完整藏文原文 · 德格版页 当前仅加载第 59 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། སྐྱེ་མཆེད་རྣམས་ཀྱི་རང་བཞིན་གྱིས་སྟོང་པ་ཉིད་སྨྲ་བ་དང་། ནོར་བདུན་སྨྲ་བ་དང་། རྗེས་སུ་དྲན་པ་དྲུག་སྨྲ་བ་དང་། གུས་པ་དང་བཅས་པ་སྨྲ་བ་དང་། ཡང་དག་པར་དགའ་བར་བྱ་བ་དྲུག་སྨྲ་བ་དང་། མངོན་པར་ཤེས་པ་དྲུག་སྨྲ་བ་དང་། ཕ་རོལ་ཏུ་ཕྱིན་པ་
D169.059.0267a01.01དྲུག་སྨྲ་བ་དང་། མིག་ལྔ་སྨྲ་བ་དང་། དོན་དམ་པ་སྨྲ་བ་དང་། ཀུན་རྫོབ་ལ་འཇུག་པ་སྨྲ་བ་དང་། ལེགས་པར་བྱས་པའི་ལས་སྨྲ་བ་དང་། སེམས་ཅན་ཐམས་ཅད་ལ་སེམས་སྙོམས་པར་སྨྲ་བ་དང་། སངས་རྒྱས་ཀྱི་ཆོས་ཐམས་ཅད་ཀྱི་ཡོན་ཏན་དང་བསྔགས་པ་ཚད་མེད་པ་སྨྲ་བའོ། །བུ་མོ་གཞན་
D169.059.0267a02.01ཡང་བྱང་ཆུབ་སེམས་དཔའ་ཆོས་སྨྲ་བ་ནི་བདག་ཏུ་སྨྲ་བ་མ་ཡིན། སེམས་ཅན་དུ་སྨྲ་བ་མ་ཡིན། སྲོག་ཏུ་སྨྲ་བ་མ་ཡིན། གང་ཟག་ཏུ་སྨྲ་བ་མ་ཡིན། ཆད་པར་སྨྲ་བ་མ་ཡིན། རྟག་པར་སྨྲ་བ་མ་ཡིན། འབྱུང་བར་ལྟ་བ་སྨྲ་བ་མ་ཡིན། འཇིག་པར་ལྟ་བ་སྨྲ་བ་མ་ཡིན། མཐའ་ཁས་ལེན་པ་སྨྲ་བ་མ་
D169.059.0267a03.01ཡིན། དབུས་ལ་མངོན་པར་ཞེན་པ་སྨྲ་བ་མ་ཡིན། མི་འཐུན་པ་སྨྲ་བ་མ་ཡིན། འགལ་བ་སྨྲ་བ་མ་ཡིན། རྩོད་པ་སྨྲ་བ་མ་ཡིན། ཕྱོགས་ཡོངས་སུ་འཛིན་པ་སྨྲ་བ་མ་ཡིན། དམིགས་པ་སྨྲ་བ་མ་ཡིན། ལྟ་བ་ཀུན་ནས་དཀྲིས་པ་དང་། ཐེ་ཙོམ་དང་། སྒྲིབ་པ་དང་། ཆོད་པ་དང་། བག་ལ་
D169.059.0267a04.01ཉལ་དང་། ཁོང་ཁྲོ་བ་སྨྲ་བ་མ་ཡིན། ཆོས་དང་འགལ་བ་སྨྲ་བ་མ་ཡིན། ཆོས་འཇིག་པ་སྨྲ་བ་མ་ཡིན། ཆོས་སྤོང་བ་སྨྲ་བ་མ་ཡིན། ཆོས་ལ་མངོན་པར་རློམ་སེམས་སུ་བྱེད་པ་སྨྲ་བ་མ་ཡིན། ཆོས་ལ་ལོག་པར་འཇུག་པར་སྨྲ་བ་མ་ཡིན་ཏེ། ཆོས་སྨྲ་བའི་བྱང་ཆུབ་སེམས་དཔའ་ནི་ཆོས་ཀྱི་རྗེས་སུ་
D169.059.0267a05.01འཐུན་པའི་ཆོས་སྒྲུབ་པ་སྨྲ་བ་དང་། ཡང་དག་པར་སྨྲ་བ་དང་། ཆོས་སྨྲ་བ་དང་། ཕས་ཀྱི་རྒོལ་བ་ཐམས་ཅད་ཀྱིས་མི་ཚུགས་པ་སྨྲ་བའོ། །བྱང་ཆུབ་སེམས་དཔའ་ཆོས་སྨྲ་བ་ནི་ཆོས་ཐམས་ཅད་སྣང་བ་དང་འབྲེལ་བས་ཕྱིར་བསྐྱར་བར་དཀའ་བ་ཡིན། བྱང་ཆུབ་སེམས་དཔའ་ཆོས་སྨྲ་བ་ནི་
D169.059.0267a06.01དམིགས་པ་མེད་པའི་སྤྱོད་ཡུལ་བས་སྟོང་པ་ཉིད་སྨྲ་བ་ཡིན། མི་འཁྲུགས་པའི་ཆོས་ཅན་པས་མཚན་མ་མེད་པའི་སྨྲ་བ་ཡིན། ཁམས་གསུམ་དང་མ་འདྲེས་པས་སྨོན་པ་མེད་པ་སྨྲ་བ་ཡིན། འདུས་བྱས་ཀྱི་སྐྱོན་མཐོང་བས་མངོན་པར་འདུ་མི་བྱེད་པ་སྨྲ་བ་ཡིན་ནོ། །བྱང་ཆུབ་སེམས་དཔའ་ཆོས་སྨྲ་
D169.059.0267a07.01