完整藏文原文 · 德格版页 当前仅加载第 59 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འཐོབ་པའི་རྒྱུར་འགྱུར་ཏེ། བུ་མོ་འདི་ནི་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་བཅུ་གསུམ་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། ཡེ་ཤེས་ཀྱིས་བྱས་པའི་ལས་རྣམས་བྱེད་ཀྱི། ང་རྒྱལ་གྱིས་བྱས་པ་རྣམས་
D169.059.0292b01.01མི་བྱེད་དེ། དེ་ཡེ་ཤེས་ཀྱི་ངག་གི་ལས་བྱེད་པ་ནི་འཁུ་བ་དང་། གཡོ་དང་། གྱ་གྱུ་དང་། ཚུལ་འཆོས་པ་ཐམས་ཅད་མི་བྱེད་དེ། བདེན་པར་སྨྲ་ཞིང་ཕྲ་མ་དང་། ངག་རྩུབ་པོ་དང་། ཚིག་ཀྱལ་པ་མི་སྨྲ་བ་ཡིན། ཕན་པའི་ཚིག་དང་། རན་པའི་ཚིག་དང་། ཆོས་ཀྱི་ཚིག་དང་། དེ་ཚིག་
D169.059.0292b02.01དེ་དག་སྨྲ་སྟེ། ཚིག་དེས་བདག་དང་གཞན་ལ་གདུང་བར་མི་འགྱུར་རོ། །ཚིག་གང་སངས་རྒྱས་ཀྱིས་རྗེས་སུ་གནང་བ་དོན་དང་ལྡན་པའི་ཚིག་སྨྲ་སྟེ། ཚིག་དེས་སེམས་ཅན་ཐམས་ཅད་ཚིམ་པར་བྱེད་དོ། །དེ་མི་གཤེ་མི་འཚིག་སྟེ། ཡེ་ཤེས་དང་རབ་ཏུ་ལྡན་པའི་ཚིག་དང་ལྡན་པ་ཡིན་གྱི།
D169.059.0292b03.01ང་རྒྱལ་དང་རབ་ཏུ་ལྡན་པ་མ་ཡིན་ནོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ན་དེ་བཞིན་གཤེགས་པ་ངག་གི་ལས་ཐམས་ཅད་སྔོན་དུ་ཡེ་ཤེས་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་ཞེས་བྱ་སྟེ། དེ་ལ་དེ་ཡོད་དོ། །རིན་པོ་ཆེའི་འབྱུང་གནས་ཀྱི་ཏིང་ངེ་འཛིན་ཤིན་ཏུ་
D169.059.0292b04.01བསྒོམས་པ་དང་། འཁོར་གསུམ་གྱི་གཟུངས་ལ་མཁས་པས་དེ་བཞིན་གཤེགས་པ་ངག་གི་ལས་ཅི་ཡང་མི་བརྗོད་ཀྱང་། དེ་སྐད་ཐམས་ཅད་ལ་སྒྲ་སྙན་དང་། འཁོར་ཐམས་ཅད་ཀྱི་སེམས་ཀྱི་བསམ་པ་ཚིམ་པར་བྱེད་པའི་སྒྲ་འབྱུང་ངོ་། །དེ་བཞིན་གཤེགས་པ་དེ་དག་ཐམས་ཅད་ཀྱི་གསུང་
D169.059.0292b05.01སྒྲ་དང་དབྱངས་ནི་དོན་དང་ལྡན་པ། ཆོས་དང་ལྡན་པ། བདེན་པ་དང་འཐུན་པ་རྟེན་ཅིང་འབྲེལ་པར་འབྱུང་བ་དང་མི་འགལ་བ། ཡིད་འབྱུང་བ་དང་འདོད་ཆགས་དང་བྲལ་བ་དང་འཐུན་པ། ཉེ་བར་ཞི་བར་འགྱུར་བ། འབྲས་བུ་ཡོད་པ་ནས་མྱ་ངན་ལས་འདས་པའི་བར་གྱི་རྒྱུར་གྱུར་པ་ཡིན་ཏེ། བུ་མོ་
D169.059.0292b06.01འདི་ནི་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་བཅུ་བཞི་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། རྟག་ཏུ་རྒྱུན་མི་འཆད་པར་ཡེ་ཤེས་ཀྱིས་བྱས་པའི་ལས་རྣམས་བྱེད་ཀྱི། ང་རྒྱལ་གྱིས་བྱས་པའི་ལས་རྣམས་མི་བྱེད་དེ།
D169.059.0292b07.01