完整藏文原文 · 德格版页 当前仅加载第 59 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
སྡང་བ་དང་། མགོ་མྱོས་པ་དང་། རྨོངས་པར་མི་བྱེད་དོ། །སྐྱེ་བོའི་ངེས་པའི་ཚིག་ལ་དབང་ཟ་བར་མི་བྱེད་དོ། །ཚིག་ཐམས་ཅད་སངས་རྒྱས་ཀྱི་གསུང་དུ་མོས་སོ། །ཡི་གེ་གསོག་དང་ཡི་གེ་སྟོང་པ་ཉིད་ཀྱིས་ཚིག་ཏུ་བརྗོད་པ་ཐམས་ཅད་ལ་སྐྱོན་དུ་ལྟ་བ་མ་ཡིན་ནོ། །
D169.059.0283a01.01འཁྲུག་པའི་སྐབས་མི་ཚོལ་ལོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ན་འཁྲུག་པ་མེད་པ་ཞེས་བྱ་སྟེ། དྲིས་པ་ཐམས་ཅད་ལུང་བསྟན་པ་སྟོན་པ་དག་ལ་དེ་ལ་དེ་མེད་ཅིང་ཀུན་དུ་སྣང་བའི་ཏིང་ངེ་འཛིན་དེ་ཀུན་དུ་བསྒོམ་པའི་ཕྱིར་སྒྲ་སྐད་ཐམས་ཅད་དུ་འཇུག་པའི་
D169.059.0283a02.01གཟུངས་ལ་མཁས་པས་རྟག་ཏུ་རྒྱུན་མི་ཆད་པར་དེ་བཞིན་གཤེགས་པ་འཁྲུལ་པ་མེད་པའི་ཚིག་གིས་ཆོས་སྟོན་ཏེ། ཐམས་ཅད་དུ་ཕྱད་པར་ལུང་སྟོན་པ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་དང་པོའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་
D169.059.0283a03.01སྤྱད་པ་སྤྱོད་པ་ན། ཚིག་གི་སྐྱོན་ཐམས་ཅད་སྤངས་པ་ཡིན་ཏེ། བདེན་པ་སྨྲ། ཆོས་སྨྲ། དོན་སྨྲ། འདུལ་བ་སྨྲ་ཞིང་། མུ་ཅོར་མི་སྨྲ། བྱུང་རྒྱལ་དུ་མི་སྨྲ་སྟེ། འཕགས་པ་མ་ཡིན་པའི་གཏམ་ཐམས་ཅད་སྤངས་ནས་འཕགས་པའི་མི་སྨྲ་བ་ཐོབ་ཅིང་དགེ་སྦྱོང་གི་ཆོས་ཀྱི་བྱ་བ་རྩོད་པ་མེད་པ་ལ་
D169.059.0283a04.01ཞུགས་ཏེ། ཆོས་གང་ཉན་ཅིང་ཡོངས་སུ་ཚོལ་བ་དང་། གཞན་ལ་ཡང་སྟོན་པ་དེ་དག་ཐམས་ཅད་བདག་དང་གཞན་དག་ཞི་བ་དང་། ཉེ་བར་ཞི་བར་བྱ་བའི་བསམ་པས་ཡོངས་སུ་ཚོལ་ལོ། །རྩོད་པ་མེད་པ་ལྷུར་ལེན་པ་མེད་པའི་ཕྱིར་དེ་སུ་དང་ཡང་མི་འཐབ་མི་རྩོད་དོ། །དགྲར་མི་
D169.059.0283a05.01ཚོལ་ལོ། །དགྲ་མེད་པའི་ཆོས་ལ་མོས་པ་ཡིན་ནོ། །བརྗོད་དུ་མེད་པའི་ཆོས་རྣམས་ལ་འཇུག་གོ། །དེ་བཞིན་གཤེགས་པའི་ཡེ་ཤེས་ལྷུན་གྱིས་གྲུབ་པ་ལ་མངོན་པར་དད་དོ། །སེམས་ཅན་གཞན་ཡང་ཆོས་ཉིད་འདི་ཡང་དག་པར་འཛིན་དུ་འཇུག་གོ། །དེ་ཆོས་ཡང་དག་པར་
D169.059.0283a06.01བླངས་པ་འདི་དང་ལྡན་པས་བྱང་ཆུབ་ཐོབ་པ་ན་ཅ་ཅོ་མེད་པ་ཞེས་བྱ་སྟེ། དེ་ལ་དེ་མེད་པ་ཡིན་ནོ། །དེ་ཡི་གེ་འབྲུ་གཅིག་ཀྱང་མི་རྗོད་ཅིང་མི་སྨྲ་ལ་སྒྲ་སྐད་ཐམས་ཅད་དང་། ངེས་པའི་ཚིག་གིས་བསྟན་པ་དག་ལ་ཡང་ལྷུན་གྱིས་གྲུབ་པ་ཉིད་དུ་ལེགས་པར་བཤད་པས་འཁོར་ཚིམ་པར་
D169.059.0283a07.01