའི་མིང་གླང་པོ་ཆེ་སྟོང་གི་སྟོབས་ཅན་ཞེས་གདགས་སོ་ཞེས་བཏགས་སོ། །གྲོང་ཁྱེར་སེར་སྐྱའི་གཞི་ན་གནོད་སྦྱིན་ཤཱཀྱ་འཕེལ་ཞེས་བྱ་བ་ཞིག་གཉུག་མར་གནས་སོ། །
D301.072.0017a06.01ཤཱཀྱ་རྣམས་ཀྱིས་ཀུན་ཏུ་སྤྱོད་པ་ནི་ཤཱཀྱ་སུ་ཡང་རུང་བ་ལ་ཁྱེའུའམ། བུ་མོ་བཙས་པ་གང་ཡིན་པ་དེ་གནོད་སྦྱིན་ཤཱཀྱ་འཕེལ་གྱི་རྐང་པ་ལ་ཕྱག་འཚལ་དུ་གཞུག་པའི་ཕྱིར་འཁྲིད་པ་ཡིན་པས་རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་དེང་ལ་གཞོན་ནུ་གནོད་སྦྱིན་ཤཱཀྱ་འཕེལ་
D301.072.0017a07.01