完整藏文原文 · 德格版页 当前仅加载第 59 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུན་བྱིན་པ་ཡི། །བསོད་ནམས་དེས་ནི་གང་ཞིག་སེམས་ཅན་དོན་ཕྱིར་སྙིང་བརྩེ་སྙིང་རྗེ་བསྐྱེད། །བྱང་ཆུབ་ཞུགས་པའི་བསོད་ནམས་དེ་ཡི་གྲངས་ཆ་གང་དུའང་འགྱུར་མ་ཡིན། །སངས་རྒྱས་བྱེ་བ་ཁྲག་ཁྲིག་སྟོང་ཕྲག་དུ་མ་གང་གཱའི་བྱེ་སྙེད་ལ། །བསྐལ་
D169.059.0277a01.01པ་བྱེ་བ་ཁྲག་ཁྲིག་མང་པོར་མེ་ཏོག་སྤོས་ཀྱིས་མཆོད་པ་བས། །བྱང་ཆུབ་བརྟན་པ་ཕན་བྱེད་གང་ཞིག་གོམ་པ་བདུན་ནི་རབ་བོར་བས། །རྒྱལ་བ་མཆོད་པ་འདི་ནི་དམ་པ་གཙོ་བོ་གྱ་ནོམ་མཆོག་གི་ཕུལ། །གང་ཞིག་བྱང་ཆུབ་སེམས་བསྐྱེད་འཇིག་རྟེན་འདྲེན་པར་འགྱུར་
D169.059.0277a02.01བར་སྨོན་བཏབ་པ། །དེ་ནི་སྦྱིན་པ་དེ་བཞིན་ཚུལ་ཁྲིམས་གཞལ་ཡས་བཟོད་པའི་སྟོབས་ཀྱི་མཆོག །དེ་ནི་བརྩོན་འགྲུས་བརྟན་པ་ཏིང་འཛིན་གཞལ་ཡས་ཤེས་རབ་མི་གཡོས་པ། །དེ་ནི་མཐའ་ཡས་བསགས་པའི་བསོད་ནམས་ལམ་སྟེ་ཟད་པར་འགྱུར་མ་ཡིན། །
D169.059.0277a03.01གང་ཞིག་བསམ་པས་ཡིད་རབ་དགའ་ཞིང་ཐམས་ཅད་མཁྱེན་ལ་རབ་འཇུག་པ། །བསྔགས་དང་བརྗོད་དང་གྲགས་དང་གཟུགས་དང་གཡོག་ནི་ཤིན་ཏུ་མཛེས་པ་འཐོབ། །དེས་ནི་ལོངས་སྤྱོད་དབང་ཕྱུག་སྟོབས་རྣམས་རྟག་འཐོབ་སེམས་དང་དྲན་པ་འཕགས། །དེ་ནི་འཁོར་
D169.059.0277a04.01ལོས་སྒྱུར་རྒྱལ་སྟོབས་ལྡན་དེ་ལྟར་བརྒྱ་བྱིན་ཚངས་པར་འགྱུར། །མི་གང་ལ་ལ་བྱང་ཆུབ་རྡུལ་དང་བྲལ་བ་བླ་མེད་ཞི་འཇུག་པ། །དེ་ནི་ངན་སོང་ངན་འགྲོ་ལམ་དང་མི་ཁོམ་བརྒྱད་པོ་ཐམས་ཅད་གཅོད། །དེ་ནི་ལྷ་དང་མི་ཡི་ལམ་རྣམས་རབ་ཏུ་འབྱེད་ཅིང་རྣམ་པར་
D169.059.0277a05.01སྦྱངས། །ལོང་བར་མི་འགྱུར་འོན་པར་མ་ཡིན་དབང་པོ་ཐམས་ཅད་ཚང་བར་འགྱུར། །གང་ཞིག་བྱང་ཆུབ་འཇུག་ཅིང་བློ་གྲོས་ལྡན་པ་སེམས་ཅན་སྐྱབས་གཉེར་བ། །སངས་རྒྱས་མཐོང་ཞིང་དེ་དག་ལ་ཡང་མཆོད་བྱེད་མཁས་པ་ཆོས་ཀྱང་ཉན། །ཤེས་རབ་ཡེ་ཤེས་ལྡན་
D169.059.0277a06.01ཞིང་བློ་ནི་ཤིན་ཏུ་རླབས་ཆེ་ཆེན་པོར་འགྱུར། །ཐེ་ཚོམ་ནེམ་ནུར་མེད་ཅིང་ང་རྒྱལ་བྲལ་བ་རྟག་ཏུ་དྲང་པོར་འགྱུར། །གང་ཞིག་བྱང་ཆུབ་སེམས་བསྐྱེད་འདི་འདྲའི་དཔལ་གྱི་བྱང་ཆུབ་འཇུག་པ་དེ། །འདོད་པའི་དགའ་ལ་དགའ་བ་རྙེད་པར་མི་འགྱུར་ཆོས་ལ་དགའ་བ་རྙེད། །དེ་ནི་
D169.059.0277a07.01