完整藏文原文 · 德格版页 当前仅加载第 59 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་ནམས་ཀྱི་ཚོགས་སོགས་པས་ངོམས་མི་ཤེས་ཤིང་མཚན་དང་དཔེ་བྱད་བཟང་པོ་ཡོངས་སུ་རྫོགས་པར་བྱེད་པའི་སེམས་བསྐྱེད་པ་རིན་པོ་ཆེ་དང་། སངས་རྒྱས་མཐོང་བར་འདོད་ཅིང་སངས་རྒྱས་མཐོང་བ་དང་མི་འབྲལ་བའི་སེམས་བསྐྱེད་པ་རིན་པོ་ཆེ་དང་། ཆོས་
D169.059.0274a01.01མཉན་པ་ཡོངས་སུ་ཚོལ་ལ་ཐོས་པ་ལ་དཔྱོད་ཅིང་དོན་ལ་ཡོངས་སུ་འཇལ་བའི་སེམས་བསྐྱེད་པ་རིན་པོ་ཆེ་དང་། ཇི་ལྟར་ཐོས་པའི་ཆོས་སྟོན་ཅིང་ཟང་ཟིང་མེད་པའི་སེམས་བསྐྱེད་པ་རིན་པོ་ཆེ་དང་། ཟིན་པའི་ཆོས་ལ་སློབ་དཔོན་འཆབ་པ་མེད་པའི་སེམས་བསྐྱེད་པ་རིན་པོ་ཆེ་
D169.059.0274a02.01དང་། ལོག་པར་ཞུགས་ཤིང་གནས་ཏེ། ཆོས་དང་ཚུལ་ཁྲིམས་ལས་ཉམས་པ། རྟག་ཏུ་རྗེས་སུ་འཛིན་པའི་སེམས་བསྐྱེད་པ་རིན་པོ་ཆེ་དང་། མ་བསླབས་པ་ལས་དང་པོ་པ་ལ་བརྙས་པ་མེད་པའི་སེམས་བསྐྱེད་པ་རིན་པོ་ཆེ་དང་། ང་རྒྱལ་དང་། མངོན་པའི་ང་རྒྱལ་དང་། ལོག་
D169.059.0274a03.01པའི་ང་རྒྱལ་དང་བྲལ་ཞིང་ང་རྒྱལ་མེད་པ། བཀའ་བློ་བདེ་བ། འཐུན་པར་འཛིན་པ། སེམས་ཅན་ཐམས་ཅད་ལ་འདུད་པའི་སེམས་བསྐྱེད་པ་རིན་པོ་ཆེ་དང་། རླབས་པོ་ཆེའི་སེམས་དབང་པོ་རྣོ་བ། ཐེག་པ་ངན་པ་དམན་པ་དང་བྲལ་ཞིང་ཐེག་པ་ཆེན་པོ་ལ་མོས་པ། སངས་རྒྱས་ཀྱི་
D169.059.0274a04.01དགོངས་པའི་སེམས་བསྐྱེད་པ་རིན་པོ་ཆེ་དང་། བདུད་ཀྱི་ལས་དང་བྲལ་ཞིང་ཉེ་བའི་ཉོན་མོངས་པ་དག་སྟེ། གཙང་ཞིང་དྲི་མ་མེད་ལ་རྙོག་པ་མེད་ཀྱང་འདོད་ཆགས་ཀྱི་རྡུལ་དང་། ཉོན་མོངས་པ་དང་ལྡན་པའི་འདུས་བྱས་ལ་དགའ་ཞིང་ཡོངས་སུ་མི་སྐྱོ་བའི་སེམས་བསྐྱེད་པ་རིན་
D169.059.0274a05.01པོ་ཆེ་དང་། རྟག་ཏུ་རྒྱུན་མི་ཆད་པར་དབེན་པར་སྤྱོད་ཅིང་དགོན་པའི་ཡོན་ཏན་མཐོང་སྟེ། ལུས་དང་སེམས་དབེན་པ་ལ་དབེན་པར་སྤྱོད་ཀྱང་འཁོར་བའི་འདུ་འཛི་དང་འདྲེ་བ་ལ་མི་སྨོད་པ་སྙིང་རྗེ་ཆེན་པོའི་སེམས་བསྐྱེད་པ་རིན་པོ་ཆེ་དང་། ལྷ་དང་མིའི་བདེ་བ་དང་། བསམ་གཏན་གྱི་
D169.059.0274a06.01བདེ་བ་དང་། རང་གི་བདེ་བ་ཐམས་ཅད་འདོར་ཞིང་སེམས་ཅན་སྡུག་བསྔལ་བ་རྣམས་ཡོངས་སུ་སྨིན་པར་བྱ་བའི་ཕྱིར་སྡུག་བསྔལ་མྱོང་བས་ཡོངས་སུ་མི་སྐྱོ་བའི་སེམས་བསྐྱེད་པ་རིན་པོ་ཆེ་དང་། ཟག་པ་མེད་པའི་ཆོས་ཐོབ་པའི་ནུས་པ་དང་། སྐལ་བ་དང་། དབང་པོ་དང་།
D169.059.0274a07.01