完整藏文原文 · 德格版页 当前仅加载第 59 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
ན། གང་སངས་རྒྱས་ལ་མི་སླུ་བ་དང་། བདག་ལ་མི་སླུ་བ་དང་། སེམས་ཅན་ཐམས་ཅད་ལ་མི་སླུ་བའོ། །བུ་མོ་བྱང་ཆུབ་སེམས་དཔའ་སངས་རྒྱས་དང་། བདག་དང་། སེམས་ཅན་ཐམས་ཅད་ལ་སླུ་བ་ཇི་ལྟ་བུ་ཞེ་ན། བུ་མོ་གལ་ཏེ་བྱང་ཆུབ་སེམས་དཔའ་བླ་ན་
D169.059.0264a01.01མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ལ་ཉན་ཐོས་ཀྱི་སའམ། རང་སངས་རྒྱས་ཀྱི་ས་འདོད་པར་བྱེད་ཅིང་སྨོན་ཏེ། མངོན་པར་དགའ་བ་དེ་ལྟ་བུ་ནི་བུ་མོ་བྱང་ཆུབ་སེམས་དཔའ་སངས་རྒྱས་དང་། བདག་དང་། སེམས་ཅན་ཐམས་ཅད་ལ་སླུ་བའོ། །
D169.059.0264a02.01བུ་མོ་བྱང་ཆུབ་སེམས་དཔའ་སངས་རྒྱས་དང་། བདག་དང་། སེམས་ཅན་ཐམས་ཅད་ལ་མི་སླུ་བ་ཅི་ལྟ་བུ་ཞེ་ན། བུ་མོ་གང་གི་ཚེ་བྱང་ཆུབ་སེམས་དཔའ་བྱང་ཆུབ་ཏུ་སེམས་བསྐྱེད་ནས་བདུད་དང་དམིགས་པ་ཅན་ཐམས་ཅད་ཀྱིས་ཇི་ཙམ་དུ་ཚེགས་ཕྱུང་ཞིང་ཇི་ཙམ་དུ་གནོད་པར་བྱས་
D169.059.0264a03.01པ་དང་། ཕས་ཀྱི་རྒོལ་བ་ཐམས་ཅད་ཀྱིས་ཐོ་བཙམས་ཤིང་ཅོ་དྲིས་ཏེ་འབྲེལ་བར་བྱེད་ཅིང་རལ་གྲི་དང་། མདུང་ཐུང་དང་། མཚོན་རྩེ་གཉིས་པས་ཕུག་པ་དང་། མ་ཐོབ་པ་དང་། མ་གྲགས་པ་དང་། སྨད་པ་དང་། སྡུག་བསྔལ་བས་ཀྱང་མི་གཡོ། མི་འཁྲུལ། རྣམ་པར་
D169.059.0264a04.01མི་འཁྲུལ། མི་ཞུམ། སྒྱིད་ལུག་པར་མི་འགྱུར། ཀུན་དུ་མི་སྐྲག །ཀུན་དུ་སྐྲག་པར་མི་འགྱུར། ཡི་མུག་པར་མི་འགྱུར། འགྱོད་པར་མི་འགྱུར་བར་ཐོག་མའི་ལྷག་པའི་བསམ་པ་དེ་ཡང་མི་གཏོང་ཞིང་བརྟན་པར་ཡང་དག་པར་འཛིན་ལ། བྱང་ཆུབ་ཀྱི་སེམས་རིན་པོ་ཆེ་བསྐྱེད་པ་དང་།
D169.059.0264a05.01འཇིག་རྟེན་གསུམ་པོ་ཐམས་ཅད་ལས་ཁྱད་པར་དུ་འཕགས་པའི་སེམས་བསྐྱེད་པ་དང་། སེམས་ཅན་ཐམས་ཅད་ཀྱི་སྐྱབས་དང་། མགོན་དང་། དཔུང་གཉེན་གྱི་སེམས་བསྐྱེད་པ་དང་། མཚུངས་པ་མེད་ཅིང་འདྲ་བ་མེད་པའི་སེམས་བསྐྱེད་པ་དེ་ལས་ཀྱང་མི་ཉམས་མི་ནུར་ཏེ། ཐེག་པ་
D169.059.0264a06.01གཞན་ལ་འདོད་པའི་སེམས་ལན་འགའ་ཡང་མི་སྐྱེད་པར་སངས་རྒྱས་དྲན། ཆོས་ཀྱི་འཁོར་ལོ་ལ་རྟོན། སེམས་ཅན་ཐམས་ཅད་མངོན་དུ་བྱེད། སྟོབས་ཉེ་བར་སྟོན། མཐུ་སྐྱེད་པར་བྱེད། རྩལ་གྱིས་རྣམ་པར་གནོན། བརྩོན་འགྲུས་རྩོམ་སྟེ། ཕ་རོལ་གྱི་ཚིག་གིས་གནོད་པར་མི་ནུས་པ་
D169.059.0264a07.01