完整藏文原文 · 德格版页 当前仅加载第 59 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་འཇུག་པ་ཞེས་བྱ་སྟེ། དེ་ལ་དེ་ཡོད་དོ། །དཔའ་བར་འགྲོ་བའི་ཏིང་ངེ་འཛིན་ཤིན་ཏུ་བསྒོམས་པ་དང་། གཟི་བརྗིད་དང་ལྡན་པའི་གཟུངས་ལ་མཁས་པས་དེ་བཞིན་གཤེགས་པ་འདས་པའི་དེ་བཞིན་གཤེགས་པ་རྣམས་ཀྱི་མཚན་ཐ་དད་པ་དང་། ཚེའི་ཚད་ཐ་དད་པ་{གོ་རིམས་,གོ་རིམ་}བཞིན་དུ་
D169.059.0294a01.01བརྡ་སྤྲོད་པའི་མཐའ་ནི་མི་རྟོགས་སོ། །དེ་བཞིན་དུ་འདས་པའི་བྱང་ཆུབ་སེམས་དཔའ་རྣམས་དང་། ཉན་ཐོས་རྣམས་དང་། རང་སངས་རྒྱས་རྣམས་དང་། སེམས་ཅན་རྣམས་དང་། སེམས་ཅན་གྱི་སྤྱོད་པ་རྣམས་དང་། སེམས་ཅན་གྱི་སྤྱོད་པ་བྱེད་པའི་ལས་ཀྱི་རྣམ་པར་སྨིན་པ་སོ་སོར་མྱོང་
D169.059.0294a02.01བ་རྣམས་དང་། དེ་བཞིན་དུ་འདས་པའི་བསྐལ་པ་ཐམས་ཅད་དེ། བསྐལ་པ་གང་དག་སངས་རྒྱས་དང་བཅས་པ་དག་དང་། བསྐལ་པ་གང་དག་སངས་རྒྱས་མེད་པ་དག་དང་། བསྐལ་པ་གང་དག་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་
D169.059.0294a03.01སྙེད་བྱུང་བའི་བསྐལ་པ་དེ་དག་{གོ་རིམས་,གོ་རིམ་}བཞིན་དུ་བརྡ་སྤྲོད་པའི་མཐའ་ནི་མི་རྟོགས་སོ། །དེ་བཞིན་དུ་འདས་པའི་འཇིག་རྟེན་གྱི་ཁམས་ཐམས་ཅད་ཀྱི་མིང་ཐ་དད་པ་དང་། གང་དག་ཀུན་ནས་ཉོན་མོངས་པ་ཅན་དག་དང་། གང་དག་རྣམ་པར་དག་པ་དག་དང་། གང་དག་ཆུང་བ་དག་དང་།
D169.059.0294a04.01གང་དག་ཆེར་གྱུར་པ་དག་དང་། གང་དག་ཕྲ་བ་དག་དང་། གང་དག་རགས་པ་དག་དང་། གང་དག་རྡུལ་ཕྲ་རབ་ལ་འཇུག་པའི་རྗེས་སུ་ཞུགས་པ་དག་དང་། གང་དག་སྤྱིའུ་ཚུགས་པ་དག་དང་། གང་དག་འཐུན་པ་དག་དང་། གང་དག་ཕྱོགས་དང་ཕྱོགས་མཚམས་རྣམ་པར་གཞག་པ་དང་།
D169.059.0294a05.01མིག་འཕྲུལ་རྣམ་པར་དབྱེ་བ་ལ་འཇུག་པའི་རྗེས་སུ་ཞུགས་པ་ལ་འདས་པའི་འཇིག་རྟེན་གྱི་ཁམས་དེ་དག་ཐམས་ཅད་{གོ་རིམས་,གོ་རིམ་}བཞིན་དུ་བརྡ་སྤྲོད་པའི་མཐའ་ནི་མི་རྟོགས་སོ། །དེ་ལ་དེ་བཞིན་གཤེགས་པ་ལུང་བསྟན་པ་ཐམས་ཅད་ལ་རྨོངས་པ་མེད་དེ་ལག་མཐིལ་དང་། སོར་མོ་ལྔ་
D169.059.0294a06.01མཐོང་བའི་ཚུལ་དུ་དེ་བཞིན་གཤེགས་པའི་ཡེ་ཤེས་ཀྱིས་ཐམས་ཅད་ཤེས་ཏེ། བུ་མོ་འདི་ནི་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་བཅུ་དྲུག་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། མ་འོངས་པའི་དེ་བཞིན་གཤེགས་
D169.059.0294a07.01