完整藏文原文 · 德格版页 当前仅加载第 59 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བསྐལ་པ་བསྟན་པ་ཤེས་པ་དག་ལ་དེའི་ཤེས་རབ་དེ་ཐོགས་པ་མེད་ཅིང་སྒྲིབ་པ་མེད་པ་ཡིན་ནོ། །དེའི་ཤེས་རབ་དེ་སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བའི་དུས་ལ་ཆགས་པ་མེད་ཅིང་སྒྲིབ་པ་མེད་དེ་ཐམས་ཅད་དུ་ཐོགས་པ་མེད་དོ། །ཕྱི་མའི་མཐར་
D169.059.0288a01.01དེ་བཞིན་གཤེགས་པ་རྣམས་ལ་བསྟན་ཀྱང་ཐུག་པ་མེད་དོ། །དཔྱོད་པའི་འདུ་བྱེད་ཀྱི་ཏིང་ངེ་འཛིན་ཤིན་ཏུ་བསྒོམས་པས་རྗེས་སུ་བསྟན་པའི་ཆོ་འཕྲུལ་གྱིས་དེ་བཞིན་གཤེགས་པའི་ཆོས་ཀྱི་སྒོ་གཅིག་ལས་ཆོས་ཀྱི་སྒོ་ཐམས་ཅད་སྣང་ཞིང་། ཆོས་ཀྱི་སྒོ་ཐམས་ཅད་ཆོས་ཀྱི་སྒོ་
D169.059.0288a02.01གཅིག་གིས་ཡང་དག་པར་སྒྲུབ་པ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་བཅུ་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། རྟག་ཏུ་རྒྱུན་མི་འཆད་པར་ཁྱིམ་གྱི་གནས་དོན་དུ་མི་གཉེར་བ་ཡིན། འདོད་པ་དོན་དུ་
D169.059.0288a03.01མི་གཉེར་བ་ཡིན་ཏེ། དེ་ཁྱིམ་ནས་འབྱུང་བར་དགའ་ཞིང་རབ་ཏུ་འབྱུང་བ་མང་བ་ཡིན། དབེན་པ་ལ་གཞོལ། དབེན་པ་ལ་འབབ། དབེན་པ་ལ་བབ་ཅིང་ཆོས་ཟབ་མོ་སྒོམ་པའི་རྣལ་འབྱོར་ལ་བརྩོན་ཏེ། དེ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་།
D169.059.0288a04.01རྣམ་པར་ཐར་པའི་སྒོ་གསུམ་པོ་འདི་དག་སྒོམ་མོ། །གང་ཕས་ཀྱི་རྒོལ་བ་ཐམས་ཅད་ཀྱི་ཡུལ་མ་ཡིན་ཞིང་མི་རྟོགས་པ་དང་། དམིགས་པར་ལྟ་བ་མཚན་མ་ལ་མངོན་པར་དགའ་བ་ཐམས་ཅད་ཀྱིས་རྟོགས་པར་མི་འགྱུར་བའི་རྣམ་པར་ཐར་པའི་སྒོ་གསུམ་པོ་དེ་དག་བསྒོམས་
D169.059.0288a05.01པས་སྒྲིབ་པ་མེད་པ་ཞེས་བྱ་བའི་རྣམ་པར་ཐར་པ་ཀུན་ཏུ་སྐྱེའོ། །ཆགས་པ་མེད་པའི་ཡེ་ཤེས་ཀྱི་སྣང་བ་ཡང་རབ་ཏུ་འཐོབ་བོ། །བདུད་ཀྱི་ཡུལ་ལས་ཀྱང་ཤིན་ཏུ་འདའོ། །ཡེ་ཤེས་ཀྱི་ཡུལ་ཡང་ཡོངས་སུ་རྫོགས་པར་བྱེད་དོ། །སྒྲིབ་པ་དང་ཆོད་པ་དང་ཀུན་ནས་དཀྲིས་པ་
D169.059.0288a06.01དང་། ལྟ་བ་དང་ཉོན་མོངས་པ་དང་མཚན་མ་ཐམས་ཅད་ལ་མི་སྤྱོད་དོ། །དེ་སྒྲིབ་པ་མེད་པའི་རྣམ་པར་ཐར་པ་རབ་ཏུ་ཐོབ་ཅིང་རྣམ་པར་ཐར་པའི་སྒོ་གསུམ་ལ་རྣམ་པར་རྩེན་པས་ཆོས་ཟབ་མོ་སྟོན་པ་ཡིན་ནོ། །དོན་ལ་རྟོན་པ་ཡིན་གྱི་ཚིག་འབྲུ་ལ་རྟོན་པ་མ་ཡིན་ནོ། །ཡེ་ཤེས་
D169.059.0288a07.01