完整藏文原文 · 德格版页 当前仅加载第 59 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡེ་ཤེས་ཀྱིས་ཡིད་ཀྱི་ལས་བྱེད་པ་ནི་འཁུ་བ་དང་། གཡོ་དང་། གྱ་གྱུ་དང་། ཚུལ་འཆོས་པ་ཐམས་ཅད་མི་བྱེད་དོ། །བརྣབ་སེམས་དང་། གནོད་སེམས་དང་། ལོག་པར་ལྟ་བ་དང་བྲལ་ཞིང་ཡང་དག་པར་ལྟ་བ་ཡིན། བྱམས་པ་དང་། སྙིང་རྗེ་ལ་གནས་ཏེ། སེམས་
D169.059.0293a01.01ཅན་ཐམས་ཅད་ལ་སེམས་སྙོམས་ཤིང་བྱང་ཆུབ་ཀྱི་སེམས་བརྗེད་པ་མེད་པ་ཡིན་ནོ། །དེ་ཡེ་ཤེས་དང་རབ་ཏུ་ལྡན་པའི་ཡིད་དང་ལྡན་པ་ཡིན་གྱི། ང་རྒྱལ་དང་རབ་ཏུ་ལྡན་པ་མ་ཡིན་ནོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ན་དེ་བཞིན་གཤེགས་པའི་ཡིད་ཀྱི་ལས་
D169.059.0293a02.01ཐམས་ཅད་སྔོན་དུ་ཡེ་ཤེས་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་ཞེས་བྱ་སྟེ། དེ་ལ་དེ་ཡོད་དོ། །ད་ལྟར་བྱུང་བའི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་ཤིན་ཏུ་བསྒོམས་པ་དང་། བརྣག་པ་རྙོག་པ་མེད་པའི་གཟུངས་ལ་མཁས་པས་དེ་བཞིན་གཤེགས་པའི་སེམས་གཅིག་གིས་
D169.059.0293a03.01སེམས་ཅན་ཐམས་ཅད་ཀྱི་སེམས་རབ་ཏུ་ཤེས་སོ། །སེམས་ཅན་ཐམས་ཅད་སྒྱུ་མ་ལྟ་བུ་དང་། སེམས་ཅན་ཐམས་ཅད་རང་བཞིན་གྱིས་འོད་གསལ་བའི་ཕྱིར་རང་གི་སེམས་མཉམ་པ་ཉིད་ཀྱིས་སེམས་ཅན་ཐམས་ཅད་ཀྱི་སེམས་མཉམ་པ་ཉིད་དུ་ཁོང་དུ་ཆུད་པ་ཡིན་ནོ། །སེམས་
D169.059.0293a04.01ཅན་ཐམས་ཅད་ཀྱི་སེམས་མཉམ་པ་ཉིད་ཀྱིས་རང་གི་སེམས་མཉམ་པ་ཉིད་དུ་ཁོང་དུ་ཆུད་པ་ཡིན་ནོ། །ལུས་ཐམས་ཅད་གཟུགས་བརྙན་ལྟ་བུའི་ཕྱིར་རང་གི་ལུས་ཀྱི་ཆོས་ཉིད་ཀྱིས་སེམས་ཅན་ཐམས་ཅད་ཀྱི་ལུས་ཀྱི་ཆོས་ཉིད་ཁོང་དུ་ཆུད་པ་ཡིན་ནོ། །སེམས་ཅན་ཐམས་ཅད་ཀྱི་
D169.059.0293a05.01ལུས་ཀྱི་ཆོས་ཉིད་ཀྱི་རང་གི་ལུས་ཀྱི་ཆོས་ཉིད་ཁོང་དུ་ཆུད་པ་ཡིན་ནོ། །རང་གི་ལུས་སེམས་ཅན་ཐམས་ཅད་ཀྱི་ལུས་ཀྱི་རྗེས་སུ་འཇུག་ཅིང་ཡང་དག་པར་འདུལ་བ་ཡིན་ནོ། །སེམས་ཅན་ཐམས་ཅད་ཀྱི་ལུས་རང་གི་ལུས་ཀྱི་རྗེས་སུ་འཇུག་ཅིང་ཡང་དག་པར་འདུལ་བ་ཡིན་ནོ། །སེམས་
D169.059.0293a06.01ཅན་ཐམས་ཅད་ཀྱི་ལུས་སངས་རྒྱས་ཀྱི་སྐུར་བྱིན་གྱིས་རློབ་བོ། །དེའི་བྱིན་གྱི་རླབས་དེ་ནི་ལྷ་དང་བཅས་པའི་འཇིག་རྟེན་དང་། བདུད་དུ་བཅས་པ་དང་། ཚངས་པར་བཅས་པ་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་། མི་དང་ལྷ་མ་ཡིན་དུ་བཅས་པའི་འཇིག་རྟེན་གང་
D169.059.0293a07.01