完整藏文原文 · 德格版页 当前仅加载第 59 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་དྲི་མས་གོས་པར་མི་འགྱུར་ཆུ་ལས་པད་མ་བཞིན། །ཤེས་རབ་ཡེ་ཤེས་ཡོན་ཏན་རྣམས་ཀྱིས་མི་ངོམས་ཕྱིར་ཞིང་ཚོལ་བར་བྱེད། །བྱང་ཆུབ་ཞུགས་ནས་སྙིང་རྗེས་མཐའ་ཡས་གང་ཞིག་ཟད་པར་མི་ནུས་པ། །སྐྱབས་དང་གླིང་དང་དཔུང་གཉེན་དག་དང་སེམས་ཅན་
D169.059.0277b01.01རྣམས་ཀྱི་ཕ་མར་འགྱུར། །དེ་ནི་འགྲོ་བའི་སྨན་པ་སློབ་དཔོན་བླ་མ་དེད་དཔོན་ཆེན་པོར་འགྱུར། །འཇིག་རྟེན་དང་ནི་འཇིག་རྟེན་འདས་པའི་སྨན་སྦྱིན་ནད་རྣམས་ཞི་བར་བྱེད། །ཤ་ར་དྭ་ཏིའི་བུ་དེ་ནས་རྒྱལ་པོ་བསོད་ནམས་ཀྱི་རྣམ་པར་སྨིན་པ་ཡོངས་སུ་དག་པ་དེས་དེ་བཞིན་གཤེགས་
D169.059.0277b02.01པ་རྣམ་པར་གཟིགས་དེ་ལས་བྱང་ཆུབ་ཀྱི་སེམས་ཀྱི་ཡོན་ཏན་དང་ཕན་ཡོན་དང་། བསོད་ནམས་ཚད་མེད་པ་འདི་ཐོས་ནས་ཚིམ་ཞིང་མགུ་ལ་ཡི་རངས་ཤིང་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས་བསམ་པ་ཐག་པ་ནས་བླ་ན་མེད་པ་ཡང་དག་པར་རྫོགས་
D169.059.0277b03.01པའི་བྱང་ཆུབ་ཏུ་སེམས་བསྐྱེད་དེ། བུད་མེད་ཀྱི་འཁོར་དེ་དག་དང་། བུ་ཐུ་བོ་དང་། བློན་པོ་དང་། མཁར་གྱི་རྒྱལ་པོ་དང་། སྐྱེ་བོའི་ཚོགས་ཆེན་པོ་དེ་ལ་ཚིགས་སུ་བཅད་པ་འདི་དག་སྨྲས་སོ། །སེམས་ཅན་དག་ལ་སྙིང་རྗེ་བྱམས་བསྐྱེད་ནས། །ང་ནི་བྱང་ཆུབ་དམ་པ་མཆོག་
D169.059.0277b04.01ལ་ཞུགས། །གང་ཞིག་གང་ལ་དགའ་བ་ཡིད་འོང་འདོད། །དེས་ནི་བྱང་ཆུབ་སེམས་བརྟན་ཡང་དག་སྐྱེད། །མི་རིགས་སྦྱོར་བ་སྡུག་བསྔལ་གྱུར་པ་ཡིས། །སྔོན་ཆད་འཁོར་བ་བྱེ་བ་མ་ཤེས་ཀྱིས། །བྱང་ཆུབ་མཆོག་གི་ལམ་དུ་ཞུགས་ཤིག་དང་། །སེམས་ཅན་དོན་བརྩོན་སྡུག་
D169.059.0277b05.01བསྔལ་བདེ་བར་འགྱུར། །གང་དག་རྫུ་འཕྲུལ་སྤོབས་པ་ཡེ་ཤེས་དང་། །ཤེས་རབ་འཁོར་དང་དེ་བཞིན་མཆོད་པ་དང་། །སངས་རྒྱས་རྣམ་གཟིགས་ཡོན་ཏན་དཔག་མེད་པ། །འདི་དག་ཐམས་ཅད་མཁྱེན་པའི་སེམས་ལས་བྱུང་། །ལྷ་མིའི་འཇིག་རྟེན་བདེ་བ་
D169.059.0277b06.01གང་དག་དང་། །བརྒྱ་བྱིན་ཚངས་པ་འཁོར་ལོས་སྒྱུར་བ་དང་། །གང་དག་ཟག་བཅས་ཟག་པ་མེད་པའི་བདེ། །འདི་དག་ཐམས་ཅད་མཁྱེན་པའི་སེམས་ལས་བྱུང་། །བསྡུ་དང་བསམ་གཏན་དེ་ལྟར་ཚད་མེད་གང་། །དེ་བཞིན་གང་དག་ཕ་རོལ་ཕྱིན་ལམ་དང་། །
D169.059.0277b07.01