完整藏文原文 · 德格版页 当前仅加载第 59 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ཉིད་མ་ཡིན་པ། དེ་ཁོ་ན་དེ་བཞིན་ཉིད་གཞན་མ་ཡིན་པ་ཉིད། རིང་བ་མ་ཡིན་པ། ཉེ་བ་མ་ཡིན་པ། ཁ་དོག་མེད་པ། རྟགས་མེད་པ། དབྱིབས་མེད་པ། མཚན་མ་མེད་པ། འདི་ན་མ་ཡིན་པ། ཕ་བི་ན་མ་ཡིན་པ། དེ་ལས་མ་ཡིན་པ། གཞན་ལས་མ་ཡིན་པ།
D169.059.0268a01.01ནང་མ་ཡིན་པ། ཕྱི་མ་ཡིན་པ། གཉི་ག་མ་ཡིན་པ། གཞན་མ་ཡིན་པ། གཞན་མ་ཡིན་པ་ཡང་མ་ཡིན་པ། གཞན་དང་གཞན་མ་ཡིན་པ་ཡང་མ་ཡིན་པ། མཐོང་བ་མེད་པ་ཐོས་པ་མེད་པ། དྲན་པ་མེད་པ། བརྗེད་པ་མེད་པ། ཤེས་པ་མེད་པ། རྣམ་པར་ཤེས་པ་མེད་པ།
D169.059.0268a02.01རྣམ་པར་ཤེས་པར་བྱ་བ་དང་། རྣམ་པར་ཤེས་པ་དང་བྲལ་བ། གྲངས་མེད་པ། གྲངས་མེད་པ་མ་ཡིན་པ། གྲངས་ཐམས་ཅད་དང་བྲལ་བ་སྟེ། བུ་མོ་འདི་ནི་ཆོས་ཞེས་བྱའོ། །གང་འདི་འདྲ་བའི་ཆོས་སྐད་དང་། བརྡ་སྣ་ཚོགས་ཀྱིས་འཆད་ཅིང་ཡང་དག་པར་རབ་ཏུ་སྟོན་པ་འདི་
D169.059.0268a03.01ནི་བྱང་ཆུབ་སེམས་དཔའ་ཆོས་སྨྲ་བ་ཞེས་བྱའོ། །གཞན་ཡང་ཆོས་སྨྲ་བ་ནི་སྨྲ་བ་ཐམས་ཅད་ལས་རྣམ་པར་ལོག་པ་ཡིན་ནོ། །ཆོས་སྨྲ་བ་ནི་སུ་དང་ཡང་མི་རྩོད་དོ། །ཆོས་སྨྲ་བ་ནི་གཞན་ལ་ཤིན་ཏུ་རློམ་སེམས་མེད་དོ། །ཆོས་སྨྲ་བ་ནི་མ་བསླབས་པ་ལ་མི་བརྙས་སོ། །ཆོས་སྨྲ་བ་ནི་བསླབས་
D169.059.0268a04.01པ་རྣམས་ལ་མི་འདུད་པ་མ་ཡིན་ནོ། །བདག་བསྟོད་པ་མ་ཡིན་ནོ། །ཆོས་ཉིད་དང་འགལ་བར་མི་བྱེད་དོ། །ཟང་ཟིང་གིས་མ་སྦགས་པའི་རྒྱུད་ཀྱིས་ཆོས་སྟོན་ཏོ། །གཞན་དག་ལ་འགྱོད་པ་མི་སྐྱེད་དོ། །གཞན་གྱི་ལྟུང་བ་གླེང་བར་མི་བྱེད་དོ། །ཆོས་ལ་ཁྱད་དུ་གསོད་པར་མི་བྱེད་དོ། །
D169.059.0268a05.01ཆོས་ཀྱི་བར་ཆད་མི་བྱེད་དོ། །ཆོས་སྨྲ་བ་ནི་བྱང་ཆུབ་ཀྱི་ཕྱིར་མི་འདྲ་བར་ཆོས་གང་ཡང་མི་མཐོང་ངོ་། །སྟོང་པ་ཉིད་ལས་གྲོལ་བའི་ཆོས་མི་སྟོན་ཏོ། །མཚན་མ་མེད་པ་དང་། སྟོན་པ་མེད་པ་ལས་རྣམ་པར་གྲོལ་བའི་ཆོས་མི་སྟོན་ཏོ། །ཆོས་ཀྱི་དབྱིངས་ཐ་དད་དུ་མི་བྱེད་དོ། །དེ་བཞིན་ཉིད་
D169.059.0268a06.01ལས་མི་གཡོའོ། །ཡང་དག་པའི་མཐའ་ལས་ཤིན་ཏུ་མི་འདའོ། །ཚིག་འབྲུ་ལ་རྟོན་པ་མ་ཡིན་ནོ། །རྣམ་པར་ཤེས་པ་ལ་རྟོན་པ་མ་ཡིན་ནོ། །དྲང་བ་ལ་རྟོན་པ་མ་ཡིན་ནོ། །གང་ཟག་ལ་རྟོན་པ་མ་ཡིན་ནོ། །དོན་དང་འགལ་བ་མ་ཡིན་ནོ། །ཚིག་འབྲུ་དང་འགལ་བ་མ་ཡིན་
D169.059.0268a07.01