完整藏文原文 · 德格版页 当前仅加载第 59 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
ཏིང་ངེ་འཛིན་ཤིན་ཏུ་བསྒོམས་པ་དང་། རྒྱ་མཚོའི་ཕྱག་རྒྱའི་གཟུངས་ལ་མཁས་པས་དེ་བཞིན་གཤེགས་པ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། བརྒྱ་བྱིན་དང་། ཚངས་པ་དང་།
D169.059.0285a01.01འཇིག་རྟེན་སྐྱོང་བ་དང་། མི་དང་མི་མ་ཡིན་པ་ཐམས་ཅད་ཀྱིས་བསྟོད་ཅིང་བསྟི་སྟང་དུ་བྱས་ཏེ། མཆོད་ཅིང་རི་མོར་བྱས་ཀྱང་རྗེས་སུ་ཆགས་པ་མེད། བདུད་དང་། གཞན་མུ་སྟེགས་ཅན་དང་། ཕས་ཀྱིས་རྒོལ་བ་དང་། འཚེ་བ་ཅན་གྱི་སེམས་ཅན་ཐམས་ཅད་ཀྱིས་དཀྲུགས་ཤིང་གནོད་པར་བྱས་
D169.059.0285a02.01ཀྱང་ཁོང་ཁྲོ་བ་མེད་ལ། སེམས་མཚུངས་ཤིང་མཉམ་པ་ཡིན་ཏེ་ཕན་འདོགས་པ་དང་། གནོད་པར་བྱས་པ་ལ་ས་དང་མཚུངས་པའི་སེམས་དང་། ཆུ་དང་མཚུངས་པའི་སེམས་དང་། མེ་དང་མཚུངས་པའི་སེམས་དང་། རླུང་དང་མཚུངས་པའི་སེམས་ཀྱིས་ཁེངས་པར་མི་འགྱུར། གདུང་བར་མི་འགྱུར་
D169.059.0285a03.01ཞིང་མི་འཁྲུགས་ཏེ། ནམ་མཁའ་དང་མཚུངས་པའི་སེམས་ཀྱིས་མཉམ་པ་ཉིད་དུ་སྦྱོར་ཞིང་སེམས་ཅན་ཐམས་ཅད་ལ་བཏང་སྙོམས་པར་གནས་པ་ཡིན་ནོ། །དེ་ཆོས་ངེས་པར་སེམས་པའི་བཏང་སྙོམས་འདི་དང་ལྡན་པས་སེམས་ཅན་ཐམས་ཅད་ལ་སྙིང་རྗེ་ཆེན་པོ་ཕྱིར་མི་ལྡོག་སྟེ། སེམས་ཅན་
D169.059.0285a04.01འདུལ་བའི་དུས་ལ་ཡང་རུབ་ཅིང་། ཅི་རིགས་པར་ཆོས་སྟོན་པའི་རྒྱུན་ཡང་མི་གཅོད་པ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱིས་ཆོས་མ་འདྲེས་པ་དྲུག་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། རྟག་ཏུ་རྒྱུན་མི་འཆད་པར་མོས་
D169.059.0285a05.01པ་དྲག་པ་ཡིན་ཏེ། དགེ་བའི་རྩ་བ་ཐམས་ཅད་ཡོངས་སུ་ཚོལ་བ་ལ་མོས་པ་རླབས་པོ་ཆེ་དང་། མོས་པ་ཆེན་པོ་དང་། མོས་པ་ཟབ་མོས་དགེ་བའི་རྩ་བ་སྣ་ཚོགས་བསྐྲུན་པར་མོས་སོ། །ཉན་ཐོས་དང་། རང་སངས་རྒྱས་ཀྱིས་ཡོངས་སུ་སྤོང་བར་མོས་སོ། །ཐེག་པ་ཆེན་པོ་ལས་ཕྱིར་མི་
D169.059.0285a06.01ལྡོག་པར་མོས་སོ། །སེམས་ཅན་ཐམས་ཅད་ལ་སྙིང་རྗེ་ཆེན་པོ་བཏང་བ་ཡིད་ལ་བྱེད་པ་མི་འདོར་བར་མོས་སོ། །རང་གིས་རྟོག་ཅིང་གྲུབ་ཀྱི། གཞན་གྱི་དྲིང་ལ་མི་འཇོག་པར་སངས་རྒྱས་ཀྱི་ཆོས་ཡང་དག་པར་བསྒྲུབ་པར་མོས་ཏེ། བདུད་དང་གཞན་མུ་སྟེགས་ཅན་དམིགས་པ་ཅན་ལྟ་བ་ལ་
D169.059.0285a07.01