完整藏文原文 · 德格版页 当前仅加载第 59 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ནི་མ་ཡིན་ནོ། །ཤ་ར་དྭ་ཏིའི་བུས་སྨྲས་པ། བུ་མོ་སྟོབས་གང་གིས་དེ་སྨོད་པར་མི་འགྱུར་བའི་བྱང་ཆུབ་སེམས་དཔའི་སྟོབས་གང་ཡིན། བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ་བརྒྱད་པོ་འདི་དག་ནི་བྱང་ཆུབ་སེམས་དཔའི་སྟོབས་ཏེ། དེས་དེ་སྨོད་པར་མི་འགྱུར་རོ། །
D169.059.0279b01.01བརྒྱད་གང་ཞེ་ན། ཁོང་ཁྲོ་བ་མེད་པའི་སེམས་ཀྱིས་བྱམས་པའི་སྟོབས་དང་། སེམས་ཅན་ཡོངས་སུ་སྨིན་པར་བྱེད་པས་སྙིང་རྗེའི་སྟོབས་དང་། བཅོས་མ་མ་ཡིན་པས་ལྷག་པའི་བསམ་པའི་སྟོབས་དང་། ཉོན་མོངས་པ་དང་བྲལ་བས་ཤེས་རབ་ཀྱི་སྟོབས་དང་།
D169.059.0279b02.01ཡོངས་སུ་མི་སྐྱོ་བས་ཐབས་ཀྱི་སྟོབས་དང་། ཞུམ་པ་མེད་པས་བསོད་ནམས་ཀྱི་སྟོབས་དང་། གཏི་མུག་དང་བྲལ་བས་ཡེ་ཤེས་ཀྱི་སྟོབས་དང་། སྔོན་དམ་བཅས་པ་ཉམས་འོག་ཏུ་ཆུད་པར་བྱེད་པས་བརྩོན་འགྲུས་ཀྱི་སྟོབས་ཏེ། བཙུན་པ་ཤ་ར་དྭ་ཏིའི་བུ་བརྒྱད་པོ་དེ་དག་ནི་བྱང་ཆུབ་
D169.059.0279b03.01སེམས་དཔའི་སྟོབས་ཏེ། སྟོབས་དེ་དག་གིས་དེ་མི་སྨོད་དོ། །གནས་བརྟན་གྱིས་སྨྲས་པ། ཅི་བུ་མོ་ཁྱོད་སྟོབས་འདི་ལྟ་བུ་དང་ལྡན་ནམ། བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ་ལྡན་ཏེ་གང་མཉམ་པ་ཉིད་ཀྱིས་ལྡན་ནོ། །གང་མཉམ་པ་ཉིད་ཀྱིས་མཉམ་པར་གནས་སོ། །བཙུན་
D169.059.0279b04.01པ་ཤ་ར་དྭ་ཏིའི་བུ་གང་མཉམ་པ་དེ་ནི་སྟོབས་མ་ཡིན། ཉམ་ཆུང་བ་མ་ཡིན་ཏེ། དེ་ནི་མཉམ་པ་ཉིད་དོ། །གང་མཉམ་པ་ཉིད་དེ་ལ་ནི་ཐ་དད་དུ་བྱ་བ་{ཆུང་ཟད་,ཅུང་ཟད་}ཀྱང་མེད་དོ། །མཉམ་པ་ཞེས་བྱ་བ་ནི་ནམ་མཁའ་སྟེ། ཆོས་ཐམས་ཅད་ནི་ནམ་མཁའ་དང་མཉམ་མོ། །ཇི་ལྟར་ན་ནམ་མཁའ་
D169.059.0279b05.01སྣང་བ་མེད་ཅིང་བླ་གབ་མེད་པ་དེ་བཞིན་དུ་ཆོས་ཐམས་ཅད་ཀྱང་ནམ་མཁའ་ལྟར་སྣང་བ་མེད་ཅིང་བླ་གབ་མེད་པའོ། །གང་དེ་ལྟར་མཉམ་པ་དེ་ནི་ཉམ་ཆུང་བ་ཡང་མ་ཡིན། སྟོབས་དང་ལྡན་པ་ཡང་མ་ཡིན་མོད་ཀྱི། འོན་ཀྱང་བཙུན་པ་ཤ་ར་དྭ་ཏིའི་བུ་བྱང་ཆུབ་སེམས་དཔའ་གང་ཉམ་
D169.059.0279b06.01ཆུང་བ་དེ་ནི་སྟོབས་དང་ལྡན་པའོ། །དེ་ཅིའི་ཕྱིར་ཞེ་ན། གང་ཉོན་མོངས་པ་ཉམ་ཆུང་བ་དེ་ནི་ཡེ་ཤེས་ཀྱི་སྟོབས་དང་ལྡན་པའོ། །གང་སེར་སྣ་ཉམ་ཆུང་བ་དེ་ནི་སྦྱིན་པའི་སྟོབས་དང་ལྡན་པའོ། །གང་ངང་ཚུལ་ངན་པ་ཉམ་ཆུང་བ་དེ་ནི་ཚུལ་ཁྲིམས་ཀྱི་སྟོབས་དང་ལྡན་པའོ། །གང་གནོད་
D169.059.0279b07.01