完整藏文原文 · 德格版页 当前仅加载第 59 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
མཁྱེན་པའི་ཡེ་ཤེས་ཀྱི་སར་དབང་བསྐུར་བ་འཐོབ་པ། དེ་བཞིན་གཤེགས་པའི་ཡོན་ཏན་བརྗོད་པའི་ཕྱིར། ཆོས་ཐམས་ཅད་ལ་དབང་བྱེད་པའི་ཚུལ་ལ་འཇུག་པ་བརྗོད་དོ། །སྟོན་ཏོ་རབ་ཏུ་སྟོན་ཏོ། །འཛིན་དུ་འཇུག་གོ། །མོས་པར་མཛད་དོ། །ལེན་དུ་འཇུག་གོ། །ཤེས་པར་མཛད་དོ། །
D169.059.0261b01.01རྣམ་པར་ཤེས་པར་མཛད་དོ། །རབ་ཏུ་ཤེས་པར་མཛད་དོ། །རབ་ཏུ་འཇུག་གོ། །རྣམ་པར་འགྲེལ་ཏོ། །རྣམ་པར་འབྱེད་དོ། །གསལ་བར་མཛད་དོ། །ཡང་དག་པར་རབ་ཏུ་སྟོན་ཏོ། །དེ་ནས་བཅོམ་ལྡན་འདས་ཀྱིས་ཤིན་ཏུ་རྣམ་པར་གདོན་མི་ཟ་བའི་དོན་གྱི་ཆོས་ཀྱི་རྣམ་གྲངས་
D169.059.0261b02.01འདི་ལྟ་བུ་རྒྱ་ཆེར་ཡང་དག་པར་རབ་ཏུ་སྟོན་པ་ན། འཁོར་དེ་ཉིད་དུ་བུ་མོ་རིན་ཆེན་ཞེས་བྱ་བ་ཞིག་འདུས་པར་གྱུར་ཏེ་འདུག་པ་དེ་སྟན་ལས་ལངས་ཏེ། ལག་པ་གཡས་པར་མུ་ཏིག་གི་སེ་མོ་དོ་ཐོགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་
D169.059.0261b03.01བདེན་པ་དང་། བདེན་པའི་ཚིག་གང་གིས་སེམས་ཅན་ཆེན་པོ་འདི་དག་གིས་བསྟན་པའི་ཆོས་ཀྱི་རྣམ་གྲངས་འདུས་པའི་ལེའུ་འདི་བས་པར་ཆུབ་པར་འཛིན་པར་འགྱུར་བ་དང་། ཕྱོགས་བཅུ་རྣམས་སུ་ཡང་རྒྱས་པར་བགྱིད་པར་འགྱུར་བ་དང་། སེམས་ཅན་དཔག་ཏུ་མ་མཆིས་པ་རྣམས་
D169.059.0261b04.01བླ་ན་མེད་པའི་ཆོས་དཀོན་མཆོག་གིས་མཐར་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་འགོད་པར་འབྱུང་བའི་བདེན་པ་དང་། བདེན་པའི་ཚིག་དེས་བདག་གིས་མུ་ཏིག་གི་སེ་མོ་དོ་འདི་དེ་བཞིན་གཤེགས་པ་ལ་འབུལ་ལགས་ཏེ། དེ་དེ་བཞིན་གཤེགས་པ་དང་། བྱང་ཆུབ་སེམས་
D169.059.0261b05.01དཔའ་ཐམས་ཅད་ཀྱི་དབུའི་གཙུག་གི་མཚམས་སུ་མུ་ཏིག་གི་སེ་མོ་དོའི་ཁང་པ་བརྩེགས་པ་ཀུན་དུ་གནས་ཤིང་བཀོད་པ་ཅི་འདྲ་བས་སྐྱེས་བུ་དམ་པ་དེ་དག་བྱང་ཆུབ་མངོན་པར་རྫོགས་པར་འཚང་རྒྱ་བ་དང་། དེ་དག་གིས་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཅི་འདྲ་བར་འགྱུར་བ་དེ་འདྲ་བ་
D169.059.0261b06.01དག་ཁང་པ་བརྩེགས་པ་དེ་དག་ལས་ཀུན་དུ་དགའ་ཞིང་འཁོར་ཐམས་ཅད་ཀྱིས་བཀོད་པ་འདི་མཐོང་ནས་ཡི་རངས་པར་གྱུར་ཅིག །དེ་ནས་བུ་མོ་རིན་ཆེན་གྱིས་མུ་ཏིག་གི་སེ་མོ་དོ་དེ་བཅོམ་ལྡན་འདས་ག་ལ་བ་དེ་ལོགས་སུ་བོར་རོ། །མུ་ཏིག་གི་སེ་མོ་དོ་དེ་བོར་མ་ཐག་ཏུ་དེ་ནས་སངས་རྒྱས་ཀྱི་
D169.059.0261b07.01