完整藏文原文 · 德格版页 当前仅加载第 59 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
སོ་སོའི་སྐྱེ་བོ་རྣམས་ལ་ཆགས་ཞེན་པ་ལ་འཕགས་པའི་བདེན་པ་བསྟན་ནས་ཡོངས་སུ་ཐར་བར་བྱེད་དོ། །ཕྱིན་ཅི་ལོག་ལ་ཆགས་ཞེན་པ་ལ་མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། ཞི་བ་བསྟན་ནས་ཡོངས་སུ་ཐར་བར་བྱེད་དོ། །སྒྲིབ་པ་དང་ཆོད་པ་
D169.059.0289a01.01དང་ཀུན་ནས་དཀྲིས་པ་དང་། ལྟ་བ་ཐམས་ཅད་ལ་ཆགས་ཞེན་པ་ལ་སྒྲིབ་པ་མེད་པའི་རྣམ་པར་ཐར་པ་བསྟན་ནས་ཡོངས་སུ་ཐར་བར་བྱེད་དོ། །ཉོན་མོངས་པ་ཅན་ཐམས་ཅད་ལ་ཆགས་ཞེན་པ་ལ་བྱང་ཆུབ་ཀྱི་ཕྱོགས་ཀྱི་ཆོས་བསྟན་ནས་ཡོངས་སུ་ཐར་བར་བྱེད་དོ། །དེ་ཆོས་ཡང་དག་པར་བླངས་
D169.059.0289a02.01པ་འདི་དང་ལྡན་པས་བྱང་ཆུབ་ཐོབ་པ་ན་དེ་བཞིན་གཤེགས་པ་ལ་རྣམ་པར་གྲོལ་བར་ཉམས་པ་མེད་པ་ཞེས་བྱ་སྟེ། དེ་ལ་དེ་མེད་པ་ཡིན་ནོ། །དེའི་རྣམ་པར་གྲོལ་བ་དེ་མི་འཁྲུགས་ཤིང་ཤིན་ཏུ་མཐར་ཐུག་སྟེ། དབའ་རླབས་མེད་ལ་ཤིན་ཏུ་བསིལ་བའི་དངོས་པོར་གྱུར་ཅིང་ཟབ་སྟེ། ཉན་ཐོས་དང་
D169.059.0289a03.01རང་སངས་རྒྱས་ཐམས་ཅད་ཀྱིས་གཏིང་དཔག་དཀའ་བ་ཡིན་སངས་རྒྱས་ཐམས་ཅད་དང་མཉམ་པ་ཉིད་ཀྱི་རྗེས་སུ་སོང་བ་ཡིན། དྲི་མ་མེད་ཅིང་དྲི་མ་དང་བྲལ་ཏེ་རྙོག་པ་མེད་པའི་ཤིན་ཏུ་ཡོངས་སུ་དག་པ་ཡིན། ཞི་གནས་དང་ལྷག་མཐོང་གི་ས་རྣམས་ལ་ཤིན་ཏུ་ཡོངས་སུ་སྦྱང་བ་བྱེད་པས་ཟད་མི་
D169.059.0289a04.01ཤེས་པ་ཡིན། བསྟན་པ་མཐའ་ཡས་མུ་མེད་པ་ཡིན། ཆགས་པ་མེད་ཅིང་སྒྲིབ་པ་མེད་པ་ཡིན། ནམ་མཁའི་དབྱིངས་སུ་ཡང་དག་པར་འདུ་བ་ཡིན་ཏེ། དྲི་མ་མེད་པའི་སྙིང་པོའི་ཏིང་ངེ་འཛིན་ཤིན་ཏུ་བསྒོམས་པ་དང་། ཆོས་ཐམས་ཅད་སྣང་བ་དང་ལྡན་པས་གཟུངས་ལ་མཁས་པས་དེ་བཞིན་
D169.059.0289a05.01གཤེགས་པ་ཐམས་ཅད་ཀྱིས་རྣམ་པར་གྲོལ་བའི་མཚན་ཉིད་ཀྱི་ཆོས་བསྟན་པ་དང་རྒྱུ་འཐུན་པ་ཡིན་ཏེ། ཐམས་ཅད་ལས་བྱུང་ཞིང་ཆོས་ཐམས་ཅད་ཀྱི་སྣང་བ་དང་ལྡན་པ་ཡིན། མྱ་ངན་ལས་འདས་པ་ལ་གཞོལ་བ་ཡིན། མྱ་ངན་ལས་འདས་པ་ལ་འབབ་པ་ཡིན། མྱ་ངན་ལས་འདས་པ་ལ་
D169.059.0289a06.01བབ་པ་ཡིན་ཏེ། ཤིན་ཏུ་མཐར་ཐུག་ཅིང་ཤིན་ཏུ་མཐར་ཕྱིན་པ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་བཅུ་གཅིག་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡེ་ཤེས་ལྷུར་ལེན་པ་ཡིན་ཏེ། ཡེ་ཤེས་ཀྱི་སྟོབས་
D169.059.0289a07.01