完整藏文原文 · 德格版页 当前仅加载第 59 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སྟོབས་འདི་དང་ལྡན་པས་བྱང་ཆུབ་ཐོབ་པ་ནས་འདས་པ་དང་། མ་འོངས་པ་དང་། ད་ལྟར་བྱུང་བའི་ལས་དང་། ལས་ཡང་དག་པར་བླངས་པ་རྣམས་ཀྱི་རྣམ་པར་སྨིན་པ་མཁྱེན་པ་གནས་དང་རྒྱུས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་འདི་ནི་དེ་བཞིན་གཤེགས་པའི་སྟོབས་གཉིས་པ་
D169.059.0280b01.01སྟེ། སྟོབས་དེ་ཐོབ་པས་དེ་བཞིན་གཤེགས་པ་འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོག་སྟེ། ཁྱུ་མཆོག་གི་གནས་སུ་དམ་འཆའ་ཞིང་། དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། གང་གིས་ཀྱང་འཇིག་རྟེན་དུ་ཆོས་དང་འཐུན་པར་མ་བསྐོར་
D169.059.0280b02.01བའི་ཚངས་པའི་འཁོར་ལོ་རབ་ཏུ་བསྐོར་ཏོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། སེམས་ཅན་རྣམས་ཀྱི་དབང་པོ་ལ་བརྟགས་ནས་ཆོས་སྟོན་ཏེ། དེ་དག་ཤེས་ནས་དབང་པོ་རྣམས་ཇི་ལྟ་བ་བཞིན་དུ་འཇུག་ཅིང་དབང་པོ་རྣམས་ཇི་ལྟ་བ་དང་ལྡན་ཏེ།
D169.059.0280b03.01དེ་དབང་པོའི་རིམ་པ་མཁྱེན་པའི་སྟོབས་འདི་དང་ལྡན་པས་བྱང་ཆུབ་ཐོབ་པ་ན་སེམས་ཅན་གཞན་རྣམས་དང་གང་ཟག་གཞན་དག་གི་དབང་པོ་དང་། བརྩོན་འགྲུས་ཀྱི་རིམ་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། བུ་མོ་དེ་བཞིན་གཤེགས་པས་གང་སེམས་ཅན་གཞན་རྣམས་དང་། གང་
D169.059.0280b04.01ཟག་གཞན་དག་གི་དབང་པོ་དང་བརྩོན་འགྲུས་ཀྱི་རིམ་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་འདི་ནི་དེ་བཞིན་གཤེགས་པའི་སྟོབས་གསུམ་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན་སེམས་ཅན་རྣམས་ཀྱི་ཁམས་ལ་འཇུག་སྟེ། ཞུགས་
D169.059.0280b05.01ནས་སེམས་ཅན་རྣམས་ཀྱི་མོས་པ་ཇི་ལྟ་བ་དང་། ཁམས་ཇི་ལྟ་བ་དེ་བཞིན་དུ་གནས་སོ། །དེ་ཁམས་ལ་འཇུག་པའི་སྟོབས་འདི་དང་ལྡན་པས་བྱང་ཆུབ་ཐོབ་པ་ན་ཁམས་དུ་མ་དང་། ཁམས་སྣ་ཚོགས་པའི་འཇིག་རྟེན་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་འདི་ནི་དེ་
D169.059.0280b06.01བཞིན་གཤེགས་པའི་སྟོབས་བཞི་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། སེམས་ཅན་མོས་པ་ཐ་དད་པ་རྣམས་ཀྱི་མོས་པ་དང་། རྣམ་པར་གྲོལ་བའི་ཡེ་ཤེས་ཀུན་ཏུ་ཚོལ་ཏེ། དེ་ལྟར་མོས་པ་ལ་མི་སྨོད་དོ། །དེ་མོས་པའི་སྟོབས་
D169.059.0280b07.01