完整藏文原文 · 德格版页 当前仅加载第 59 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
ཏན་ཡང་དེ་ཙམ་མོ། །བུ་མོ་དེ་ལྟ་བས་ན་ཅི་ནས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོས་ཐེག་པ་ཆེན་པོའི་ཉོན་མོངས་པར་གྱུར་པའི་ཆོས་ཡོངས་སུ་སྤང་བར་བྱའོ། །ཆོས་གང་དག་གིས་ཐེག་པ་ཆེན་པོ་རྣམ་པར་དག་པར་འགྱུར་བའི་ཆོས་དེ་དག་ལ་བསྟེན་པར་བྱ། བསྒོམ་པར་
D169.059.0305b01.01བྱ། མང་དུ་བྱའོ། །དེ་ལ་ཐེག་པ་ཆེན་པོ་རྣམ་པར་དག་པར་འགྱུར་བའི་ཆོས་དེ་གང་ཞེ་ན། བུ་མོ་ཆོས་སུམ་ཅུ་རྩ་གཉིས་པོ་འདི་དག་ནི་ཐེག་པ་ཆེན་པོ་རྣམ་པར་དག་པར་འགྱུར་བ་སྟེ། སུམ་ཅུ་རྩ་གཉིས་གང་ཞེ་ན་འདི་ལྟ་སྟེ། གསོལ་བ་མ་བཏབ་པར་སེམས་ཅན་ཐམས་ཅད་ལ་དགེ་བའི་བཤེས་
D169.059.0305b02.01གཉེན་དུ་གྱུར་པ་དང་། གཞན་གྱིས་བྱས་པ་རྣམས་ལ་མངོན་པར་དགའ་བ་མེད་པ་དང་། དགེ་བའི་རྩ་བའི་ཚོགས་ཐམས་ཅད་ལ་བསམ་པ་བརྟན་པ་དང་། བྱ་བ་ཐམས་ཅད་ཡོངས་སུ་གྲུབ་པ་ལ་ཞུམ་པ་མེད་པ་དང་། བསམ་པ་དག་པས་སེམས་རྙོག་པ་མེད་པ་དང་སྤྱོད་ལམ་ཐམས་ཅད་
D169.059.0305b03.01དུ་རྣམ་པར་མི་རྟོག་པས་ལུས་ཡོངས་སུ་དག་པ་དང་། ཇི་སྐད་སྨྲས་པ་དེ་བཞིན་དུ་བྱེད་པས་ངག་ཡོངས་སུ་དག་པ་དང་། བྱང་ཆུབ་ཀྱི་སེམས་མི་འདོར་བས་སེམས་ཡོངས་སུ་དག་པ་དང་། ལན་ལ་མི་རེ་བས་སྦྱིན་པ་ཡོངས་སུ་དག་པ་དང་། ངང་ཚུལ་ངན་པ་ཡོངས་སུ་སྐྱོབ་པས་
D169.059.0305b04.01ཚུལ་ཁྲིམས་ཡོངས་སུ་དག་པ་དང་། ལུས་དང་སྲོག་ལ་མི་ལྟ་བས་བཟོད་པ་ཡོངས་སུ་དག་པ་དང་། སྟོབས་བཅུ་དང་མི་འཇིགས་པ་བཞི་ཡོངས་སུ་རྫོགས་པར་བྱེད་པས། བརྩོན་འགྲུས་ཡོངས་སུ་དག་པ་དང་། ཉོན་མོངས་པ་ཐམས་ཅད་ཀྱིས་ཟིལ་གྱིས་མི་ནོན་པས་བསམ་
D169.059.0305b05.01གཏན་ཡོངས་སུ་དག་པ་དང་། བག་ཆགས་ཐམས་ཅད་ཡང་དག་པར་འཇོམས་པས་ཤེས་རབ་ཡོངས་སུ་དག་པ་དང་། བདུད་ཀྱི་ལས་ཐམས་ཅད་ཡོངས་སུ་སྤོང་བས་སེམས་པ་དང་། ཁ་འོག་ཏུ་ལུས་འཁྲུས་པར་བྱེད་པས་ཡི་དམ་ལ་བརྟན་པ་དང་། སེམས་ཅན་ཡོངས་སུ་སྨིན་
D169.059.0305b06.01པར་བྱེད་པས་བསྡུ་བའི་དངོས་པོ་རྣམས་མི་འདོར་བ་དང་། དམ་པའི་ཆོས་ཡོངས་སུ་སྲུང་བས་སངས་རྒྱས་ལ་བྱས་པ་གཟོ་བ་དང་། བྱང་ཆུབ་ཀྱི་ཕྱོགས་ཀྱི་ཆོས་རབ་ཏུ་རྫོགས་པར་བྱེད་པས་ཡོངས་སུ་མི་སྐྱོ་བ་དང་། ཤེས་རབ་དང་། ཡེ་ཤེས་རབ་ཏུ་རྫོགས་པར་བྱ་བའི་ཕྱིར་ཐོས་པས་མི་
D169.059.0305b07.01