完整藏文原文 · 德格版页 当前仅加载第 59 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
བག་ཚ་བ་མེད་པ་དང་། ཡང་དག་པར་སྦྱོར་བས་སློབ་མ་བསམ་པ་ཅན་དང་། གདམས་ངག་ཅན་དང་རྗེས་སུ་བསྟན་པ་དང་། འཐུན་པས་སློབ་མ་མི་ཕྱེད་པ་དང་། སེམས་ཅན་ཐམས་ཅད་ལ་མཚུངས་པར་གནས་པས་སློབ་མ་ཤིན་ཏུ་དུལ་བ་དང་། ཆོས་བསྟན་པ་ལ་ཐེ་ཚོམ་མེད་པས་
D169.059.0296b01.01སྤོབས་པ་མྱུར་བ་དང་། གླེང་བ་མེད་པས་སེམས་ཅན་ཐམས་ཅད་ཚིམ་པར་བྱེད་པ་དང་། དོན་ཡོད་པའི་ཆོས་སྟོན་པ་དང་། གདུལ་བྱ་རྣམས་ཀྱི་དབང་པོ་ཡོངས་སུ་སྨིན་པས་འཁོར་ཐམས་ཅད་རྩེ་གཅིག་ཏུ་སེམས་པ་ལ་སངས་རྒྱས་ཀྱི་སྒྲ་སྐད་འབྱིན་པ་དང་། ཆོ་འཕྲུལ་བསམ་གྱིས་མི་
D169.059.0296b02.01ཁྱབ་པས་འཁོར་གྱི་དཀྱིལ་འཁོར་ཐམས་ཅད་ཀྱིས་མངོན་དུ་ལྟ་བ་དང་། དེ་བཞིན་གཤེགས་པའི་སྐུ་བསོད་ནམས་ཚད་མེད་པ་བརྟན་པའི་ཕྱིར་བལྟ་བས་མི་ངོམས་པ་དང་། ཡང་དག་པར་ཁོང་དུ་ཆུད་པས་འབྲས་བུ་ཡོད་པའི་ཆོས་སྟོན་པ་དང་། སྤྱོད་ལམ་མི་འཁྲུགས་པས་གླང་པོའི་ལྟ་
D169.059.0296b03.01སྟངས་ཀྱིས་ལྟ་བ་དང་། སྤྲོ་བ་ཆེ་བས་སེང་གེ་ལྟར་རྣམ་པར་བསྒྱིངས་པ་དང་། ལུས་ཀྱི་ལས་ཡེ་ཤེས་སྔོན་དུ་འགྲོ་བས་དོན་ཡོད་པར་རྣམ་པར་འགྲོ་བ་དང་། ངག་གི་ལས་ཡེ་ཤེས་སྔོན་དུ་འགྲོ་བས་ངག་ལ་དབང་བ་དང་། ཡིད་ཀྱི་ལས་ཡེ་ཤེས་སྔོན་དུ་འགྲོ་བས་ཀུན་ནས་མིག་དང་ལྡན་པ་དང་།
D169.059.0296b04.01སྤོབས་པ་མྱུར་བས་གཟུང་བར་འོས་པའི་ཚུལ་དང་ལྡན་པ་དང་། བླ་ན་མེད་པའི་སྦྱིན་གནས་སུ་གྱུར་པའི་རྙེད་པའི་མཆོག་དང་། གྲགས་པའི་མཆོག་དང་ལྡན་པ་དང་། ཆོས་ཀྱི་དབྱིངས་ཀྱིས་ཀླས་ཤིང་མཐས་གཏུགས་པས་བསོད་ནམས་ཟད་མི་ཤེས་པ་དང་། མཐུ་བོ་ཆེ་ཆེན་པོའི་ལུས་
D169.059.0296b05.01དང་། སྟོབས་བཅུ་དང་། མི་འཇིགས་པའི་མཆོག་ཐོབ་པས་རྫི་བ་མེད་པ་དང་། སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་ཡིན་པ་ཤེས་པས་སེམས་ཅན་ལ་བདེ་བ་བསྐྱེད་པ་ལས་མི་ལྡོག་ཅིང་འཁྲུགས་པ་མེད་ལ་བྲེལ་ཕོངས་པ་མེད་པ་དང་། འཇིག་རྟེན་ཐམས་ཅད་
D169.059.0296b06.01ཀྱི་སྟོན་པར་གྱུར་པས། ཆོས་དང་གཙུག་ལག་མང་པོ་ཤེས་པ་དང་། ཆོས་ཀྱི་སྐུས་རབ་ཏུ་ཕྱེ་བས་ཚེ་དཔག་ཏུ་མེད་པ་དང་། ཤིན་ཏུ་མུར་ཐུག་ཅིང་མཐས་ཀླས་པས་མཐོང་བ་དང་། རིག་པ་དང་། བསྙེན་བཀུར་བྱས་པ་དང་། དྲན་པ་དང་། ཐོས་པ་དོན་ཡོད་པ་དང་། དུས་གསུམ་མཉམ་
D169.059.0296b07.01