完整藏文原文 · 德格版页 当前仅加载第 59 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའི་སྤྱད་པ་སྤྱོད་པ་ན། རྟག་ཏུ་རྒྱུན་མི་འཆད་པར་ཕ་རོལ་གྱི་སེམས་སྲུང་བ་ཡིན་ཏེ། གཞན་གྱི་སེམས་འཁྲུགས་པར་མི་བྱེད། སེམས་གདུང་བར་མི་བྱེད། སེམས་ལ་དམིགས་པར་མི་བྱེད། དགེ་བའི་རྩ་བའི་བར་དུ་གཅོད་པར་མི་བྱེད། ཆོས་ལ་དམིགས་
D169.059.0284a01.01པར་མི་བྱེད་ཅིང་ཆོས་ཐམས་ཅད་སྒྱུ་མ་ལྟ་བུར་མོས་ཏེ། གཡོ་བ་མེད་རློམ་སེམས་མེད་ཅིང་སེམས་ཅན་ཐམས་ཅད་ལ་སེམས་སྙོམས་པ་ཡིན། ཆོས་ཐམས་ཅད་མཉམ་པ་ཉིད་དུ་མཐོང་སྟེ། ཆོས་ཀྱི་དབྱིངས་འདྲེས་པ་མེད་ཅིང་རོ་གཅིག་པ་ལ་ཞུགས་པ་ཡིན་ནོ། །དེ་ཆོས་ཡང་དག་པར་
D169.059.0284a02.01བླངས་པ་འདི་དང་ལྡན་པས་བྱང་ཆུབ་ཐོབ་པ་ན་སེམས་བསྐྱེད་པ་གཅིག་ཙམ་ཡང་མཉམ་པར་མ་བཞག་པ་མེད་པ་ཡིན་ཏེ། ཆོས་ཐམས་ཅད་རང་བཞིན་གྱིས་མཉམ་པ་ཉིད་རྣམ་པར་སྤྲོས་པ་མེད་པའི་ཏིང་ངེ་འཛིན་ཤིན་ཏུ་བསྒོམས་པ་དང་། ཀུན་ནས་འཁྱིལ་པའི་སྒོའི་གཟུངས་ལ་མཁས་པས་
D169.059.0284a03.01མཉམ་པར་བཞག་ཅིང་ལྷུན་གྱིས་གྲུབ་པའི་ཚུལ་གྱིས་དེ་བཞིན་གཤེགས་པའི་སངས་རྒྱས་ཀྱི་མཛད་པ་ལ་འཇུག་པ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་བཞི་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། ཕྱིན་ཅི་ལོག་
D169.059.0284a04.01གི་འདུ་ཤེས་མེད་པ་ཡིན་ཏེ། སེམས་ཕྱིན་ཅི་ལོག་མེད། ལྟ་བ་ཕྱིན་ཅི་ལོག་མེད། མེད་པ་ལ་སྒྲོ་འདོགས་པའི་ཕྱིན་ཅི་ལོག་མེད་པ་ཡིན། བདག་ཏུ་འདུ་ཤེས་པ་མ་ཡིན། སེམས་ཅན་དུ་འདུ་ཤེས་པ་མ་ཡིན། སྲོག་ཏུ་འདུ་ཤེས་པ་མ་ཡིན། གསོ་བར་འདུ་ཤེས་པ་མ་ཡིན། གང་ཟག་ཏུ་འདུ་ཤེས་
D169.059.0284a05.01པ་མ་ཡིན། ཤེད་ལས་སྐྱེས་པར་འདུ་ཤེས་པ་མ་ཡིན། ཤེད་བུར་འདུ་ཤེས་པ་མ་ཡིན། ཆད་པར་འདུ་ཤེས་པ་མ་ཡིན། རྟག་པར་འདུ་ཤེས་པ་མ་ཡིན། འབྱུང་བར་འདུ་ཤེས་པ་མ་ཡིན། འཇིག་པར་འདུ་ཤེས་པ་མ་ཡིན། དགེ་བ་དང་། མི་དགེ་བ་དང་། ཁ་ན་མ་ཐོ་བ་དང་བཅས་པ་དང་། ཁ་ན་
D169.059.0284a06.01མ་ཐོ་བ་མེད་པ་དང་། ཟག་པ་དང་བཅས་པ་དང་། ཟག་པ་མེད་པ་དང་། འཇིག་རྟེན་པ་དང་། འཇིག་རྟེན་ལས་འདས་པ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་དང་། འཁོར་བ་དང་། མྱ་ངན་ལས་འདས་པ་ལ་གཉིས་སུ་འདུ་ཤེས་པ་མ་ཡིན་ལ། འདུ་ཤེས་ལ་ཆགས་ཤིང་ཞེན་
D169.059.0284a07.01