完整藏文原文 · 德格版页 当前仅加载第 72 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་ཁ་དོག་གི་མངོན་པའི་ང་རྒྱལ་ཅན་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་ས་ཞག་དེ་ནུབ་པར་གྱུར་ཏོ། །ས་ཞག་དེ་ནུབ་པ་ན་མྱུ་གུའི་ཚལ་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ། བདག་ཅག་དེ་ཟ་
D301.072.0111b01.01ཞིང་དེ་ཟས་སུ་ཟ་བ་ལ་ཚེ་རིང་ཞིང་ཡུན་རིང་དུ་གནས་སོ། །བདག་ཅག་རྣམས་ལས་ཁ་ཟས་ཆེས་ཉུང་དུ་ཟ་བ་གང་ཡིན་པ་དེ་ནི་ཁ་དོག་དང་ལྡན་པར་གྱུར། ཁ་ཟས་ཆེས་མང་དུ་ཟ་བ་གང་ཡིན་པ་དེ་ནི་ཁ་དོག་ངན་པར་གྱུར་ཏེ། ཁ་དོག་གི་རྣམ་པ་གཉིས་མངོན་ནོ། །ཁ་དོག་
D301.072.0111b02.01རྣམ་པ་གཉིས་ཡོད་པས། ཀྭའེ་སེམས་ཅན་ཁོ་བོ་ནི་ཁ་དོག་དང་ལྡན་ལ་ཁྱོད་ནི་ཁ་དོག་ངན་པ་ཡིན་ནོ་ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་པར་བྱེད་དོ། །བདག་ཅག་ཁ་དོག་གི་མངོན་པའི་ང་རྒྱལ་ཅན་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་མྱུ་
D301.072.0111b03.01གུའི་ཚལ་དེ་ནུབ་པར་གྱུར་ཏོ། །མྱུ་གུའི་ཚལ་དེ་ནུབ་པ་ན་མ་རྨོས་མ་བཏབ་པའི་འབྲས་སཱ་ལུའི་འབྲུ་ཚོན་བཞི་པ་ཕུབ་མ་མེད་པ། སྦུན་པ་མེད་པ། ཤུན་པ་མེད་པ། དག་པ་གཙང་མ་སྐྱེ་སྟེ། དེ་ནུབ་བརྔས་ན་ནང་སྐྱེ་ཞིང་སྨིན་པར་འགྱུར། ནང་བརྔས་ནུབ་སྐྱེ་ཞིང་སྨིན་པར་འགྱུར་བས་བརྔས་ཤིང་བརྔས་ཀྱང་སླར་
D301.072.0111b04.01ཡང་སྐྱེ་བས་བརྔས་པར་ཡང་མི་མངོན་ཏེ། བདག་ཅག་དེ་ཟ་ཞིང་ཟས་སུ་ཟ་བ་ལ་ཚེ་རིང་ཞིང་ཡུན་རིང་དུ་གནས་སོ། །གང་ནས་བདག་ཅག་གིས་མ་རྨོས་མ་བཏབ་པའི་འབྲས་སཱ་ལུའི་འབྲུ་སོགས་འཇོག་གི་ཡོངས་སུ་ལོངས་སྤྱད་པས་ཟོས་པ་དེ་ནས་སཱ་ལུ་དེའི་འབྲས་བུ་ཕུབ་མ་
D301.072.0111b05.01དང་། སྦུན་པ་དང་། ཤུན་པས་ཡོག་པར་གྱུར་ཏོ། །བརྔས་ཤིང་བརྔས་ན་ཡང་སླར་མི་སྐྱེ་བས་བརྔས་པར་ཡང་མངོན་ལ། སཱ་ལུ་ཡང་སྦུབས་སམ་ཡལ་གའི་སྦུབས་ལ་ཡོད་པར་གྱུར་པས། མ་ལ་བདག་ཅག་ཚོགས་ཤིང་འདུས་ལ་ཞིང་གཞལ་ཏེ་མཚམས་
D301.072.0111b06.01བཅད་ལ། འདི་ནི་ཁྱོད་ཀྱིའོ། །འདི་ནི་ངའི་འོ་ཞེས་མུ་ཐུག་བྲེ་བར་བྱའོ་ཞེས་དེ་རྣམས་ཚོགས་ཤིང་འདུས་ནས་ཞིང་བགོས་ཏེ་མཚམས་སུ་མུ་ཐུག་བྲེས་སོ། །གཽ་ཏ་མ་དག་འདི་ནི་འཇིག་རྟེན་དུ་མུ་ཐུག་བྲེ་བའི་ལས་ཀྱི་མཐའ་རྣམས་བྱུང་བའི་རྩོམ་པ་དང་པོ་ཡིན་ནོ། །དེ་ཡང་
D301.072.0111b07.01