完整藏文原文 · 德格版页 当前仅加载第 59 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་ཞེན་པ་ཐམས་ཅད་དང་། སེམས་ཅན་ཐམས་ཅད་ཀྱིས་དེ་མོས་པ་དེ་ལས་མོས་པ་དང་དབྲལ་བར་མི་ནུས་སོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ན་དེ་བཞིན་གཤེགས་པ་མོས་པ་ཉམས་པ་མེད་པ་ཞེས་བྱ་སྟེ། དེ་ལ་དེ་མེད་པ་ཡིན་ནོ། །མོས་པའི་
D169.059.0285b01.01ཏིང་ངེ་འཛིན་འདུ་བྱེད་ཀྱི་ཏིང་ངེ་འཛིན་ཤིན་ཏུ་བསྒོམས་པ་དང་། རྡོ་རྗེ་རྒྱལ་མཚན་གྱི་གཟུངས་ལ་མཁས་པས་དབང་བསྐུར་བའི་ཕྱིར་ཆོས་ཐམས་ཅད་ཀྱི་ནང་ནས་གང་བསྟན་པར་བྱ་བ་དེ་སྟོན་ཏོ། །གང་དུ་སྐད་ཅིག་ཐང་ཅིག་ཡུད་ཙམ་གྱིས་དུས་གང་དང་། ཉི་ཚོད་གང་དང་། ཡུལ་གཞན་
D169.059.0285b02.01གང་དང་། སེམས་ཅན་གྱི་སེམས་ཀྱི་རྒྱུད་གང་དང་གང་ལ་སྣོད་ཇི་ལྟ་བ་བཞིན་དུ་ཅི་རིགས་པར་ཆོས་སྟོན་ཀྱང་མཉམ་པར་བཞག་པའི་གནས་ཀྱང་མི་འདོར་བ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་བདུན་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་
D169.059.0285b03.01དཔའི་སྤྱད་པ་སྤྱོད་པ་ན། རྟག་ཏུ་རྒྱུན་མི་འཆད་པར་བརྩོན་འགྲུས་བརྩམས་པ་ཡིན་ཏེ། དེ་རྟག་ཏུ་བརྩོན་པ་མི་འདོར། དགེ་བའི་རྩ་བ་ཡང་དག་པར་སྒྲུབ་ཅིང་སྦྱོར་བས་ངོམས་མི་མྱོང་། བྱིན་གྱིས་བརླབས་པའི་རྩོམ་པ་ལ་རྟུན་ཅིང་བླ་མ་དང་དགེ་བའི་བཤེས་གཉེན་དང་། ཆོས་སྨྲ་བ་དང་། སངས་
D169.059.0285b04.01རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་གན་དུ་འགྲོ་ལ། ཡོངས་སུ་འདྲི་བ་དང་། བསྙེན་བཀུར་བ་དང་། མཆོད་པའི་ལས་དང་། བསྐལ་པ་ཚད་མེད་པར་འཁོར་བ་ཡོངས་སུ་གཟུང་བར་བྱ་བ་དང་། སེམས་ཅན་ཚད་མེད་པ་ཡོངས་སུ་སྨིན་པར་བྱ་བ་དང་། སངས་རྒྱས་ཀྱི་ཞིང་ཚད་མེད་པ་
D169.059.0285b05.01ཡོངས་སུ་སྦྱང་བ་དང་། སངས་རྒྱས་ཚད་མེད་པ་ལ་མཆོད་ཅིང་རིམ་གྲོ་བྱ་བ་དང་། སངས་རྒྱས་ཀྱི་ཆོས་ཚད་མེད་པ་ཡང་དག་པར་གཟུང་བ་དང་། སངས་རྒྱས་ཀྱི་ཆོས་ཚད་མེད་པ་མངོན་པར་རྫོགས་པར་བྱང་ཆུབ་པར་བྱ་བ་དང་། སེམས་ཅན་གྱི་སྤྱོད་པ་ཚད་མེད་པ་ལ་འཇུག་པར་བྱ་བ་དང་།
D169.059.0285b06.01སངས་རྒྱས་ཀྱི་ཆོས་ཚད་མེད་པ་བསྟན་པ་ལ་མཁས་པར་བྱ་བའི་ཕྱིར་ཏེ། བརྩོན་འགྲུས་དེ་ཚད་མེད་པར་བྱས་པ་ཡིན་ནོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ན་དེ་བཞིན་གཤེགས་པ་ལ་བརྩོན་འགྲུས་ཉམས་པ་མེད་པ་ཞེས་བྱ་སྟེ། དེ་ལ་དེ་མེད་
D169.059.0285b07.01