完整藏文原文 · 德格版页 当前仅加载第 59 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་མ་འོངས་པའི་དེ་བཞིན་གཤེགས་པ་ཐམས་ཅད་ཀྱི་མཚན་ཐ་དད་པ་དང་། ཚེའི་ཚད་ཐ་དད་པ་{གོ་རིམས་,གོ་རིམ་}བཞིན་དུ་བརྡ་སྤྲད་པའི་མཐའ་ནི་མི་རྟོགས་སོ། །དེ་བཞིན་དུ་མ་འོངས་པའི་བྱང་ཆུབ་སེམས་དཔའ་རྣམས་དང་། ཉན་ཐོས་རྣམས་དང་། རང་སངས་རྒྱས་རྣམས་དང་། སེམས་ཅན་རྣམས་
D169.059.0295a01.01དང་། སེམས་ཅན་གྱི་སྤྱོད་པ་རྣམས་དང་། སེམས་ཅན་གྱི་ལས་རྣམས་དང་། སེམས་ཅན་གྱི་རྣམ་པར་སྨིན་པ་སོ་སོར་མྱོང་བ་རྣམས་དང་། དེ་བཞིན་དུ་མ་འོངས་པའི་བསྐལ་པ་ཐམས་ཅད་དེ། བསྐལ་པ་གང་དག་སངས་རྒྱས་དང་བཅས་པ་དག་དང་། གང་དག་སངས་རྒྱས་མེད་པ་དག་དང་། བསྐལ་
D169.059.0295a02.01པ་གང་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་སྙེད་འབྱུང་བར་འགྱུར་བའི་བསྐལ་པ་དེ་དག་{གོ་རིམས་,གོ་རིམ་}བཞིན་དུ་བརྡ་སྤྲོད་པའི་མཐའ་ནི་མི་རྟོགས་སོ། །དེ་བཞིན་དུ་མ་འོངས་པའི་འཇིག་རྟེན་གྱི་ཁམས་ཐམས་ཅད་ཀྱི་མིང་ཐ་དད་པ་དང་། གང་དག་
D169.059.0295a03.01ཀུན་ནས་ཉོན་མོངས་པ་ཅན་དག་དང་། གང་དག་རྣམ་པར་དག་པ་དང་། གང་དག་ཆུང་བ་དག་དང་། གང་དག་ཆེར་གྱུར་པ་དག་དང་། གང་དག་ཕྲ་བ་དག་དང་། གང་དག་རགས་པ་དག་དང་། གང་དག་རྡུལ་ཕྲ་རབ་ལ་འཇུག་པའི་རྗེས་སུ་ཞུགས་པ་དག་དང་། གང་དག་སྤྱིའུ་ཚུགས་པ་དག་
D169.059.0295a04.01དང་། གང་དག་འཐུན་པ་དག་དང་། གང་དག་ཕྱོགས་དང་། ཕྱོགས་མཚམས་རྣམ་པར་གཞག་པ་དང་། མིག་འཕྲུལ་རྣམ་པར་དབྱེ་བ་ལ་འཇུག་པའི་རྗེས་སུ་ཞུགས་པ་མ་འོངས་པའི་འཇིག་རྟེན་གྱི་ཁམས་དེ་དག་ཐམས་ཅད་{གོ་རིམས་,གོ་རིམ་}བཞིན་དུ་བརྡ་སྤྲོད་པའི་མཐའ་ནི་མི་རྟོགས་སོ། །དེ་ལ་དེ་བཞིན་
D169.059.0295a05.01གཤེགས་པ་ལུང་བསྟན་པ་ཐམས་ཅད་ལ་རྨོངས་པ་མེད་དེ། ལག་མཐིལ་དང་སོར་མོ་ལྔ་མཐོང་བའི་ཚུལ་དུ་དེ་བཞིན་གཤེགས་པའི་ཡེ་ཤེས་ཀྱིས་ཐམས་ཅད་ཤེས་ཏེ། བུ་མོ་འདི་ནི་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་བཅུ་བདུན་པའོ། །བུ་མོ་གཞན་ཡང་བྱང་ཆུབ་སེམས་དཔའ་
D169.059.0295a06.01བྱང་ཆུབ་སེམས་དཔའི་སྤྱད་པ་སྤྱོད་པ་ན་ད་ལྟར་བྱུང་བའི་སངས་རྒྱས་རྣམས་ཀྱི་ཡེ་ཤེས་ཆགས་པ་མེད་པ་ཐོས་ན་མོས་ཤིང་ཡིད་ཆེས་ཏེ། ཐེ་ཚོམ་མི་ཟ་ནེམ་ནུར་མེད་ཅིང་མི་དངང་མི་སྐྲག་སྐྲག་པར་མི་འགྱུར་ཏེ། སངས་རྒྱས་ཀྱི་ཡུལ་བསམ་གྱིས་མི་ཁྱབ་པ་ལ་ཡང་མོས་པ་ཡིན་ནོ། །ད་ལྟར་བྱུང་བའི་
D169.059.0295a07.01