完整藏文原文 · 德格版页 当前仅加载第 59 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་གྱི་དོན་ལ་བརྩོན་ཏེ། ལུས་ཀྱིས་ལས་དེ་ལྟ་བུ་དང་ལྡན་པ་ཡིན་ནོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ན་དེ་བཞིན་གཤེགས་པའི་ལུས་ཀྱི་ལས་ཐམས་ཅད་སྔོན་དུ་ཡེ་ཤེས་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་ཞེས་བྱ་སྟེ། དེ་ལ་དེ་ཡོད་དོ། །གཟུགས་
D169.059.0292a01.01ཐམས་ཅད་ཀུན་ཏུ་སྟོན་པའི་ཏིང་ངེ་འཛིན་ཤིན་ཏུ་བསྒོམས་པ་དང་། ཀུན་ནས་སྣང་བའི་གཟུངས་ལ་མཁས་པས་དེ་བཞིན་གཤེགས་པ་ཁ་དོག་དུ་མ་དང་། ཁ་དོག་སྣ་ཚོགས་དང་། གཟུགས་དང་། དབྱིབས་དང་། ཆུ་ཞེང་སྟོན་པའི་ལུས་ཀྱིས་ལྷ་དང་། ཀླུ་དང་གནོད་སྦྱིན་དང་། དྲི་ཟ་དང་། ལྷ་མ་ཡིན་
D169.059.0292a02.01དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། སྲོག་ཆགས་
D169.059.0292a03.01བརྒྱ་སྟོང་དུ་མ་ལྷགས་པའི་འཁོར་འདུས་པ་ཐམས་ཅད་དུ་སྤྱོད་ལམ་ཚད་མེད་པ་དང་། ཁ་དོག་དང་། རྟགས་དང་། དབྱིབས་གནས་པ། མཆོག་དམ་པ། གཙོ་བོ། གྱ་ནོམ་པའི་ལུས་བསྟན་ནས་ཐམས་ཅད་དང་ལྡན་པས། འཁོར་ལ་ཆོས་ཀྱི་གཏམ་ཀུན་དུ་སྟོན་ཏོ། །ཡང་དག་པར་
D169.059.0292a04.01འཛིན་དུ་འཇུག་གོ། །ཡང་དག་པར་གཟེངས་སྟོད་དོ། །ཡང་དག་པར་རབ་ཏུ་དགའ་བར་བྱེད་དོ། །ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་མི་སྣང་བར་བྱེད་དོ། །མི་སྣང་བར་གྱུར་ཀྱང་སོང་བར་
D169.059.0292a05.01ཤེས་པ་ཡང་མེད་དོ། །འཁོར་འདུས་པ་དེ་དག་ཏུ་འདུས་ཤིང་འདུག་སྟེ། སྨྲའམ་ཅང་མི་སྨྲ་ཡང་རུང་འོངས་པར་ཤེས་པ་ཡང་མེད་དོ། །དེ་ལ་ལྟ་བས་ཀྱང་ངོམས་མི་མྱོང་ངོ་། །དེས་བསྟན་པ་ལ་དགའ་བ་དང་། མཆོག་ཏུ་དགའ་བ་རབ་ཏུ་རྒྱ་ཆེན་པོ་ཡང་རྙེད་དོ། །འདོད་པ་ལ་དགའ་ཞིང་རྩེ་བ་དང་། ཡུལ་དང་
D169.059.0292a06.01ལོངས་སྤྱོད་ཐམས་ཅད་ལ་མི་ལྟ་བ་ཡིད་ལ་བྱེད་ཅིང་སྦྱར་རོ། །མི་སྣང་བར་གྱུར་ན་བལྟ་བ་དང་མཉན་པའི་ཕྱིར་སྐོམ་པར་འགྱུར་རོ། །དེ་ལ་ལྟ་བས་སྐོམ་པ་དང་། ལྟ་འདོད་པ་དང་། ཆོས་ཉན་པས་སྐོམ་པ་དང་། ཆོས་ཉན་འདོད་པ་དེ་ཡང་ཟག་པ་མེད་པའི་ལུས་ཀྱི་ལས་དང་། ངག་གི་ལས་དང་། ཡིད་ཀྱི་
D169.059.0292a07.01