完整藏文原文 · 德格版页 当前仅加载第 59 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཡེ་ཤེས་ལ་འབབ་པ་དང་། ཡེ་ཤེས་ཀྱི་བྱིན་དང་ལྡན་པ་ཡིན་ཏེ། དེའི་ཡེ་ཤེས་དེ་ནི་ཉམས་པ་མེད་པ་འགྲོ་བའི་མངོན་པར་ཤེས་པ་ཡོངས་སུ་སྦྱང་བ་བྱས་པ་ལས་ངེས་པར་བྱུང་བའོ། །ཐམས་ཅད་མཁྱེན་པའི་ཡེ་ཤེས་ཀྱིས་རྣམ་པར་དཔྱོད་པའི་བློ་དང་ལྡན་པ་ཡིན་ཏེ། ཐམས་ཅད་
D169.059.0289b01.01མཁྱེན་པའི་ཡེ་ཤེས་ཀྱིས་རྣམ་པར་དཔྱོད་པའི་བློ་དང་ལྡན་པས་འདོད་ཆགས་དང་བཅས་པའི་སེམས་ལ་ཡང་འདོད་ཆགས་དང་བཅས་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདོད་ཆགས་དང་བྲལ་བའི་སེམས་ལ་ཡང་འདོད་ཆགས་དང་བྲལ་བའི་སེམས་སུ་ཡང་དག་
D169.059.0289b02.01པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་བཞིན་དུ་ཞེ་སྡང་དང་བཅས་པ་དང་། ཞེ་སྡང་མེད་པ་དང་། གཏི་མུག་དང་བཅས་པ་དང་། གཏི་མུག་མེད་པ་དང་། ཉོན་མོངས་པ་དང་བཅས་པ་དང་། ཉོན་མོངས་པ་མེད་པ་དང་། འཁོར་བྱེད་དང་བཅས་པ་དང་། འཁོར་བྱེད་མེད་པ་དང་། ཟང་
D169.059.0289b03.01ཟིང་དང་བཅས་པ་དང་། ཟང་ཟིང་མེད་པ་དང་། མཆོག་ཏུ་འཛིན་པ་དང་། མཆོག་ཏུ་འཛིན་པ་མེད་པ་དང་། བླ་མ་དང་བཅས་པ་དང་། བླ་མ་མེད་པ་དང་། སྒྲིབ་པ་དང་བཅས་པ་དང་། སྒྲིབ་པ་མེད་པ་དང་། ལུང་དུ་བསྟན་པ་དང་། ལུང་དུ་མ་བསྟན་པ་དང་། དགེ་བ་དང་། མི་དགེ་བ་དང་།
D169.059.0289b04.01ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་དང་། ཟག་པ་དང་བཅས་པ་དང་། ཟག་པ་མེད་པ་དང་། འཇིག་རྟེན་པ་དང་། འཇིག་རྟེན་ལས་འདས་པ་དང་། ཀུན་ནས་ཉོན་མོངས་པ་ཅན་དང་། ཀུན་ནས་ཉོན་མོངས་པ་ཅན་མ་ཡིན་པ་དང་། རྣམ་པར་དག་པ་དང་། རྣམ་པར་མ་དག་པ་
D169.059.0289b05.01དང་། ཆུང་ངུ་དང་ཆེར་གྱུར་པ་དང་། མཐའ་དང་བཅས་པ་དང་། མཐའ་ཡས་པ་དང་། སེར་སྣ་དང་ལྡན་པ་དང་། གཏོང་བ་དང་ལྡན་པ་དང་། ངང་ཚུལ་ངན་པའི་སེམས་དང་། ཚུལ་ཁྲིམས་ལ་སྦྱོར་བའི་སེམས་དང་། གནོད་སེམས་ཀྱི་བག་ལ་ཉལ་དང་། གནོད་སེམས་མེད་
D169.059.0289b06.01པ་དང་། ལེ་ལོ་དང་། བརྩོན་འགྲུས་དང་ལྡན་པ་དང་། གཡེང་བ་དང་ལྡན་པ་དང་། མཉམ་པར་བཞག་པ་དང་། འཆལ་པའི་ཤེས་རབ་དང་། ཤེས་རབ་དང་ལྡན་པ་དང་། སོ་སོའི་སྐྱེ་བོའི་སེམས་དང་། ལོག་པ་ཉིད་དུ་ངེས་པ་དང་། ཡང་དག་པ་ཉིད་དུ་ངེས་པ་དང་། ཉན་ཐོས་
D169.059.0289b07.01