完整藏文原文 · 德格版页 当前仅加载第 59 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དོ། །རྣམ་པར་འཕྲུལ་པའི་རྒྱལ་པོའི་ཏིང་ངེ་འཛིན་ཤིན་ཏུ་བསྒོམས་པ་དང་། སྒོ་མཐའ་ཡས་པ་སྒྲུབ་པའི་གཟུངས་ལ་མཁས་པས་དེ་བཞིན་གཤེགས་པའི་གནས་ཐམས་ཅད་དང་། མཚན་ཐམས་ཅད་དང་། དཔེ་བྱད་བཟང་པོ་ཐམས་ཅད་དང་། སྤུ་ཡི་ཁུང་བུ་ཐམས་
D169.059.0283b01.01ཅད་ནས་སངས་རྒྱས་ཀྱི་ཆོས་ཀྱི་སྒྲ་དབྱངས་བསམ་གྱིས་མི་ཁྱབ་པ་འབྱུང་སྟེ། ཐ་ན་སྒྲ་གཅིག་གིས་ཀྱང་འཁོར་ཐམས་ཅད་ཀྱི་སེམས་ཚིམ་པར་བྱེད་པའི་ཆོས་ཀྱི་སྒོ་དཔག་ཏུ་མེད་པ་བསྟན་པ་འབྱུང་ཞིང་སྔོན་གྱི་སྨོན་ལམ་གྱི་བྱིན་གྱི་རླབས་དང་། ཡེ་ཤེས་ཀྱི་སྟོབས་ཀྱིས་དེ་ན་དེ་བཞིན་
D169.059.0283b02.01གཤེགས་པ་རྣམ་པར་མི་རྟོག་ཅིང་བཏང་སྙོམས་དེ་ལྷུན་གྱིས་གྲུབ་པ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་གཉིས་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། འདི་ལྟ་སྟེ། སངས་རྒྱས་རྗེས་སུ་དྲན་པ་དང་།
D169.059.0283b03.01ཆོས་རྗེས་སུ་དྲན་པ་དང་། དགེ་འདུན་རྗེས་སུ་དྲན་པ་དང་། ཚུལ་ཁྲིམས་རྗེས་སུ་དྲན་པ་དང་། གཏོང་བ་རྗེས་སུ་དྲན་པ་དང་། ལྷ་རྗེས་སུ་དྲན་པའི་རྗེས་སུ་དྲན་པ་དྲུག་པོ་དང་མི་འབྲལ་བ་ཡིན་ནོ། །སེམས་ཅན་གཞན་ཡང་རྗེས་སུ་དྲན་པ་འདི་དག་ཡང་དག་པར་འཛིན་དུ་འཇུག་གོ། །
D169.059.0283b04.01དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ན་དེ་བཞིན་གཤེགས་པ་ལ་བསྙེལ་བ་མེད་པ་ཞེས་བྱ་སྟེ། དེ་ལ་དེ་མེད་པ་ཡིན་ནོ། །ཆོས་ཐམས་ཅད་ལ་དབང་སྒྱུར་བའི་ཏིང་ངེ་འཛིན་ཤིན་ཏུ་བསྒོམ་པ་དང་། ཆོས་ཀྱི་སྒྲོན་མའི་གཟུངས་ལ་མཁས་པས་རྟག་ཏུ་རྒྱུན་མི་
D169.059.0283b05.01ཆད་པར་དེ་བཞིན་གཤེགས་པ་ལ་བསྙེལ་བ་མེད་པའི་ཆོས་ཅན་ཡིན་ནོ། །གལ་ཏེ་སེམས་ཅན་ཐམས་ཅད་ཀྱིས་བསྐལ་པར་བསམས་ཏེ། སྔ་ཕྱི་མེད་པར་ཐེ་ཚོམ་དྲི་བ་ཐ་དད་པ་དེ་བཞིན་གཤེགས་པ་ལ་ཡོངས་སུ་དྲིས་ཀྱང་དེ་འདི་བཤད་དོ། །འདི་བསྟན་ཏོ་སྙམ་དུ་མི་སེམས་མི་རྟོག་ལ་
D169.059.0283b06.01རྟག་ཏུ་མ་རྨོངས་ཤིང་དྲན་པའི་དབང་པོས་སྐད་ཅིག་ཐང་ཅིག་ཡུད་ཙམ་ཅིག་ལ་ལེགས་པར་བཤད་པས་སེམས་ཅན་ཐམས་ཅད་ཚིམ་པར་བྱེད་པ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་གསུམ་པའོ། །བུ་མོ་གཞན་ཡང་བྱང་ཆུབ་སེམས་དཔའ་
D169.059.0283b07.01