完整藏文原文 · 德格版页 当前仅加载第 59 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་འགྱུར་རོ། །ཆུས་འཇིག་པ་བྱུང་བ་ལ་མེ་ཡིས་འཇིག་པར་གྱུར་ཅིག་ཅེ་ན་ཡང་དེ་དེ་བཞིན་དུ་འགྱུར་རོ། །གལ་ཏེ་མེ་ཡིས་འཇིག་པ་བྱུང་བ་ལ་ཆུ་ཡིས་འཇིག་པར་གྱུར་ཅིག་ཅེ་ན་ཡང་དེ་དེ་བཞིན་དུ་འགྱུར་རོ། །ཐམས་ཅད་དང་ལྡན་པའི་འཁོར་འདི་འཁོར་ལོས་སྒྱུར་བའི་ཁ་དོག་དང་།
D169.059.0262b01.01གཟུགས་སུ་གྱུར་ཅིག་ཅེ་ན་ཡང་དེ་དེ་བཞིན་དུ་འགྱུར་རོ། །དེ་བཞིན་དུ་འཇིག་རྟེན་སྐྱོང་བའི་ཁ་དོག་དང་། གཟུགས་དང་། བརྒྱ་བྱིན་དང་། ཚངས་པ་དང་། དབང་ཕྱུག་ཆེན་པོའི་ཁ་དོག་དང་། གཟུགས་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མའི་
D169.059.0262b02.01ཁ་དོག་དང་། གཟུགས་སུ་གྱུར་ཅིག་ཅེ་ན་ཡང་དེ་དེ་བཞིན་དུ་འགྱུར་རོ། །གལ་ཏེ་བདུད་རེ་རེ་ལ་ཡང་ལག་ན་མཚོན་ཐོགས་པའི་བདུད་ཀྱི་སྡེ་བྱེ་བ་ཕྲག་བརྒྱ་ལྷག་པ་ལ་བདུད་དང་། བདུད་ཀྱི་རིས་ཐམས་ཅད་ཀྱི་རལ་གྲི་དང་། མདུང་ཐུང་དང་། མདའ་བོ་ཆེ་དང་། མཚོན་རྩེ་
D169.059.0262b03.01གཉིས་པ་དང་། མཚོན་ཆ་སྣ་ཚོགས་གང་ཡིན་པ་དེ་དག་ཐམས་ཅད་རིན་པོ་ཆེ་སྣ་ཚོགས་ཀྱིས་སྤྲས་པའི་མུ་ཏིག་གི་སེ་མོ་དོར་ཀུན་དུ་གནས་པ་དང་། སྣ་མའི་མེ་ཏོག་དང་། ཨུཏྤ་ལ་དང་། པ་རི་ཤ་ཀ་དང་། ཙམ་པ་ཀའི་ལྡ་ལྡིར་ཀུན་དུ་གནས་པར་གྱུར་ཅིག་ཅེ་ན་ཡང་དེ་དེ་
D169.059.0262b04.01བཞིན་དུ་འགྱུར་རོ། །གལ་ཏེ་འབྲོག་དགོན་པར་བཟའ་བ་དང་། བཏུང་བ་དང་། ཁ་ཟས་མེད་པ་དག་ཏུ་ཁྱིམ་བྱེ་བ་ཕྲག་{བཅྭ་,བཅོ་}བརྒྱད་པའི་གྲོང་ཁྱེར་ཆེན་པོ་ཀུན་དུ་གནས་ཤིང་། བཟའ་བ་དང་། བཏུང་བ་དང་། ཁ་ཟས་མང་པོ་བྱུང་བར་གྱུར་ཅིག་ཅེ་ན་ཡང་དེ་དེ་བཞིན་དུ་འགྱུར་རོ། །
D169.059.0262b05.01སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གཟུགས་སུ་སྣང་བ་དེ་དག་དེ་བཞིན་གཤེགས་པའི་གཟུགས་སུ་ཀུན་དུ་གནས་པར་གྱུར་ཅིག་ཅེ་ན་ཡང་དེ་དེ་བཞིན་དུ་འགྱུར་རོ། །འཁོར་འདི་ཐམས་ཅད་ནམ་མཁའ་ལ་གནས་པར་གྱུར་ཅིག་ཅེ་ན་ཡང་དེ་དེ་བཞིན་དུ་འགྱུར་རོ། །རིགས་
D169.059.0262b06.01ཀྱི་བུ་དག་གལ་ཏེ་བུ་མོ་རིན་ཆེན་གྱིས་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་སངས་རྒྱས་བཅོམ་ལྡན་འདས་ཆོས་སྟོན་པར་འཇུག་པ་ཇི་སྙེད་པ་དེ་བར་སྣང་འདི་ལས་ལྷག་ཆད་མེད་ཅིང་མཐའ་དག་རྫོགས་པར་རྣམ་པའི་མཆོག་ཐམས་ཅད་དང་ལྡན་པར་བྱུང་བར་གྱུར་
D169.059.0262b07.01