完整藏文原文 · 德格版页 当前仅加载第 59 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
ངོམས་པ་དང་། གོང་མའི་ཁྱད་པར་ཁོང་དུ་ཆུད་པས་དེ་ལ་མི་ཆགས་པ་དང་། སྤྱི་གཙུག་བལྟར་མི་མཐོང་བར་བྱ་བའི་ཕྱིར་ང་རྒྱལ་མེད་པར་ཉན་པ་དང་། རྒྱུ་དང་རྐྱེན་ཚོགས་པ་ཤིན་ཏུ་མཐོང་བའི་ཕྱིར་ཆོས་ཐམས་ཅད་དང་འགལ་བ་མེད་པ་དང་། འཕགས་པའི་ནོར་བདུན་རབ་ཏུ་ཐོབ་
D169.059.0306a01.01པའི་ཕྱིར་དབུལ་བ་མེད་པ་དང་། བདག་ལ་དབང་བས་རང་དབང་ཡོད་དེ་བྲན་མ་ཡིན་པ་དང་། བསོད་ནམས་དང་ཡེ་ཤེས་ཀྱི་ཚོགས་མངོན་པར་བསྒྲུབས་པའི་མངོན་པར་ཤེས་པ་རྣམས་ཀྱིས་སེམས་ཅན་ཐམས་ཅད་ཀྱི་ཉོན་མོངས་པ་ཞི་བར་བྱེད་པ་དང་། དེ་བཞིན་གཤེགས་པའི་རིག་
D169.059.0306a02.01པ་དང་། རྣམ་པར་གྲོལ་བ་བསྒྲུབས་པས་ཞི་གནས་ཀྱི་ཚོགས་དང་། ལྷག་མཐོང་གི་ཚོགས་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་སྒོམ་པའི་ཕྱིར་རྣམ་པར་ཐར་པའི་སྒོ་གསུམ་གྱི་སྒོ་མོ་ཀུན་དུ་སྟོན་པ་དང་། སེམས་ཅན་ཐམས་ཅད་
D169.059.0306a03.01སྙེད་ཀྱི་ཡེ་ཤེས་ཁོང་དུ་ཆུད་པས་ནང་ཉེ་བར་ཞི་བ་དང་། མི་སྐྱེ་བའི་ཆོས་ལ་བཟོད་པའི་ཕྱིར་ཟད་པ་དང་མི་སྐྱེ་བ་ཤེས་པ་དང་། ཆོས་ཐམས་ཅད་ལ་ནན་ཏན་སྙིང་པོར་བྱེད་ཅིང་གནས་པ་ལུང་བསྟན་པ་སྟེ། བུ་མོ་ཆོས་སུམ་ཅུ་རྩ་གཉིས་པོ་དེ་དག་ནི་ཐེག་པ་ཆེན་པོ་རྣམ་པར་དག་པར་
D169.059.0306a04.01འགྱུར་བའོ། །ཐེག་པ་ཆེན་པོ་རྣམ་པར་དག་པའི་ལེའུའི་ཆོས་ཀྱི་རྣམ་གྲངས་འདི་བཤད་པ་ན་ལྷ་དང་མིའི་སྐྱེ་དགུ་སྲོག་ཆགས་བདུན་ཁྲི་ཉིས་སྟོང་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །བྱང་ཆུབ་སེམས་དཔའ་ཁྲི་ཉིས་སྟོང་ནི་མི་སྐྱེ་བའི་ཆོས་ལ་བཟོད་
D169.059.0306a05.01པ་རབ་ཏུ་ཐོབ་པར་གྱུར་ཏོ། །སྟེང་གི་བར་སྣང་ལས་ཀྱང་ལྷ་བརྒྱ་སྟོང་གིས་ཅ་ཅོ་དང་། ག་ཞའི་སྒྲ་ཕྱུང་སྟེ་མེ་ཏོག་ཀྱང་གཏོར། སིལ་སྙན་ཡང་དཀྲོལ་ནས་གང་ཐེག་པ་ཆེན་པོའི་ཡོན་ཏན་དང་བསྔགས་པ་བསྟན་པའི་ཆོས་ཀྱི་སྒོའི་ལེའུ་འདི་ཐོས་ལ་ཐོས་ནས་ཀྱང་མོས་པ་དང་མོས་ནས་
D169.059.0306a06.01ཀྱང་ལེན་ཅིང་འཛིན་ཏེ། །ཡང་དག་པར་ནན་ཏན་བྱེད་པའི་སེམས་ཅན་དེ་དག་ནི་སངས་རྒྱས་ཀྱི་ཡོན་ཏན་ལ་ངེས་པར་གནས་པར་འགྱུར་རོ་ཞེས་ཆེད་དུ་བརྗོད་པ་དེ་སྐད་ཆེད་དུ་བརྗོད་དོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་།
D169.059.0306a07.01