完整藏文原文 · 德格版页 当前仅加载第 59 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྙེད་པ་ལེགས་པར་རྙེད་པ་དེ་དག་ལ་ལྟོས། དེ་བཞིན་གཤེགས་པའི་སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་དང་། མཚན་རབ་ཏུ་དབྱེ་བ་བསྟན་པའི་ཆོས་ཀྱི་སྒོའི་ལེའུ་འདི་བཅོམ་ལྡན་འདས་ཀྱིས་བཤད་པ་ན་ཕྱོགས་བཅུའི་འཇིག་རྟེན་
D169.059.0298b01.01གྱི་ཁམས་ཐམས་ཅད་རབ་ཏུ་གཡོས་ཏེ། སྣང་བ་ཆེན་པོས་ཁྱབ་པར་གྱུར་ནས་སེམས་ཅན་ཚད་མེད་གྲངས་མེད་པ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །བྱང་ཆུབ་སེམས་དཔའ་ཉི་ཁྲི་ལྔ་སྟོང་ནི་མི་སྐྱེ་བའི་ཆོས་ལ་བཟོད་པ་སྐྱེས་སོ། །སྟེང་
D169.059.0298b02.01གི་བར་སྣང་ལས་ཀྱང་ལྷ་བརྒྱ་སྟོང་གིས་མེ་ཏོག་གི་ཆར་རབ་ཏུ་ཕབ་སྟེ། སིལ་སྙན་ཡང་དཀྲོལ་ནས་གང་དེ་བཞིན་གཤེགས་པའི་སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་དང་། མཚན་རབ་ཏུ་དབྱེ་བ་བསྟན་པའི་ཆོས་ཀྱི་སྒོའི་ལེའུ་འདི་ཐོས་
D169.059.0298b03.01ལ་ཐོས་ནས་ཀྱང་མོས་ཤིང་ཡིད་ཆེས་ཏེ། འཛིན་ཅིང་དེ་བཞིན་ཉིད་དུ་སྒྲུབ་པའི་སེམས་ཅན་དེ་དག་ནི་དགེ་བའི་རྩ་བ་ངན་ངོན་དང་ལྡན་པར་མི་འགྱུར་ཏེ། དེ་དག་ནི་ཇི་ལྟར་ད་ལྟར་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཞིན་དུ་ལྷར་བཅས་
D169.059.0298b04.01པའི་འཇིག་རྟེན་གྱི་མདུན་དུ་སེང་གེའི་སྒྲ་སྒྲོགས་པར་འགྱུར་རོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་འདི་ནི་སེམས་ཅན་དམན་པ་ལ་མོས་ཤིང་ནན་ཏན་ལ་མི་གནས་པ་རྣམས་ཀྱི་སུག་པར་མཆི་བར་མི་འགྱུར་གྱི་བཅོམ་ལྡན་འདས་སྤྱོད་པ་ཡོངས་སུ་དག་པ་རྣམས་ཀྱི་
D169.059.0298b05.01སུག་པར་མཆི་བར་འགྱུར་ཏེ། བཅོམ་ལྡན་འདས་ཡོངས་སུ་དག་པར་སྤྱོད་པ་དང་། ཆོས་སྤྱོད་པའི་སེམས་ཅན་རྣམས་ནི་ཆོས་འདི་ལ་དགའ་བར་འགྱུར་ཏེ། ཡིད་ལ་འབབ་ཅིང་མངོན་པར་དགའ་བར་ཡང་འགྱུར་རོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་
D169.059.0298b06.01བཅོམ་ལྡན་འདས་ལ་བུ་མོ་རིན་ཆེན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པས་སྔོན་གྱི་རྒྱུ་ལས་བྱུང་བའི་དགེ་བའི་རྩ་བའི་སངས་རྒྱས་ཀྱི་ཆོས་ཐམས་ཅད་བཀའ་སྩལ་པ་ནི་ངོ་མཚར་ཏོ། །བཅོམ་ལྡན་འདས་བྱང་ཆུབ་སེམས་དཔའ་ཆོས་སྤྱོད་
D169.059.0298b07.01