完整藏文原文 · 德格版页 当前仅加载第 59 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་ནི་མངོན་པར་འདུ་བྱ་བ་མེད་པས་དུལ་བ་སྟེ། དེ་ལ་མངོན་པར་འདུ་བྱེད་པ་ཐམས་ཅད་ཀུན་དུ་རྒྱུ་བ་མེད་དོ། །ཆོས་ཐམས་ཅད་ནི་རྐྱེན་གྱི་ཁ་ན་ལས་པ་སྟེ། དེ་ལ་ལྟ་བར་སོང་བ་ཐམས་ཅད་ཀུན་དུ་རྒྱུ་བ་མེད་དོ། །གང་རྟེན་ཅིང་འབྲེལ་པར་འབྱུང་
D169.059.0272a01.01བའི་ཆོས་ཐམས་ཅད་ལ་ངེས་པ་དང་། ཡང་དག་པ་ཁོ་ན་དང་། ཉོན་མོངས་པ་ཐམས་ཅད་ཉོན་མོངས་པ་མ་ཡིན་པ་དང་། ཤིན་ཏུ་ཞི་བ་དང་། སྟོང་པ་ཉིད་གང་གིས་བྱང་ཆུབ་སྟོང་པའི་སྟོང་པ་ཉིད་དེས་ཉོན་མོངས་པ་ཐམས་ཅད་སྟོང་པར་གང་དེ་ལྟར་སྟོང་པ་ཉིད་ཁོང་དུ་ཆུད་པ་
D169.059.0272a02.01འདི་ནི་ཉོན་མོངས་པ་འདུལ་བ་ཞེས་བྱ་སྟེ། གང་འདི་སྐད་སྨྲ་བ་འདི་ནི་འདུལ་བ་སྨྲ་བ་ཡིན་ནོ། །བདག་འདུལ་བའི་ཕྱིར་འདུལ་ཞིང་གང་བདག་འདུལ་བ་ཤེས་པ་དེ་ནི་ཉོན་མོངས་པ་འདུལ་བ་ཤེས་པའོ། །དེ་ལ་བདག་འདུལ་བ་གང་ཞེ་ན། གང་བདག་ལ་བདག་མེད་པར་ཤེས་པ་
D169.059.0272a03.01དང་། བདག་གི་ངོ་བོ་ཉིད་ཤེས་པ་དང་། བདག་དབེན་པར་ཤེས་པ་དང་། བདག་ཇི་ལྟ་བ་བཞིན་དང་། བདག་མི་འཁྲུགས་པ་དང་། བདག་སྟོང་པ་ཉིད་དང་། བདག་དངོས་པོ་མེད་པ་ཉིད་དང་། བདག་དེ་བཞིན་ཉིད་དང་། བདག་མི་དམིགས་པ་དང་། བདག་རྒོད་པ་
D169.059.0272a04.01མེད་པ་དང་། བདག་སྒྲོ་བཏགས་པ་མེད་པ་དང་། བདག་རྟག་ཏུ་སྐྱེ་བ་མེད་པར་ཤེས་པ་སྟེ། གང་དེ་ལྟར་བདག་ཤེས་པ་ནི་ཉོན་མོངས་པ་རྣམ་པ་ཐམས་ཅད་ཤེས་པའོ། །ཇི་ལྟར་བདག་མེད་པ་ལ་བདག་ཏུ་འདུ་ཤེས་ཕྱིན་ཅི་ལོག་པ་དེ་བཞིན་དུ་ཉོན་མོངས་པ་མེད་པ་ལ་ཉོན་
D169.059.0272a05.01མོངས་པར་འདུ་ཤེས་ཕྱིན་ཅི་ལོག་གོ། །ཇི་ལྟར་བདག་རང་བཞིན་གྱིས་བདག་མེད་པ་དེ་བཞིན་དུ་ཉོན་མོངས་པ་ཡང་རང་བཞིན་གྱིས་ཉོན་མོངས་པ་མེད་པ་སྟེ། གང་དེ་ལྟར་ལྷག་མཐོང་གིས་ཤེས་པ་དེ་ནི་ཉོན་མོངས་པ་འདུལ་བ་ཞེས་བྱའོ། །དེ་ལ་འདས་པའི་ཉོན་མོངས་པ་དུལ་
D169.059.0272a06.01བ་མ་ཡིན། མ་འོངས་པའང་མ་ཡིན། ད་ལྟར་བྱུང་བའང་མ་ཡིན་ནོ། །དེ་ཅིའི་ཕྱིར་ཞེ་ན། ཀུན་དུ་རྒྱུ་བ་མེད་ཅིང་ཡིད་ལ་བྱེད་པ་མེད་པ་དེ་ནི་ཉོན་མོངས་པ་འདུལ་བའོ། །གང་ཀུན་དུ་རྒྱུ་བ་མེད་ཅིང་ཡིད་ལ་བྱེད་པ་མེད་པ་དེ་ནི་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་
D169.059.0272a07.01