完整藏文原文 · 德格版页 当前仅加载第 59 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །ཇི་ལྟར་སེམས་གཟུགས་ཅན་མ་ཡིན་ཏེ། ནང་ན་མ་ཡིན། ཕྱི་རོལ་ན་མ་ཡིན། གཉིས་ཀ་མེད་པ་ལ་ཡང་མི་དམིགས་པ། དེ་བཞིན་དུ་ཉོན་མོངས་པ་ཡང་གཟུགས་ཅན་མ་ཡིན་ཏེ། ནང་ན་མ་ཡིན། ཕྱི་རོལ་ན་མ་ཡིན། གཉིས་ཀ་མེད་པར་ཡང་
D169.059.0272b01.01མི་དམིགས་སོ། །མི་དམིགས་པའི་ཕྱིར་ཉོན་མོངས་པ་ཐམས་ཅད་ནི་གནོད་པ་མེད་པའོ། །ཞི་བ་མེད་པའོ། །བྱ་བ་མེད་པའོ། །རྣམ་པར་བྱ་བ་མེད་པའོ། །བྱེད་པ་མེད་པའོ། །རྣམ་པར་བྱེད་པ་མེད་པའོ། །གང་དེ་ལྟར་ཉོན་མོངས་པ་རྣམས་འབྱུང་བ་དང་། འཇིག་
D169.059.0272b02.01པ་མེད་པར་ཤེས་པ་འདི་ཡང་ཉོན་མོངས་པ་འདུལ་བའོ། །བདེན་པ་དང་། ཆོས་དང་དོན་དང་། འདུལ་བ་བསྟན་པ་འདི་བཤད་པ་ན། བྱང་ཆུབ་སེམས་དཔའ་ཁྲི་མི་སྐྱེ་བའི་ཆོས་ལ་བཟོད་པ་སྐྱེས་སོ། །བུ་མོ་རིན་ཆེན་ནི་ཚིམ་ཞིང་མགུ་སྟེ། ཡི་རངས་ཤིང་རབ་ཏུ་དགའ་ནས།
D169.059.0272b03.01དགའ་བ་དང་ཡིད་བདེ་བ་སྐྱེས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ཙམ་དུ་དེ་བཞིན་གཤེགས་པས་བདེན་པ་དང་། ཆོས་དང་དོན་དང་། འདུལ་བ་བསྟན་པ་འདི་ལེགས་པར་གསུངས་པ་ནི་ངོ་མཚར་ཏོ། །བཅོམ་ལྡན་འདས་བྱང་ཆུབ་
D169.059.0272b04.01སེམས་དཔའ་གང་འདི་ལྟར་སྨྲ་བར་འགྱུར་བ་དེ་དག་ནི་རྩོད་པ་མ་མཆིས་པ་ལྷུར་ལེན་པ་སྟེ། སེམས་ཅན་ཐམས་ཅད་ཀྱི་རྩོད་པ་སྤོང་བའི་སླད་དུ་ཆོས་སྟོན་པར་འགྱུར་རོ། །བུ་མོ་བྱང་ཆུབ་སེམས་དཔའ་གང་འདི་ལྟར་ཉོན་མོངས་པ་ཤིན་ཏུ་བཏུལ་བ། དེ་གཞན་དག་གི་ཉོན་
D169.059.0272b05.01མོངས་པ་ཡང་འདུལ་བའི་ཕྱིར་ཆོས་སྟོན་པས་དེའི་ཕྱིར་འདུལ་བ་སྨྲ་བ་ཞེས་བྱའོ། །བདེན་པ་བསྟན་པའི་ལེའུའོ།། །།བམ་པོ་གཉིས་པ། དེ་ནས་ཚེ་དང་ལྡན་པ་ཤཱ་རིའི་བུས་བུ་མོ་རིན་ཆེན་ལ་འདི་སྐད་ཅེས་སྨྲས་སོ། །བུ་མོ་ཁྱོད་ཅི་བདེན་པ་དང་། ཆོས་དང་
D169.059.0272b06.01དོན་དང་། འདུལ་བ་སྨྲ་བ་ཡིན་ནམ། བུ་མོ་རིན་ཆེན་གྱིས་སྨྲས་པ། བཙུན་པ་ཤཱ་རིའི་བུ་བདེན་པ་ནི་བསྙད་དུ་མེད་པའོ། །ཆོས་ནི་འདོད་ཆགས་དང་བྲལ་བའོ། །དོན་ནི་བརྗོད་དུ་མེད་པའོ། །འདུལ་བ་ནི་ལུས་དང་སེམས་དབེན་པ་སྟེ། དེ་ནི་ལན་གདབ་པར་མི་ནུས་སོ། །
D169.059.0272b07.01