完整藏文原文 · 德格版页 当前仅加载第 59 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
འཇམ་པའི་ཚིག་གི་རྣམ་པ་དང་། ཁྱད་པར་ཅན་གྱི་ཚིག་གི་རྣམ་པ་དང་། ཁ་དྲི་རབ་ཏུ་ཞིམ་པའི་ཚིག་གི་རྣམ་པ་དང་། བཀའ་བློ་བདེ་བའི་རྣམ་པ་དང་། སླུ་བ་མེད་པའི་རྣམ་པ་དང་། གདུང་བ་མེད་པའི་རྣམ་པ་དང་། དགའ་ཞིང་མཆོག་ཏུ་དགའ་བའི་རྣམ་པ་
D169.059.0265a01.01དང་། བདག་ལ་ངེས་པར་སེམས་པའི་རྣམ་པ་དང་། གཞན་ལ་ངེས་པར་སེམས་པའི་རྣམ་པ་དང་། འཁྲུལ་པ་མེད་པའི་རྣམ་པ་དང་། ཁ་ན་མ་ཐོ་བ་མེད་པའི་རྣམ་པ་དང་། སྦྱིན་པའི་གནས་ཀྱི་སའི་རྣམ་པ་དང་། སངས་རྒྱས་མཉེས་པར་བྱེད་པའི་རྣམ་པ་དང་།
D169.059.0265a02.01བདེན་པའི་རྗེས་སུ་འཐུན་པའི་ངག་རབ་ཏུ་འཐོབ་པའི་རྣམ་པ་སྟེ། བུ་མོ་འདི་དག་ནི་བདེན་པའི་རྣམ་པ་ཡོངས་སུ་དག་པ་སུམ་ཅུ་རྩ་གཉིས་སོ། །བུ་མོ་གཞན་ཡང་བྱང་ཆུབ་སེམས་དཔའི་བདེན་པ་ནི་གང་དམ་བཅས་པ་ཡོངས་སུ་རྫོགས་པའོ། །དེ་ཅིའི་ཕྱིར་ཞེ་ན། བྱང་ཆུབ་
D169.059.0265a03.01ནི་བྱང་ཆུབ་སེམས་དཔའ་སྦྱིན་པ་ལ་མོས་པ་དག་གི་ཡིན་གྱི། སེར་སྣ་ཅན་དག་གི་མ་ཡིན་ཏེ། འདི་ནི་དེའི་དམ་བཅས་པའོ། །གང་བདོག་པ་ཐམས་ཅད་ཡོངས་སུ་གཏོང་བར་ཀུན་ཏུ་སྣང་བ་འདི་ནི་དེའི་བདེན་པའོ། །བྱང་ཆུབ་ནི་བྱང་ཆུབ་སེམས་དཔའི་ཚུལ་ཁྲིམས་ཡོངས་སུ་དག་པ་
D169.059.0265a04.01དག་གི་ཡིན་གྱི། ངང་ཚུལ་ངན་པ་དག་གི་མ་ཡིན་ཏེ། འདི་ནི་དེའི་དམ་བཅས་པའོ། །གང་ཚུལ་ཁྲིམས་ཡོངས་སུ་དག་པར་ཀུན་དུ་སྣང་བ་འདི་ནི་དེའི་བདེན་པའོ། །བྱང་ཆུབ་ནི་བྱང་ཆུབ་སེམས་དཔའ་བཟོད་པའི་སྟོབས་རབ་ཏུ་འཐོབ་པ་དག་གི་ཡིན་གྱི། གནོད་སེམས་ཅན་དག་
D169.059.0265a05.01གི་མ་ཡིན་ཏེ། འདི་ནི་དེའི་དམ་བཅས་པའོ། །གང་བཟོད་པ་དང་དེས་པར་ཀུན་དུ་སྣང་བ་འདི་ནི་དེའི་བདེན་པའོ། །བྱང་ཆུབ་ནི་བྱང་ཆུབ་སེམས་དཔའ་བརྩོན་འགྲུས་བརྩམས་པ་དག་གི་ཡིན་གྱི། ལེ་ལོ་ཅན་དག་གི་མ་ཡིན་ཏེ། འདི་ནི་དེའི་དམ་བཅས་པའོ། །གང་དགེ་བའི་རྩ་བ་
D169.059.0265a06.01ཐམས་ཅད་བརྩོན་པར་ཀུན་དུ་སྣང་བ་འདི་ནི་དེའི་བདེན་པའོ། །བྱང་ཆུབ་ནི་བྱང་ཆུབ་སེམས་དཔའ་བསམ་གཏན་ལ་རབ་ཏུ་གནས་པ་དག་གི་ཡིན་གྱི་སེམས་གཡེང་བ་དག་གི་མ་ཡིན་ཏེ། འདི་ནི་དེའི་དམ་བཅས་པའོ། །གང་བསམ་གཏན་གྱི་ཡན་ལག་ཡང་དག་པར་སྒྲུབ་པར་ཀུན་དུ་
D169.059.0265a07.01