完整藏文原文 · 德格版页 当前仅加载第 59 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཀྱང་གཡོས་པ་དང་། བསྐྱོད་པར་མི་ནུས་ཏེ། བུ་མོ་འདི་ནི་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}ལྔ་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན་འདས་པའི་དེ་བཞིན་གཤེགས་པ་རྣམས་ཀྱི་ཡི་གེས་ཆགས་པ་མེད་པ་
D169.059.0293b01.01ཐོས་ན་མོས་ཤིང་ཡིད་ཆེས་ཏེ། ཐེ་ཚོམ་མི་ཟ་ནེམ་ནུར་མེད་ཅིང་མི་དངང་ལ་ཀུན་དུ་མི་དངང་ཞིང་མི་སྐྲག་ལ་ཀུན་དུ་སྐྲག་པར་མི་འགྱུར་ཏེ། སངས་རྒྱས་ཀྱི་ཡུལ་བསམ་གྱིས་མི་ཁྱབ་པ་ལ་ཡང་མོས་པ་ཡིན་ནོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་
D169.059.0293b02.01གི་ལུས་ཀྱི་ལས་དང་། ལུས་ཀྱི་སྤྱོད་ལམ་ཡོངས་སུ་དག་པ། ཆགས་པ་མེད་ཅིང་སྒྲིབ་པ་མེད་པ། འཇིག་རྟེན་གྱི་ཁམས་རབ་འབྱམ་ཐམས་ཅད་ཀྱི་རྗེས་སུ་སོང་བ་ལ་མོས་སོ། །འདས་པའི་དེ་བཞིན་གཤེགས་པ་དེ་དག་གི་ངག་གི་ལས་འཇིག་རྟེན་གྱི་ཁམས་ཐམས་ཅད་དུ་ཁྱབ་པའི་དབྱངས་སྒྲ་
D169.059.0293b03.01བརྗོད་པ་ཆགས་པ་མེད་ཅིང་སྒྲིབ་པ་མེད་ལ་བསམ་གྱིས་མི་ཁྱབ་པ་ཐམས་ཅད་དང་། སངས་རྒྱས་ཀྱི་སྒྲ་སྐད་དང་། དབྱངས་དང་། ཆོས་ཀྱི་སྒོ་ཚད་མེད་པ་བསྟན་པ་ཐམས་ཅད་ཀྱི་རྗེས་སུ་སོང་བ་ལ་མོས་སོ། །འདས་པའི་དེ་བཞིན་གཤེགས་པ་དེ་དག་གི་སེམས་ཀྱི་ལས་དུས་ཐམས་
D169.059.0293b04.01ཅད་དང་། ཞིང་ཐམས་ཅད་དང་། སངས་རྒྱས་ཐམས་ཅད་དང་། ཆོས་ཐམས་ཅད་དང་། སེམས་ཅན་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། ཉན་ཐོས་དང་། རང་སངས་རྒྱས་ཐམས་ཅད་དང་། འགྲོ་བ་ཐམས་ཅད་ཀྱི་ལས་ཀྱི་རྣམ་པར་སྨིན་པ་ཤིན་ཏུ་རྣམ་པར་ཕྱེ་བ་རྣམ་པར་
D169.059.0293b05.01འབྱེད་པ་ལ་མོས་སོ། །འདས་པའི་དེ་བཞིན་གཤེགས་པ་དེ་དག་གི་འོད་ཟེར་གྱི་དྲ་བ་བཀོད་པ་ཆགས་པ་མེད་ཅིང་སྒྲིབ་པ་མེད་པ་ལ་ཡང་མོས་ཤིང་ཡིད་ཆེས་ཏེ། ཐེ་ཚོམ་མི་ཟ་ནེམ་ནུར་མེད་ཅིང་མི་དངང་ལ་ཀུན་ཏུ་མི་དངང་མི་སྐྲག་ལ་ཀུན་ཏུ་སྐྲག་པར་མི་འགྱུར་ཏེ། སངས་རྒྱས་ཀྱི་ཡུལ་བསམ་གྱིས་མི་
D169.059.0293b06.01ཁྱབ་པ་ལ་ཡང་མོས་སོ། །སེམས་ཅན་གཞན་དག་ཀྱང་མོས་པའི་ཆོས་ཉིད་རྣམ་པ་འདི་ལྟ་བུ་ཡང་དག་པར་འཛིན་དུ་འཇུག་གོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ན་འདས་པའི་དུས་ལ་དེ་བཞིན་གཤེགས་པའི་ཡེ་ཤེས་མཐོང་བ་ཆགས་པ་མེད་ཅིང་ཐོགས་པ་མེད་
D169.059.0293b07.01