完整藏文原文 · 德格版页 当前仅加载第 59 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཐེག་པར་ངེས་པ་དང་། རང་སངས་རྒྱས་ཀྱི་ཐེག་པར་ངེས་པ་དང་། ཐེག་པ་ཆེན་པོར་ངེས་པ་ཡང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདི་ནི་སྡུག་བསྔལ་འཕགས་པའི་བདེན་པའོ། །ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདི་ནི་སྡུག་
D169.059.0290a01.01བསྔལ་ཀུན་འབྱུང་བ། འདི་ནི་སྡུག་བསྔལ་འགོག་པ། འདི་ནི་སྡུག་བསྔལ་འགོག་པར་འགྲོ་བའི་ལམ་མོ་ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་མི་སྐྱེ་བ་ཤེས་པས་སྡུག་བསྔལ་འཕགས་པའི་བདེན་པ་རབ་ཏུ་ཤེས་སོ། །ཤིན་ཏུ་ཀུན་དུ་མི་རྒྱུ་བའི་ཤེས་པའི་ཀུན་འབྱུང་བ་
D169.059.0290a02.01རབ་ཏུ་ཤེས་སོ། །ཆད་པ་མེད་ཅིང་རྟག་པ་མེད་པ་ཤིན་ཏུ་སྐད་ཅིག་པ། འགོག་པ་ཤེས་པས་འགོག་པར་རབ་ཏུ་ཤེས་སོ། །ཐམས་ཅད་ཀྱི་རྗེས་སུ་སོང་བ་ནམ་མཁའ་ཡང་དག་པར་འདུ་བ་བདག་གི་བ་མེད་ཅིང་ཡོངས་སུ་འཛིན་པ་མེད་པ། ཤིན་ཏུ་རྣམ་པར་དག་པའི་ཤེས་པས་ལམ་
D169.059.0290a03.01རབ་ཏུ་ཤེས་སོ། །དེ་འཕགས་པའི་བདེན་པ་བཞི་པོ་འདི་དག་དེ་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཀྱང་སེམས་ཅན་ཡོངས་སུ་སྨིན་པར་བྱ་བའི་ཕྱིར་མངོན་སུམ་དུ་ཡང་མི་བྱེད་ལ་བདེན་པ་ཡོངས་སུ་ཤེས་པ་དང་། སྤངས་པ་དང་། བསྒོམས་པ་དང་། མངོན་སུམ་དུ་བྱ་བའི་
D169.059.0290a04.01ཕྱིར་སེམས་ཅན་རྣམས་ལ་ཆོས་སྟོན་ཏོ། །དེའི་ཆོས་བསྟན་པ་དེ་བདེན་པའི་རྗེས་སུ་འཐུན་པ་ཡིན། རྟེན་ཅིང་འབྲེལ་པར་འབྱུང་བ་དང་འགལ་བ་མེད་པ་ཡིན། མཐར་ལྟ་བ་ཐམས་ཅད་ཡོངས་སུ་སྤངས་པ་ཡིན། དབུ་མའི་ལམ་ལ་ཞུགས་པ་ཡིན། རྟེན་པའི་ཆོས་མངོན་སུམ་དུ་གྱུར་པ་ཡིན་
D169.059.0290a05.01ཏེ། དེ་ཆོས་ཐམས་ཅད་རྒྱུ་དང་བཅས་ཤིང་རྐྱེན་དང་བཅས་པའི་ཁ་ན་ལས་ཀྱི། བདག་གི་ཁ་ན་ལས་པ་མ་ཡིན། སེམས་ཅན་གྱི་ཁ་ན་ལས་པ་མ་ཡིན། སྲོག་གི་ཁ་ན་ལས་པ་མ་ཡིན། གསོ་བའི་ཁ་ན་ལས་པ་མ་ཡིན། སྐྱེས་བུའི་ཁ་ན་ལས་པ་མ་ཡིན། གང་ཟག་གི་ཁ་ན་ལས་
D169.059.0290a06.01པ་མ་ཡིན་པར་རབ་ཏུ་ཤེས་སོ། །དེ་མ་རིག་པའི་རྐྱེན་གྱིས་འདུ་བྱེད་རྣམས་སུ་རབ་ཏུ་ཤེས་སོ། །འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་དང་། རྣམ་པར་ཤེས་པའི་རྐྱེན་གྱིས་མིང་དང་གཟུགས་དང་། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་དང་། སྐྱེ་མཆེད་དྲུག་གི་རྐྱེན་གྱིས་
D169.059.0290a07.01